مستوى الطلاب و الطالبات؟

[medo0o0]

والله في طلاب كدا وفي كدا
عاد انا في الكلاس حقي في ناس شفتهم مررررررررة مو حقين دراسه وكنت اقول انهم العملي وين وهدولا وين
بس تجي ايام الإختبارات ماشاء الله عليهم
وبرضو لا تنسى انو في بعض الطلاب ما يبين نفسو دافوور ليييه (يقلك خايف من الحسد )يا ابني انت وين ونحن وييين

الزبده انت خليك في نفسك ولا يهمك احد تاني دوافير تعبانين انت شد حيلك وخلي الباقي على ربك
ولا كيييييييييييف؟

[:.:SaM:.:]

المستوى بشعبتي يعني لابأس به

ماأقول دوافير ولا ماهم يّم الدراسه
لكن طالبات مستواهم جيد جداً بـ إعتقادي

اما من ناحية الدرجات فالحظ هنا يلعب دور كبير جداً
بمعنى انك ماتقدر تقارن درجات اللي ذاكر واجتهد باللي ذاكر ببساطه وآخذ الوضع عادي
لأن كله توفيق من رب العالمين

[Tomy]

اشكرك اخوي على المشاركة .... الله يوفق الجميع

[Tomy]

الأسئلة الأختيارية تسبب الضلم للطالب المجتهد بعكس الطالب المهمل ( حقره بقرة ) و يختار الاجابة و يمكن تكون أجابته صحيحه

شـــكــــراً

[asma'a]

المستوى بشعبتي يعني لابأس به ماأقول دوافير ولا ماهم يّم الدراسه لكن طالبات مستواهم جيد جداً بـ إعتقادي اما من ناحية الدرجات فالحظ هنا يلعب دور كبير جداً بمعنى انك ماتقدر تقارن درجات اللي ذاكر واجتهد باللي ذاكر ببساطه وآخذ الوضع عادي لأن كله توفيق من رب العالمين

هذي البنوتة في شعبتي يعني رايي نفس رايها^^..

وبالنسبة للطلاب اللي بيكذبو يقولوا مابنذاكر وبعدين يجيبوا درجات كويسة..

للأسف كنت انقهر منهم ايام الثانوي.. لكن ربي بلاااااني بذا الشيء..

انا ابدا مااذاكر اول بأول.. ويوم اختبار الكيمياء بكيت بكاء.. ووحدة من البنات الله يسعدها شرحتلي.. شابتر كامل.. وكمان صاحباتي في الثانوي ماقصروا ترجمولي الكلام بالعربي.. يعني مو كله.. بس الاشياء المهمة.. الله يجعله في موازين حسناتهم.. والباقي ذاكرته لوحدي طبعا.. وقرأت كل الكلام الموجود في الكتاب المهم واللي مو مهم (لأني مااعرف ايش هوا المهم).. عالعموم دخلت الاختبار.. وخرجت وانا فرحانة.. لأنه تعبت ولقيت الاسئلة قد التعب.. لكن لما سألوني البنات قلتلهم صحيح الاسئلة حلوة على قد التعب.. لكن وربي مو عارفة ايش الصح وايش الغلط..

بس بعدين لما قالولنا درجات الكيمياء.. الحمدلله ياااااربي.. درجتي كانت مررة حلوة (قولوا ماشاء الله هع هع)..

وحسيت انه بعض الناس ماصدقوني ايام الاختبارات اني كنت تعبانة.. وانجرحت من نظراتهم..

لكن وربي كل اللي قلته صدق.. حتى ماصدقت الدرجة.. لأنه وربي فيه اسئلة حقرة بقرة.. اختار الاجابة الاقرب الى قلبي..

فعشان كذا بطلت انقهر واتشمت في الناس اللي طبعم كذا.. لأنه ربي بلاني بذا الشيء من غير قصد..

وكل الحشات اللي قلتها في الثانوي قلبت علي والله..

فعشان كذا ادعولهم بالهداية^^..

بالتوفيق للجميع..

دمتم بخير^^..

[Tomy]

اشـكـركـي عــلــى الــمـــشـــاركـــة..... دمــتــي بـــود

[الصبور]

عيدكم مبارك وكل عام وانتم بخير