هل اندم ولا لا

[طالب سنة تحضيري]

هل من الممكن اني اندم اذا دخلت كلية الهندسة

[eng.mosaab]

هههههههههههههههههههههههههههههه

من الممكن انك تندم في حالة وحده , انك دخلت الهندسة وانت مالك في الفيزياء ولا الرياضيات .

[السمكري]

انت تقصد مجال الهندسه و لا كليه الهندسه في جامعه الملك عبد العزيز ؟؟؟
على العموم مجال الهندسه ممتع اذا انك حبيته و بدلت فيه جهد و ما عمرك تندم باذن الله .......
اما كليتنا الغاليه فهي في بعض الاحيان حتحسسك بالندم لكن لا تستسلم و خليك اقوى من اي ظروف و برضو ما حتندم باذن الله ..........


نصيحه اخويه عمرك في حياتك ما تندم على شي لانه اكيد اكيد اكيد خير لك و موفق دنيا و اخره

[mohammad saleh]

أكيييييييييييييييييد لازم تندم واستنى اللي يجيك

[rival soul]

انا اقولك لو انت فيه تخصص معين عاجبك دراسته كمواد وكدا تحبها او مرررا تكره الدراسة ولكن في وظيفة تناسبك مثل تتمنى تشتغل في بنك او مستشفى او او.... اختار على اي اساس من دي ولكن استخير ربك واللي تنقبل فيه مهما كان صعب ومهما واجهت تكون مقتنع داخلك انو ربنا كتبلك الشي دا وانت في شي عاجبك فيه اصلا .

لكن لو مافي ولا شي في بالك لاتخصص ولا وظيفة ولا تبغى تدرس شي صعب وكدا فشفلك شي من التخصصات السهلة وخلي التخصصات الصعبة لاصحابها وبرضو ادعي ربك انك تنقبل في الافضل لك واستخيره في كل ماتختار .

ونصيحة ترا والله مافيه تخصص سهل بمعنى الكلمة ولكن في تخصص اسهل من تخصص ياريت تكون فهمتني والافضل روح زور كل كلية تبغاها وشوف المباني كيف والقاعات واسأل الطلاب عنها شوف تعجبك او لا وكدا
والله يكتبلك اللي فيه الخير

[mr_x_7]

اذا انتا في الدراسه مش ولا بد
والله العظيم لا تندم اشد الندم
لازم تشد حيلك وبزات عندنا في الهندسه
والله العظيم حتى اللي شدو حيلهم..مااستفادو
درجاتك تعتمد بعد الله على الدكتور وشويه اجتهاد منك
ادا الدكتور طيب بتاخد درجات..والله لو انك فاشل
وادا دكتور ... انسى الموضوع لو انك دافور وانشتاين
هادي الهندسه كدا عندنا
لكن ادا انتا فيك حيلة دراسه ومرمطه وذل
تعال الهندسه

[space-arch]

أخي الكريم

الله ييسر عليك الخير .... بس شو تخصصك بشان نفيدك اذا عاوز مساعدة...؟؟

واذا انت دخلت الفرع والتخصص اللي تحبه مستحيل تندم اذا واجعتك صعوبة ما.....موفق

[مهندس الزعيم]

يمقن ايه ويمقن لا

[rel3x]

بتندم اذا ماكان لك في الرياضيات والفيزياء ^^ زيي

وبتكره عمرك لو حطوك في رابغ

[Eng:S.T.M]

المشاركة الأصلية كتبت بواسطة mr_x_7 اذا انتا في الدراسه مش ولا بد والله العظيم لا تندم اشد الندم لازم تشد حيلك وبزات عندنا في الهندسه والله العظيم حتى اللي شدو حيلهم..مااستفادو درجاتك تعتمد بعد الله على الدكتور وشويه اجتهاد منك ادا الدكتور طيب بتاخد درجات..والله لو انك فاشل وادا دكتور ... انسى الموضوع لو انك دافور وانشتاين هادي الهندسه كدا عندنا لكن ادا انتا فيك حيلة دراسه ومرمطه وذل تعال الهندسه

حلوة حتى اللي شدوا حيلهم ما استفادوا، قول على الاقل دكتور معين دكتورين، اما انك تعمم على كلية كاملة صعبة شوية وكانك درست كل المواد في كل التخصصات!!!! خاطب العقلاء بما يعقلون،،،