مشروع الادارة الاستراتيجية مع د.هاني العمري (عنوان معدل)

[باور هورس]

طلاب وطالبات


زي ما أنتو عارفين انه فيه مشروع طالبه الدكتور هاني


وانه فيه نوعين للمشروع نختار واحد منه


يا مقارنه بين منتجين يا نتكلم على شركة


اتمنى من اي شخص او شخصه يشرح لنا السالفة


بانتظار الطيبين ....

[عبود الفهلاوي]

الظاهر انك ما بتحضر المحاضرات. فمنت عارف. ولا ما فهمت الشرح

[battota]

شوووف تلقى المطلوب بالزبط في السيلبلز حقت المادة ....

موفق

[باور هورس]

المشاركة الأصلية كتبت بواسطة عبود الفهلاوي الظاهر انك ما بتحضر المحاضرات. فمنت عارف. ولا ما فهمت الشرح

لا بالعكس احضر
لكن لأني ما كتبت المطلوب ف نسيت أش قال

[باور هورس]

المشاركة الأصلية كتبت بواسطة battota شوووف تلقى المطلوب بالزبط في السيلبلز حقت المادة .... موفق

شكرًا جزيلا

لكن فين احصله ؟؟؟

[لوريت]

خساره حتخلص محاظرات الدكتور هاني والله انها احسن كلاسات راح نشتقلو

[عبود الفهلاوي]

المشاركة الأصلية كتبت بواسطة لوريت خساره حتخلص محاظرات الدكتور هاني والله انها احسن كلاسات راح نشتقلو

معاكي 100% افضل دكتور استفد في الادارة الاعمال منه ويشرح بطريقة متميزة ياريت يتعلم الاستاذة منة والله بعض المحاضرات طفش هو محاضرتة تعدي مررررة بسرعة مدري كيف
انا راح اسجل معاة مادة اختيارية ادارة جودة هو قال عندة الجودة والاستراتيجية في الفصل الصيفي وقال راح تفتح للطالبات كمان

[لوريت]

يبختكم نحنا نظم معلومات يعني ماراح نشوفو وجه دكتور هاني :( مره ثانيه نفسي يدرسنا ماده نظم معلومات الموارد البشريه دكترتنا سيئين ياريتني دخلت اداره اعمال احسو حماس التخصص

[adnans]

ههههه أخوي الفلاوي ما تسوى أنك تفل علينا محد فينا يركز على كل اللي يقولوه الدكاتره لو كان الدكتور أبويا فمافي داعي نسوي فيها على بعض وي آر ايكول المهم فالأهم والأهم ما يهم عطيني وقت شعبتك متى يا بور وأنا خوياني منتشرين فشعب العمري وأقولك بالضبط أيه يبغى .. بالتوفيق للجميع

[girl.k.s.a]

الحمممممممممدلله إني إدارة أعمال ويارب د. هاني يكمل بآقي الموآد معانا

------

البروجكت نوعين :
الأول / مشوار طوووووووووويل بس أسهل وأحسن للبنات =)

أول شي تختار شركتين متنافستين يكونوا في نفس المستوى زي ربيع وسن توب كلهم محليين
أو تختار شركتين عالميين وتختار منهم منتج واحد تتكلم عنو زي ما قال مثل العصير

بعدين تكتب :
أ- الأداء الحالي والسابق للشركتين
ب- تحديد الاستراتيجية الحالية وماهي الموارد الداخلية والخارجية والقدرات بشكل تقييمي ؟
وتشوف القدرات لها التماس مع الجدارات تبعها وماذا يساعد المنظمة على التنافس في صناعتها ؟
ج- نحدد الموارد والجدارت في الاستراتيجية
د- مقارنة بين الشركتين على مستوى التوزيع + العلامة التجارية
هـ- نقييم أداء المنظمة : كيف نجحت في استراتيجيتها وكيف تحقق الأداء مقارنة بالمنافسين في نفس الصناعة.
و- مقارنة بين الشركتين : (البيئة الخارجية على أداء الشركتين)
ز- تحليل بورتر + steep or pestel analysis
أخيرا /
أ- توصيات (تتضمن رأيك عشان تكون الشركة أكثر فعالية)
هل حواجز دخول الصناعة عالية أو منخفضة
ب- خاتمة
هادي الأشياء كلها تكون في التقرير في وورد

--------------
نجي للعرض (البرزنتيشن)
تعمل أول شي :
أ- مقدمة عن الصناعة اللي هيا (العصير) وبعد كدا نبذة عن الشركتين
اللي اخترتها
ب- تحليل نقدي (critical analysis)
ج- البيئة الداخلية والخارجية
د- توصيات القروب من التحليل اللي عملتوهـ


التاني /
إنك تختار شركة وتروح لها وتشوف استراتيجيتهم وتسألهم أسئلة عنها وتكتب الأسئلة والاجابات
وتكتب كل شي حصل بينك وبينهم في تقرير وبس =)

^
آخر نوع مو متأكدة بالضبط هل المطلوب كدا والا في أشياء زيادة