شنو انطبااااااعك عن دورة (كيف تصبح دافورا")

[صدى الآمال]

مشكورين ما قصرتو انا شفت الاعلانات في كلية العلوم بس قلت ما بيقولو شي جديد لكن دحين
اتمني كنت حضرتها لانوو مرررررررره محبطه الحمد لله بس

[dandoosha]

يسلمووووو عالموضوع واللي ردت على سؤالي

إن شاء الله يارب كلنا نتوفق ونكون من الدوافير

[Morouj Q]

بس من جد أحلى شي لما سوالنا التنويم بالايحاء


لما قال "حتحسي نفسك لاصقه في الكرسي" من جد حسيت دا الإحساس حتى نفسي افتح عيني اشوف كيف أشكال البنات ماني قادره
من جد ارتخت كل عضلات جسمي


وكل ماقال ارخي جزء من جسمك كنت بجد حاسه انو اترخى





ياناسو عالدكتور

من جد الله يعطيه العافيه

إن شاء الله في دوره جايه اسمها "نحو المستحيل" إن شاء الله لما أعرف متى أقوللكم

حتساعدكم على تحديد أهدافكم في الحياة

[بادي جسار]

ليه ما في
>>>>>>> كيف تصبح دافورا <<<<<<<

[ROoOFaNA]

[فروته]

طيب صبايا ممكن تقولون لنا ايش طرق المذاكرة اللي قال عليها ؟؟؟

مرة تسوو خير لو ساعدتونا بهالشي

لانه من زود القهر ما كان عندنا اي احد يودينا للدورة :(

[MoOoNi]

انا بقول لكم عن الأشياء اللي من جد راح تفيد

لما تكون تذاكر أكيد البعض بيمل والبعض بيكون مرهق وينام فوق الكتاب
فيه 3 حلول لملل

1.. اشرح ( يعني جيب اخوانك الصغار رصهم وابدأ اشرح او حتى انت لحالك سوي كأنك مدرس واشرح)
2.. غير ( انك تغير مكانك اذا كنت في غرفتك روح للسطوح للمطبخ للحوش لأي مكان اهم شي غير )
3.. خذ لك break

*

عند الارهاق والنوم

1.. غير الجو برد او حر
2.. تحرك يعني ذاكر وانت تمشي
3.. تكلم ( اتصل على أحد يحب يهرج وفرفوش واجلس اهرج معاه فترة بيسطة راح ترجع للمذاكرة وانت نشييييييط)
4.. كل
5.. اذا مرة وصلت معاك نام أقل شي اقـــــــل شي ساعتين لما ترتاح وقوم كمل مذاكرة


( كيف أحفظ وكيف أذاكر )

1.. النية وطبعا قراءة القران قبل المذاكرة ولو صفحة
2.. كن اجابيا وأرسل لنفسك رسائل اجابية ( انا أقدر .. انا دافور .. انا مااحد قدي .. انا يمديني اخلص المذاكرة بسهولة ....الخ )
3.. قل لنفسك وللاخرين لا ( اي أحد يحاول يحبطك سواء نفسك او اللي حاوليك وقفهم عند حدهم )
4.. علق على باب غرفتك ( ممنووووع الازعااج)
5.. جدول مهامك الدراسية بالوقت ( يعني من الساعة كذا لكذا بذاكر احياء ساعة بريك من الساعة كذا لكذا ببدأ احصاء وزي كذا وطبعا تختلف الساعات المحددة لكل مادة بدرجة الصعوبة عندك يعني انت عندك مشاكل في الاحياء اخصص له وقت اكثر من الكيمياء .)
6.. هيء غرفتك على أعلى مستوى
7.. اخلق المحفزات ( مثلا تقول لو خلصت الاحياء بخرج اتمشى ) وهذا يساعدك في انك تذاكر بنفسية حلوة
8.. نظام الملفات والترتيب >> تصدقوا ناسية ايش قال عليه :) اللي حضر فهمونا ذي النقطة اذا ممكن
9.. طريقة stop watch اللي هي الساعة الرقمية اللي تمشي وتوقف وهذا يساعدك في انك تشوف كم الوقت اللي استغرقته في المذاكرة بدون البريكات
10.. اسأل من قبلك ( اسأل الناس اللي اختبروا قبلك كيف طريقة الاختبارات وكيف المذاكرة وايش هي نوعية الدكتور )
11.. ماذا نأكل ( قال الدكتور انه التونة هي أفضل وجبة لما تكون تذاكر فيها شي يزود الذكاء )
12.. أنواع المواد
طبعا في مواد حفظ ومواد فهم

مواد الفهم

_لازم تحل أكبر قدر مسائل
_ وتستخدم الاوراق الصفراء خاصة في الاشياء اللي ماتفهمها أشر عليها
_ انفق وقتا ( قد ماتقدر اعط كمية وقت لهذه المواد)


مواد الحفظ

_ طريقة المذاكرة الخماسية اللي هي
اقرأ
احفظ كل جزء وسمع
احفظ الصفحة وسمع
سمع القسم
سمع الكل

_ المذاكرة الجماعية ولازم هنا تختار طلاب أفضل منك عشان مايكون فيه مجال للعب والضحك
_ نظام الذاكرة الدماغية

فيه كمان طرق حلوة للمذاكرة والحفظ

طريقة الأماكن

تنفع للصفحات 10 وأقل
ترتبهم بطريقة منظمة

*
*
*
*
تحت بعض و تبدأ بوحدة ورا الثانية
لما يجي الاختبار راح تفتكر المعلومات بالأمااكن



طريقة مايا

وهي بأنك ترسم رسمة للمعلومات وتكون الرسمة منسقة ولايقة على بعضها


الروابط العقلية

وهي بأنك تسوي زي القصة غير عادية للمعلومات وتكون هذه القصة ( مضحكة .. تدخل فيها شي كبير مرة أو صغير مررة .. تكون فيها حركة .. تضيف اشياء من عندك تساهم في القصة .. تكون غير عادية أو استثنائية .. ضع رائحة.. ضع لون )
>> على فكرة هذه الطريقة استخدمتها في مذاكرة الفيزياء قوانين سنة ثانية ثانوي وجبت 30 من 30 الحمدلله بس طبعا ماكانت بنفس الطريقة اللي قالها الدكتور بس كانت قصة مضحكة جــدا وغير عادية



طبعا
الخريطة الذهنية

اكيد الكل عارفها
هي انك تكتب المعلومة الرئيسية وبعدين تفرع منها المعلومات وهي طريقة راائعة جدا



وفي النهاية هذه بعض العبارات الراائعة

بعض الناس ينظرون ويقولون : لم
وبعض الناس ينظرون ويقولون : لم لا؟؟؟

مالا تستطيع ان تهرب منه .. ادخل فيه وبقوة

اصابع الشيطان
الانترنت .. التلفون .. التلفزيون .. الناس
أكثر الاشياء اللي تلهيك عن المذاكرة وتحبطك

الانجاز في الحياة 1% موهبة و99% بالمجهود والعمل

حمس نفسك وابحث عما يجعلك سعيدا

لابد أن تلعب بأوراق الحياة سواء أعجبتك أو لا

ان شاء الله أكون افدتكم واسفة على القصور

[gunner]

يعطيكِ العافية موني
thank you very much
:)

[سحر الوجدان]

المشاركة الأصلية كتبت بواسطة morouj q بس من جد أحلى شي لما سوالنا التنويم بالايحاء لما قال "حتحسي نفسك لاصقه في الكرسي" من جد حسيت دا الإحساس حتى نفسي افتح عيني اشوف كيف أشكال البنات ماني قادره من جد ارتخت كل عضلات جسمي وكل ماقال ارخي جزء من جسمك كنت بجد حاسه انو اترخى ياناسو عالدكتور من جد الله يعطيه العافيه إن شاء الله في دوره جايه اسمها "نحو المستحيل" إن شاء الله لما أعرف متى أقوللكم حتساعدكم على تحديد أهدافكم في الحياة

اما التنويم بالأيحاء تحفة
كان نفسي افتح عينى بس قلت لا امكن اخرب على نفسي

تسلمى على مرورك
^_^

[سحر الوجدان]

MoOoNi
مرررة شكرا"
على اهتمااااامك وكتابتك لملخص المحاااااضرة
<<<<<جالسة تراجع معها

ماشاء الله ما خليتى شي كفيتى ووفيتى

ارى جاااتوه غوزاايمس
^_^