سؤال واستفسار إلى طالبات وطلاب سنة تانية بشري

[Dr/nony]

السلام عليكم ..
أنا درست السنة التحضيرية معاكم بس ما حصل نصيب ودخلوني تمريض طبعاً مارضيت لأنو حلمي الطب ورحت ابن سينا وكملت سنة تانية طب ,, المهم
ما ارتحت في ابن سينا وحابة انقل جامعة المللك عبد العزيز تاني ، الله يخليكم قولولي بالضبط اش المواد والبلوكات اللي اخذتوها في السمستر الأول والتاني عشان أعرف حيعادلولي ولا لأ ؟
واللي عندو أي فكرة الله يسعدكم عن موضوع التحويل من جامعة أهلية لحكومية يفيدني ، وهل صحيح إنهم حتى لو قبلوني حينزلوني تانية < انا كذا سمعت من وحدة إنو حتى لو قبلوني محا يعادلولي وحينزلوني تانية !!
ارجو الرد لأني بجد مكتئبة من دا الموضوع ومني قادرة ازاكر ولا أسوي اي شي دا الموضوع شاغل بالي ,,
شكراً مسبقاً على تعاونكم :)

[surgeon]

اختي اللي انا ارعرفه انو التحويل من جامعة حكومية لجامعة حكومية صعب فما بالك من اهليه لحكومية (((اتوقع مستحيل لاني ماااعرف احد حول ))

وربي يكتب لك اللي فيه الخير

سرجون

[Dr~NanoOok]

وعليكم السلام والرحمة

أختي.. ربي يختارلك الخير ويكتبه ليكِ فين ما يكون
وان شاء الله يشيل همك يوفقك ,, وخليكِ دحين مركزة في مزاكرتك واعملي أحسن ما عندك
وبعدها ربنا يحلها ويريحك

بالنسبة للمواد ,, فهذه كانت خط سنة ثانية من دفعة 08 , أما السنة اللي فاتت فيها اختلافات بسيطة
زي المواد العامة و مادة الفاونديشن أعتقد

بس بصفة عامة , تقريبا نفس المواد




اما بالنسبة للتحويل
جامعتنا كانت تقبل طالبات من ابن سينا ,وكان مجموعهم 5 طالبات بس
ولكن السنة اللي فاتت ما قبلوا ولا أحد , لكن ادعي ربنا انهم على السنة دي يقبلوا من ابن سينا

وإن ما حصل اللي انتِ تبغيه.. برضو احمدي ربنا.. امكن مافيه الخيرة لك
وكتيرين ما قدروا يدخلوا التخصص اللي يبغوه , لكنهم لما استخاروا وكملوا في التخصص اللي دخوله
اسعدوا فيه ومره ارتاحوا
وإن شاء الله ربي يكتبلك كده آمين