التدريب الميداني bioc

[بيو كيميائية ^_^]

بسـأل لو حبيت آخذ التدريب في الشرقية عادي وإلا

هو ماراح أخذه الحين بس نخطط حق المستقبل

[روح الغلا]

ايوا عادي صحبتي اخذته من تبوك بس تاكدي لايكون تغيرت الانظمة
بالنسبة للسؤال من افضل التدريب في مستشفى ولا مركز؟
طبعا المستشفى لان هي الاساس و90% راح تكون وظيفتك في مستشفى
غير كدا الدكاترة الترم اللي فات اجبروا البنات الي راحوا المركز يتدربوا في مستشفى كمان فداوامو غصب عنهم وكدا دكتورة رفضوا يناقشوا في تدريب المركز وسالوا بس عن الهوسبتل
مايستفاد
ركزي الحين على الهوسبتل وبعدين سوي الي تبي

[بيو كيميائية ^_^]

^^^

أهــــا مشكورة

[Dr.moni]

السلام عليكم ورحمة الله وبركاته

الله يسعدكم ويوفقكم ويكتبلكم الخير

كنت بدي اسال متى افضل ناخد التدريب اخر شي بعد ما نخلص كل المواد ولا الصيف اللي قبله يعني وسط الدراسة ؟؟

يعني في امل نشتغل في مستشفى ؟

[angel--girl1991]

طيب لو سمحتو انا كيمياحيوي بس المستوى الثالث ومحتاره بين كمياحيوي واحياء لانو صراحه احسو نفس الشي بس اللهم انو كيمياحيوي اصب شويه منو ودسم هدا الفرق وحتى في مستقبل او في وظايف القسمين شكلهم واحد ؟؟؟
غير كدا ايش الفروق لو اخدت تخصص كيمياحيوي او احياء بليز ردوني لانو لسا ع بر وخايفه مراا ...
انا هدا السمستر اخد مواد كلها نفس مواد الاحياء لانو لو فكرت احول مايكون ضاع عليا ساعات والسمستر ع فاضي ؟؟؟
ومنجد شكرن لكل اللي راح تساعدني والله يوفقها وريح بالها زي حتريح بالي إن شاء الله (كان الله في عون العبد مادام العبد في عون اخيه) اختكم عبورة

[بيو كيميائية ^_^]

الأحياء لسه جزء عربي وجزء إنجلش

في الوظايف ياخذوا كذا تقنية مختبرات كيمياء حيوي أحياء

هذا اللي سمعته من صاحبتي يوم راحت أختها تقدم قالوا لها كذا وكانت مايكرو

بالتوفيق

[that me]

angel--girl1991
شوفي عزيزتي بالنسبه للاحياء اللي أعرفه دراسه عربي بس مدري ذحين تغير او لا...
والكيمياء حيويه انجليزي ومافيه ولا ماده عربي....
طيب انتي ذحين خذي الاحياء الماده العامه اللي لازم الكل ياخذها وشوفي اذا حبيتي القسم وحسيتي انو عاجبك ومرتاحه توكلي على الله وبالنسبه للكيمياء حيويه قسم جدا حلو وممتع معلوماته حلوه ولازم اي قسم له صعوبه
ولمن تتدربين راح يخلونك تمرين على قسم سحب وبنك الدم والكيمياء حيويه وقسم مناعه وامراض الدم وكمان الميكرو بس مايخلونك تتعمقين فيه ...وحتى بنات الميكرو ممكن يمرون على ذي الاقسام ....كمان الكيمياء حيويه تحسيه قريب للطب ناخذ امراض الجسم وكيف يصير الايض وايش الانزيمات يعني مواد حلوه تستفيدي منها يعني أنا أتكلم بما انو انا كيمياء حيوي بس في النهايه انتي استخيري... تمام وشوفي لأيش ترتاحين ومن ناحيه الوظايف خليها على ربك لانو الاولويه لبنات التقنيه وكمان يتوظفون احيانا تعاقد ...فالوظيفه بيد رب العالمين ناس ماشاء الله لقيو فرصه وأخوا خبره وتعينوا وناس لين ذحين ولا شئ وجالسين....

بالتوفيق

[that me]

المشاركة الأصلية كتبت بواسطة dr.moni السلام عليكم ورحمة الله وبركاته الله يسعدكم ويوفقكم ويكتبلكم الخير آآآمين ولكي كمان... كنت بدي اسال متى افضل ناخد التدريب اخر شي بعد ما نخلص كل المواد ولا الصيف اللي قبله يعني وسط الدراسة ؟؟ أنا اللي أشوفه خذي أكبر قدر من المواد أحسن يعني انتي مو خسرانه شئ أحسن عشان لمن يجي التدريب تكونين مجمعه أكبر قدر معلومات وفهمتي شوي القسم وتعلمتي مصطلحات كثيره... يعني في امل نشتغل في مستشفى ؟ الامل بالله كبير ان شاء الله ...فرصة التوظيف لنا شوي صعبه لانو لازم خبره بس ماعليكي تقدري تتدربي بعد التخرج وبعدها ان شاء الله تتوظفين وفيه بنات توظفوا بس الاولويه لبنات التقنيه

...ربنا ييسر للكل وباالتوفيق...

[Dr.moni]

السلام عليكم ورحمة الله وبركاته

:) الف شكر

[مياسة العود]

بنات

أنا سمعت انه اقدر اخد التدريب بين الترمين الأول والثاني صح دا الكلام اولا