ياترى ماهو السر خلف حذف مشاركاتي

[Moh.Hussein]

ياترى ماهو المبرر المنطقي لحذف مشاركاتي مع العلم انها مشاركات هادفه
ياترى هل فيه اتفاق بين ادارة المنتدى والمدرسين الخصوصين ؟
ياترى كم النسبه الي تتحصل عليها ادارة المنتدى لحذف مشاركاتي؟
كل شروحي في المنتدى لمناهج الانجليزي معتمده على اساليب الامتحان وطريقة الفهم الصحيح
اذا كانت ادارة المنتدى تحاول ان تتكسب على حساب الطلبة فلماذا لا تعرض عليا نسبه انا الاخر عشان اسكت وما اتكلم؟
اذا كانت الدكتاتورة ( اسف اقصد الدكتورة ) زهرة السوسن لا تريد تبرير موقفها من افعالها الي زادت عن الحد وحذفها لمشاركات فعاله فعليها ان تقبل بتخمينات الغير وظنونهم حولها بروح رياضيه
وهذه هي ضريبة الدكتاتورية

ملحوظه هامه: الي يريد ان يعرف ما معنى دكتاتورية عليه ان ينظر الى كلام الدكت..تورة زهرة السوسن بالاسفل:

النظام العام لمنتديات طلاب وطالبات جامعة الملك عبدالعزيز...:
يمنع منعا باتاً التدخل في شؤون إدارة المنتدى ، ولإدارة المنتدى الصلاحية في حذف أو تعديل أو نقل أو اغلاق أي موضوع أو ايقاف عضوية أي مشترك , وفي حالة الرغبة بطرح إستفسار التوجه إلى قسم الشكاوى والإستفسارات ....

إدارة المنتدى لا تعتمد طريقة الإعلان عند إيقاف أحد الأعضاء ولن يتوجب عليها تبرير سبب الإيقاف لعامة الأعضاء , ويستثنى من ذلك بعض الحالات ...

يعني من الاخر بلطجه

والله لما اشوف كلامك هدا احزن واقول في نفسي :
ياترى لسه فيه عقول بالدرجه هدي من التخلف؟
ياترى كيف انسانه بالمنظر هدا تكون مسئولة عن مستقبل طلاب شباب وبنات

[Naser]

بغض النظر عن كل الكلام الذي كتبته
السبب في ايقاف عضويتك لمدة اسبوعين هو الترقيم عبر الرسائل الأكاديمية

ارسلت رقم جوالك إلى احدى الطالبات
وهذا الايقاف كان تطبيقاً لنظام المنتدى


جزاك الله خير على مساعدة الطلبة , لكن ليس على حساب نظام ومبادئ الموقع
والرسائل ليست موجود لكي ترسل رقم جوالك لـ الطالبات


نحن لا نعتمد على الإعلان في حالة ايقاف اي عضوية
لكن مشاركاتك بعدة عضويات و محاول قلب الأعضاء علينا
يدفعنا إلى ان نبقي هذا الموضوع امام جميع الأعضاء , و ردنا واضح

ناصر

[طالبه حايصه]

بسم الله وش فيه ..

[اهل جدة ياحلاهم]

ياجماعة الخير حاولو انكم تنهون المشاكل هاذي باي طريقة

ادااارة المنتدى بلييييييييييييز

مافي وقت نبغى نخلص الانجليزي والصراحة الاغلب عجبهم طريقة شرح الاستاذ وانا اولهم واحنا نطالب الادارة انو يرجعون عضويته عندنا استفسارات كثيرة

وبعدين اذا صار هذا الشي

ايمكن تكون البنت محتاجة انها تفهم الموضوع عن طريق الجوال اتوقع انو مايحتاج الي صار دا كلو والله البنت اذا اخذت رقمواو هو اعطاها لاهداف اخرى فهذا شي راجع لها وله مع اني متاكدة انو مستحيل انو تتواجد هادي الاهداف واحنا كدا مزنوقين وحايسين ونبغى نستفيد اي شي لاتنسون انو هو بيعلمنا يعني معلم يعني مافيها شي لو ااعطاها رقمو من باب المساعدة بليييييز لاتكبرون المسايل احنا نطالب انه يكون موجود عندنا كذا استفسار ضروري

امنعو فقط تبادل الارقام بين الطلاب والطالبات وليس بين الاستاذة والطلاب كل طالب وطالبة وطريقتهم في تلقيهم للمعلومات في الي تحب او يحب انو يسالو عن اشيا اخرى يكون الاستاذ لسع ما وصل لها بدل مايضيعون الوقت في اشيا هما عارفينها ويستنون الين يجي اليونت الي يبونه وبعدين في كذا موضوع منزلين ارقام الاستاذة ومافيها شي وعلى السنترا بيشرحون لنا استاذة رجال وحطو ايميلاتهم للي يحب انه ياخذه
ليه تعتبرون انه منزل مشاركاته من اجل الترقييييم (عييييب والله )

جزاه الله كل خير على الشرح الي بجد هو الوحيد الي حسيت انو مافي خبص وشربكة مشالله واضح

[Mohamed Hussein]

اولا احب اشكر الاستاذ ناصر على توضيح السبب (حتى وان لم يكن السبب الحقيقي) ورده عليا بكل ادب واحترام على الرغم من اسلوبي المستفز

استاذي الفاضل انا هفرض معك ان السبب ليس اياً مما قلته في مشاركتي في الاعلى وان السبب فعلا هو رقم جوالي الي اعطيته للطالبه
طيب اذا كنت تبيني اصدق ان هذا هو السبب فعلا جاوبني على سؤالي : ليش مسحتو مشاركاتي الي فيها شرح للمنهج؟
كان ممكن توقفوا عضويتي فقط وتخلو مشاركاتي يستفيد منها الطلاب وبالذات ان الامتحانات على الابواب وماعاد باقي شي خلاص

اخوي ناصر انا مقدر لك دفاعك عن المنتدى بقدر استطاعتك والسبب الي ذكرته سواء كان صح او مجرد حجه لدوافع اخرى فلا داعي ان يجعل الامور تاخذ اكبر من حجمها
انا اتمنى ان يكون ظني في غير محله واستغفر الله على اي ظن سؤ ظننته بكم وارجو من الجميع مسامحتي حتى زهرة السوسن الي كلمتها على الخاص باسلوب مشين اتمنى انها تسامحني
واتمنى ايضاً ان العقول تكبر شوية ومافيه اي داعي ابدا من التصميم على شيء لا يجلب الا الاذى للطلاب والطالبات
ارجو ان تتفهم كلامي وان تعيد ادارة المنتدى مشاركاتي الي فيها شرح المناهج

وشكرا

[برآءة حروف]

شوشو .. ايش الرد هذا اللي مال ابوه داعي..!!

اسلوبك مرررة مو حلو عشان الواحد يرد عليك .. بس انا حبيت اوضحلك

ياقلبي هما بعدين حيتحاسبوا على كل صغيرة وكبيرة تسير في المنتدى .. يتحاسبوا من مين ..!!

من ربنا يوم القيامة .. هذي مسؤولية كبيييييرة جداً جداً

واللي فاهم وعارف احسن من الجاهل ويجي يرد بكلام مالو معنى

.. وتعالي هنا قلبوو ..

اذا مثلاً .. مثلاً

في واحد ارسل لوحدة ايميلها او العكس على انو مساعدة والا شرح والا شي

ليش مايتساعدوا في موضوع والا يكتبوا عبر الرسائل عشان تكون الدنيا مكشوفة

لازم يطلعوا خارج المنتدى ويتراسلوا على الايميل ...!!

وبعدين الشيطان ياقلبي مالو امان :)

فاهمة ياقلبو

طيب واذا بنت على قولتك مسجلة بنك ولد عشان تراسل واحد .. كذا هما ماحيجيهم الذنب الذنب على الاثنين اللي تراسلوا

لانو هما مايدروا وهما عليهم على اللي قدامهم عشان مايكون ذنب في رقبتهم ليوم القيامة

........................

ومرة ثانية ياعسل لا تردي ردود مستفزمة مالها معنى .. اوك ياعسل

بالتوفيق لك .. والله يبعد عنك اولاد الحرام

تحيتي

^^

[تعبت انتظر:)]

والله كان نفسي يكمل الاستاذ شرح لانو بصراحه

كان ناوي يشرح القرمر

وابي اقول ملاحظه لو فعلا هو ارسل رقم جواله لطالبه

المفروض هي ماتصير خفيفه ريشه وتدق عليه

وبصراحه انا ماتوقع اي شخص يرسل لوحده رقمه من الباب للطاقه

لانو الوحده المحترمه ماراح احد يتجراء ويدز لها رقمه

لو كان هذا السبب هو ايقاف عضويته

[اضواء الحب]

يؤ أيش دآ


بيجي الاختبار وانتو تقولو ترقيم ..<<<<<<<<<ببكي


بس حتى ولو

اذا كان الموقف من توقيف العضويه
الرساله ليش تتمسسسسسسسسح مشاركاتو ..
؟


حرآم وربي نستفيد منهـآ ..

[Naser]

السلام عليكم ورحمة الله وبركاته

مشاركاته إن حذفت فهي خطأ إداري وستعود ان شاء الله
الاخ سيتم ايقاف عضويته لمدة اسبوعين حسب النظام كما يطبق على الجميع

ولا يوجد أي سبب آخر غير مخالفة نظام المنتدى عن طريق الرسائل الأكاديمية وارسال رقم الجوال


واشكر الاخت براءة حرف على ردها على الاخت شوشو ,,

ناصر

[السنحاني999]

ايقاف عضويته اسبوعين والله مع احترامي لك ياناصر هذا مو قرار صائب
بعدين رقم ومارقم انت فتحت الموقع للاستفاده والا اذا كان السبب مادي فهذا شي راجع لك
اخي ناصر من سهل لمسلم طريق يلتمس فيه علم سهل الله له به طريق الى الجنه
وش ذنب الالف تحرمهم من هالدروس الي تفيدهم
اخي لو سمحت رجع عضويه الاخ محمد حسين ترى مابقى الا خمس يوناتات
اخلص نيتك ياناصر عسى الله ينصرك ورجع عضويه الاستاذ محمد
وانا اعتقد انه ماخذ الرقم الا عشان يفيدها في بعض المواضيع
لاتعتقد بسؤ النيه فالله يعلم مافي النوايا