خطوات تحويلك في فرع الفيصليه هنا

[A2Laa2]

السلام عليكم بنات كيفكم ؟؟

طبعا اول دا الكلام اللي تحت للبنات اللي جاهم القبول رسايل في الايميل و على الجوالات انهم اترشحوو لبرنامج الانتظام

انا ح اقلكم بالترتيب ايش تعملو لمن تروحوو فرع الفيصليه

اول شي تروحو للعماده معاكم صوره من الشهاده و الاصل حق الشهاده عشان يختموها

و كمان صوره من بطاقه الاحوال حاولو تجلسو من ناحيه اليمين لانو يقومو البنات من هناك اكتر بالترتيب

المهم بعدها تتطلعي على الدور التاني اول باب او تاني باب مني فاكره حق بطايق الجامعه

تدخلي تحطي رقممك الجامعي و اسمك و رقم جوالك و بعد اسبوع نراجعهم عشان يسولنا البطايق حقتنا

بعدها تروحي مبني العلوم سكشن a في مكتب شوون الطلابات وتروحي عند الموراد الماليه
عشان المكافات طبعا لا تروح عليكي حقت دا الشهر ترا ح ينزلولنا هيا

بعدها تروحي لقسممك طبعا مبنى الاداب اللي الشبابيك حقتو زرقا و تروحي عند السكرتيره حقت قسمك و تعطيك اسم المرشده الاكاديمه حقتك و تروحي تزبطي جدولك عندها :)

و البنات الحلوات اللي زييي اللي ح يحولو لي للسلمانيه بعد ترم ان شاء الله حاولو بقدر الامكان انكم تحوطو مواد عامه او مواد حره عشان ما يضيع عليكم دا الترم على الفاضي يسير يحسبولكم هيا و تتعادل :)
اتمنى الفائده للجميع
وسلامتكم

[soseTaa]

ربي يسعدك بس انتي سويتي بطاقة الصراف من الفيصلية مايحتاج نروح السلمانية ؟؟
والمواد العامة ضافوها لك ؟ لان امس لما سألت عن الثقافة تقولي كل الشعب مقفلة

[alprincessah]

^ نفس الشي دراسات وقالوا لي مقفله .. بس اخذت 4 مواد والله يعين
باقي البطاقه م غيرتها وحقت المكافاه بكره اروح لهم ..
والجدول للحين ما نزل لي ..

الاء انتي اخترتي اي قسم وكيف جدولك كان !؟

[غرام جدة]

بطاقه الصراف يطلعوها ليا وانا ماعندي حساب ف البنك ولا اروح افتح ولاكيف؟؟
وايش المواد اللي نزلتيها في جدولك؟

لاني زيك بحول بعد ترم ان شاء الله

[A2Laa2]

المشاركة الأصلية كتبت بواسطة soseTaa ربي يسعدك بس انتي سويتي بطاقة الصراف من الفيصلية مايحتاج نروح السلمانية ؟؟ والمواد العامة ضافوها لك ؟ لان امس لما سألت عن الثقافة تقولي كل الشعب مقفلة

آهلييين و يسعدك يارب :)

انا حطيت اسمي و قالولي انو خلاص ح تنزلي المكافاه بعد يوم 25 اروح اتاكد منهم من فين اخد بطاقه الصراف هما ح يفتحولي حساب في ساب و اخد البطاقه و كل شي منهم بعد يوم 25 بس اهم شي تروحي تسجلي اسمك و تتأكدي ح تنزلك ولا لا :)

بالنسبه للمواد العامه انا مرشدتي قلتلها اني ما ابغى مواد تخصص ابا مواد عامه عشان ح احول بإذن الله اعطتني ورقه المواد العامه وقالتلي اختاري المواد اللي تبغيها و على حسب اللي يريحك و زبطت جدولي و الحمدلله

لا تصدقي يقولولك مقفله مدري ايش اقعدي زوني فوق راسهم انو يفتحولك مجال او يفتحو شعبه ترا ماشاءالله عدد اللي قدم انتظام يقولولنا مقفل ليش مو بكيفهم


.................................................. .........

المشاركة الأصلية كتبت بواسطة alprincessah ^ نفس الشي دراسات وقالوا لي مقفله .. بس اخذت 4 مواد والله يعين باقي البطاقه م غيرتها وحقت المكافاه بكره اروح لهم .. والجدول للحين ما نزل لي .. الاء انتي اخترتي اي قسم وكيف جدولك كان !؟

انا قسمي جغرافيا خفت اختار دراسات تجيني وحده معقده و تعقد ديني معاها و غير كدا خفت من المواد حقتها و الانقليش راح عليا الاختبار و التاريخ كلو حفظ و تورايخ ف شفت الجغرافيا بالاسم

و الحمدلله اتيسرت اموري

البطاقه حقت الجامعه بعد اسبوع و المكافات زي ما كتبت في ردي ل سوسيتا

.................................................. .............

المشاركة الأصلية كتبت بواسطة غرام جدة بطاقه الصراف يطلعوها ليا وانا ماعندي حساب ف البنك ولا اروح افتح ولاكيف؟؟ وايش المواد اللي نزلتيها في جدولك؟ لاني زيك بحول بعد ترم ان شاء الله

لا لا تروحي تفتحي ولاشي انتي اللي عليكي تروحي للشوون في قسم العلوم عند سكشن a عند الموارد الماليه ازا ماعرفتي اسالي البنات يدلوكي و تكتبي اسمك و تراجعيهم بعد ساعه تشوفي ح تنزلك ولا و ازا ح تنزلك بعد يوم 25 ح يحطولنا اعلان فين نروح ناخد بطايق الصراف
...................................

بنات بس حابه اقولكم اللي شايفه اي شي صعب قدامها تستغفر :) استغفري و انتي متيقنه انو امورك بتتسهل لا تقعدي تتنفري و تدعي و من دي الاشياء و تتحطمي اهم شي نشد حيلنا و ماينزل معدلنا عشان نققدر نحول اهم شي حطو مواد انتو متاكدييين منها انو ماتنزل معدلاتكم الله يسعدكم :) الله يوفقنا ويسرلنا امورنا يااارب

[المتطلعة]

السلام عليكم

الحمد لله اليوم رحت وحولت انتظام كل اموري تيسرت طلعت البطاقه وسويت الجدول

ونزل ع الأودبس بكره عندي محاضرتين دعواتكم

[المتطلعة]

A2Laa2

ليش البطاقه بعد اسبوع انا طلعتهاا اليوم في خمس دقايق سوتها لي

[A2Laa2]

المشاركة الأصلية كتبت بواسطة المتطلعة a2laa2 ليش البطاقه بعد اسبوع انا طلعتهاا اليوم في خمس دقايق سوتها لي

واله مدري انا لمن رحت انا وصحباتي قالولي حطي رقم جوالك احنا نكلمك يمكن بعد اسبوع نطلعلكم هيا

[A2Laa2]

المشاركة الأصلية كتبت بواسطة المتطلعة السلام عليكم الحمد لله اليوم رحت وحولت انتظام كل اموري تيسرت طلعت البطاقه وسويت الجدول ونزل ع الأودبس بكره عندي محاضرتين دعواتكم

وعليكم السلام :)
الحمممممممدللله يارب الله يوفقك ويوفقنا ويسرلنا امورنا

[NAHER]

المشاركة الأصلية كتبت بواسطة المتطلعة السلام عليكم الحمد لله اليوم رحت وحولت انتظام كل اموري تيسرت طلعت البطاقه وسويت الجدول ونزل ع الأودبس بكره عندي محاضرتين دعواتكم

الف مبرووك ، طيب ممكن تقولي ايش المواد اللي ضفتيها لانه ابغى احول دراسات ،
وقولي لي كيف جدولك كل ايام الاسبوع المحاضرات ولا ايام محددة