أنتحر مثلآ ؟! تعليقآتكم :(

[Miss Bero]

بصراحة انا بعرف انو الطب بنظر الناس ارقى وافضل والباقي ماشي حالو بعد الطب لكن فكرو ياجماعة الطبيب لو بدو يعالج شخص ويوصفلو دوا مين راح يفهمو قد الصيدلي والصيدلي نفس الشي لو بدو ينصح بدوا معين دايما نسمع الكلمة دي راجع الطبيب بالاول يعني كلهم مكملين بعضهم ومافي احد اعلى من التاني تخيلو بلد كلها اطباء بس ولا بلد كلها صيادلة بس الدنيا عكة عشان كدا احنا لانفكر في المكانة الاجتماعية نفكر في الشي الي اتخصصنا فيه وقد ايش هو مهم وقد ايش راح ينفع المجتمع وبرأي اي شي يتعلق بالطب مانو سهل واتمنى كلامي يوصل للكل ومابدي اسمع ندمان لدخولي التخصص الفلاني عشان اكتشف انو الطب مطلوب سمعة في مجتمعنا ابدا لانفكر كدا احنا احسن من كدا واتمنى التوفيق لكل الي تخصصو والي ماتخصصو وحماس ورا حماس حنعديها ونحقق نجاح كبير وكلو بفضل الله وتوفيقو .......... سلامتكم

[THE HILL]

السمعه . الرغبه . كلام الناس . المكآآنه الاجتماعيه . الوظيفه..... والكثيير


من حقكـ تسال وتستفسر وتشيل هم بخصوص المستقبل بس انت عندك طمووح تركت كل المجالات والاقسآمــ واخترت الصيدله " اذا بعد استخارة ليش تتحطم وتزعل ؟؟!!""



ربي يختار لك الخيرة وانت ما تدري ...



الصيدلي =" دواء " طبيب =" تشخيص "


اي انهما مكملان لبعضهما " ومن ينتقص حق الصيدلي شخص جاهل "


و لا تنظر للماده ,, ركز على ما يحتويه هذا التخصص من معلومات قد تفيد امه باكملها ..


غير ان :

الطب = لا ينفع دون رغبه


وانت من سيعلّم الناس من هو الصيدلي " حاول ان تمتلك ردود للدفاع عن تخصصك فمن ينتقص من تخصصكـ ينتقص منك ومن اختيارك " فلا تستلمـ ^^

اما الان ..


اجعل جل استمتاعك ف الصيدله لمده سنه وبعدها الخيار لكـ اما " ان تكمل او ان تحول "





الله يوفقنا واياك وتذكر ان هناك من هم بمقدورهم دخول كلية الطب لكن رغبتهم دفعتهم لاختيار الصيدله ,,,

[Qotaiba HBK]

الصيدلة تخصص حلو ومستقبله كويس, وما شاء الله علم شامل لكل الامراض والادوية ..

بالتوفيق لكل ان شاء الله ..

[MaJnOnHa]

المشاركة الأصلية كتبت بواسطة the hill الله يوفقنا واياك وتذكر ان هناك من هم بمقدورهم دخول كلية الطب لكن رغبتهم دفعتهم لاختيار الصيدله ,,,

وانا منهم

[BeKo]

د.مجنونها

ما قصروا الشباب والبنات اعطووووك ردود اتوقع انها كافية ووافية

لكن انا بقووول لك كلمة وحدة بس !!

تذكر اول يوووم تقابلنا هنا في المنتدى

انت كنت اكثر شخص حبيته

لأنك حببتني في التخصص واذا تبغى الصدق كمان

انا دحييين ما اشوووف نفسي في غير الصيدلة

عشااان كذا خلّي عنك كلام النااااس وخلييك واثق من نفسك

وعلمهم مين يكوون الصيدلي في المجتمع

تحياتي للجميع .. ولك خصيصا ..

[MaJnOnHa]

المشاركة الأصلية كتبت بواسطة beko د.مجنونها ما قصروا الشباب والبنات اعطووووك ردود اتوقع انها كافية ووافية لكن انا بقووول لك كلمة وحدة بس !! تذكر اول يوووم تقابلنا هنا في المنتدى انت كنت اكثر شخص حبيته لأنك حببتني في التخصص واذا تبغى الصدق كمان انا دحييين ما اشوووف نفسي في غير الصيدلة عشااان كذا خلّي عنك كلام النااااس وخلييك واثق من نفسك وعلمهم مين يكوون الصيدلي في المجتمع تحياتي للجميع .. ولك خصيصا ..

والله يا د.بيكو اني امووت بهآ التخصص واحبه من قبل بس النآس وخآصه عندنا مشكله كلامهم كثير .. ويقولون كثير ..

بس انا خلاص مآبسمع لأحد وبمششي بتخصصي وزي مآقلت بعلمهم من الصيدلي ..


وانا خلاص جاتني منكم انتم .. ومن ابوي واخواني دفعات معنويه خلتني مافكر بغيرها وان شاء الله تلقآني من المتفوقين بالصيدله :-) وكلنا متفوقين

اشششكرك بيكو انت خصيصآ .. لأنك ذكرتني بحماسي الاول وكيف صرت متحطم الحين سبحان الله كلام النآس يسوي كذا ؟!

بس ان شآء الله حمآسي رجع وماراح توقفه الا الوثيقه

[BeKo]

هذا حبيبي الدكتور ضيف الله اللي اعرفه

كذا كفووووووو

بس تتوقع انك بتتفوق علي ؟؟

نبغاها حماااس وتحدي واجتهااااد

وقبل هذا كله نبغى تعاون وحب الخير للغير

الكلام هذا مو موجه لمجنونها وبس

اللكلام لجميع طلاب كليتنا سواء دفعة 11 او غيرها

اشكر لك رجوووعك زي ما كنت واتمنى تحب الصيدلة اكثر واكثر وتبدع في دراستها

بالتووفيق للجميع ..

[MaJnOnHa]

يآرب كلنآ بنتفوق .. وبنتعآون اكيد ..

وبنصير آحسن دفعه .. ولا تسونهآ دفعة (11) << حتى الرقم مميز

[pharm.d .s]

انا راح اقولك مثال بسيط د.غادة المطيري من اشهر الالمخترعات السعوديات تخصصها كمياء
دكتورة هبة الدوسري << صيدلانية
حياه سندي تخرجت طب والماجستير تقنية حيوية
دكتورة الهام قطان احياء دقيقة
الانسان المبدع مبدع مهما كان التخصص
وسيبك من كلام الناس وربي لو دخلت طب راح يقولولك لية دخلت طب راح تقضي عمرك كلوا دراسة ومن هادا الكلام

[rarba]

المشاركة الأصلية كتبت بواسطة pharm.d .s انا راح اقولك مثال بسيط د.غادة المطيري من اشهر الالمخترعات السعوديات تخصصها كمياء دكتورة هبة الدوسري << صيدلانية حياه سندي تخرجت طب والماجستير تقنية حيوية دكتورة الهام قطان احياء دقيقة الانسان المبدع مبدع مهما كان التخصص وسيبك من كلام الناس وربي لو دخلت طب راح يقولولك لية دخلت طب راح تقضي عمرك كلوا دراسة ومن هادا الكلام

كلام مرررررررررررررررررة صح يا دكتورة, الواحد ما يسلم من كلام الناس :)
-بس ملاحظة صغيرة, الدكتورة حياة سندي اخذت بكالريوس فارماكولوجي ودتوراة تقنية حيوية زي ما قلتي
هذي من الناس اللي انا مررررررة افتخر بيهم ^.^