محتاجين شبكة وايرلس

[rawas]

جمعة مباركه بإذن الله للجميع..

اليوم جيت افتح معاكم موضوع..

للشباب والبنات اكيد.. ولكني اخص البنات..
بإختصار....

الجامعة عندها فقر ماهي عارفة تعمل لنا شبكة وايرلس نقدر ندخل على النت من اجهزتنا الاب توب..
بالنسبة للبنات وعني شخصياً يلقط جهازي شبكة بس طبعاً مغلقه..
طيب ليش خلوا الطالبات تستفيد.. ما اظن إنها بتكلفكم ملاييين..

يعني بالشرقية الكورنيش كله في وايرلس وهنا بجد فيه بتشكي تشيز وعند فندق الهلتون ما ادري الشيراتون كل الشاب يجلسوا قربه علشان الشبكه..
إذا ماهو شي صعب و غالي ماتقدر الجامعة تعمله لنا..

ادري البنات بيقولوا كفاية الإجاراءات المشدده على إدخال الاجهزة الجامعة.. ولكن بجد شي يقهر..

إنتم وش رأيكم..........؟؟؟؟

[rawas]

و ازيدكم من الشعر بيت..

هما عاملين غرفة نت بالمبنى التاني ( كلية الإدارة والإقتصاد )
وايضاً بالمكتبة المركزية..

و دائم زحمة والبنات متجمعين خصوصاً بالتاني..
بينما لو يفتحوا لنا الشبكة مابتصير زحمة..

وبصراحة كتير بنات اكون جالسه على جهازي تجي تقول لي ممكن بس اعمل نسخة من السي دي او تعدل كلمة في ففلاشها المموري يعني مو الكل يبغى النت..

لا وإلي يقهر لما اجي ادخل النت يجوا البنات يقولوا معاكي لاب توب وجاية تزاحمينا على الـ 10 اجهزة حقت الجامعه.. طيب ياجماعة افهموا مافي نت بجهازي الاب توب..

طبعاً كثير من البنات وصديقاتي جايبين موبايلي كنكت او المودم حق الإتصالات ما افرق إيش اسمه.. بس حراااام مصاريف..

والله قهر.....

[يلدرم]

وعليكم السلام ورحمة الله وبركاته

هم اول يزبطوا خدمة الانترنت الموجودة كل شويه تفصل عندنا في الكلية وجع تجيب الهم

وبصراحة للاسف ياختى رواس ماأعرف ايش السبب في منع الوايرلس عن الطلاب والطالبات

في كلية الهندسة موجود ولكن وحطي تحت كلمه ولكن ألف خط للطلاب الحاصلين على معدلات جيد جدا وانا اعرف زملاء كانوا يستخدموا هذه الخدمة قبل عدة سنوات

كان اي طالب عنده هذا المعدل يروح احدى العمادات ويحصل على كلمه سر خاصة به ويجلس خارج الكلية يتصفح النت

للاسف يعنى عندنا طلاب الكلية يحتاجوا النت في كثير من المواد التي تحتاج لعمل البحوث

لكن الجامعة مكتفية بكم جهاز في الكلية بالاضافة الى اجهزة المكتبة المركزية اللي دايما تكون ممتلأه

ولكن اعتقد خدمة الوايرلس راح تكون مفيدة جدا لجميع الطلاب والطالبات بدون استثناء

[NOIR]

ما أوافق انهم يحطوا وايرليس في الجامعة
تخيلوا كل يوم يصير زحمة على البوابات عشان تصاريح اللاب توب XD
تبغوا نت , عندكم في البيت !

[:. مآء السمآء .:]

ايش دخل زحمة التصاريح في النت

و التصريح مو كل يوم انت بتسويه

وبعدين لما تجلسي مرزوعه في الجامعه من الساعه 9 الى 12 فاضيه وبعدها الى 2 تحسي بقيمة انه يكون عندك نت هناك تخلصي شغلك

من جد شي يقهر مابيكلف عليهم لو فتحوا الواير ليس لنا بدل مانجلس نتزاحم ع مبنى الاقتصاد والادارة ولا المكتبة

[Othman]

بالنسبة لكلية الحاسبات عند الطلاب
ممكن أي طالب يجيب اللاب توب معاه
ويدخل النت عن طريق الوايرليس
برقمه الجامعي
أو من أجهزة الكلية في المعمل

خطوة جيدة تحسب لادارة الكلية ..

[noo0oona]

صادقةاختي رواس كلامك عين العقل انا احس الويرلس مهم جدا للطالبات في الجامعه اناموقادره استوعب ان جامعة ولهامركزها وتطورها و و و و
واقل شي خدمات للطالبات وهي النت مايلاقي الواحد وترى موكل البنات عندهم نت في البيت ولوعندهم في كثير مايقدرو يطولو عليه و فمبنى العلوم في كذا جهاز وللاسف كلهاعطلانة يعني ماخذه مكان عالفاضي
ان شالله يحاولو يطورو الجامعه ويساعدو الطلاب والطالبات طبعا هذا من ابسط حقوقنا والا نسوي اعتراض عليهم واذاطلبو بحوث من النت نقولهم جيبو لنا ويرلس بالجامعه واحنا نسويها>>>>>هههههههه حشا فلم اكشن صار مو جامعه

[rawas]

بجد اشكر لكم ردوكم..

وبالاخص الاخ يلدرم على المعلومات..

بس بجد الموضوع مايحتاج نقاش.. فعلاً محتاجين..

[rawas]

المشاركة الأصلية كتبت بواسطة skaau بالنسبة لكلية الحاسبات عند الطلاب ممكن أي طالب يجيب اللاب توب معاه ويدخل النت عن طريق الوايرليس برقمه الجامعي أو من أجهزة الكلية في المعمل خطوة جيدة تحسب لادارة الكلية ..

للطلاب... أما الطالبات فأبشر بالعافية..


اشكر لك إضافتك..

[NOIR]

ايش دخل زحمة التصاريح في النت و التصريح مو كل يوم انت بتسويه وبعدين لما تجلسي مرزوعه في الجامعه من الساعه 9 الى 12 فاضيه وبعدها الى 2 تحسي بقيمة انه يكون عندك نت هناك تخلصي شغلك من جد شي يقهر مابيكلف عليهم لو فتحوا الواير ليس لنا بدل مانجلس نتزاحم ع مبنى الاقتصاد والادارة ولا المكتبة

لا اسمحي لي له دخل !!
500000000 طالبة في الجامعة و كل وحدة تبغى تجيب لابتوبها عشان تسوي (بحث)
انتِ تقولي لي انه مو كل يوم تسوي تصريح و انا برد عليكِ مو كل يوم عندك بحث
احس الموضوع ما له داعي , في اشياء كثيرة في الجامعة من انشطة و غيرها تسد وقت فراغك
اما النت متواجد في كل مكان

و اذا تبغوا ؟! مين راح الي راح يتكلم ؟!
تتوقعوا حيقرؤوا موضوعكم ؟!