يــوميــــآت مــواطن جــوعـــآن ..!!

[د.كيــف]

[ 20 ]

عيــون أح ــمـــد ..,


غلطان تحْسِب من غيابك أنا خايف
لاالدنيا توقف عليك ولا العمر يِنمَد

أدخلّك في البَحَر .. وأطلّعك ناشف
ونارك بإيدي حَطَبْها تشتِعِل | تِخمَد

أطيح .. لكنّي حتى بـ طيحتي واقف
هذا أنا ياحبيبي في ( الجزر والمَد )

قاسي ولا تهزّ قلبي قولتك [ آسف ]
متعوّد أعيش شامخ ~ ياعيون أحمَد

[د.كيــف]

[ 21 ]

أنــآ ودي أخ ـــووون



بعد عينك ما أبي أيّة عيون
وما أتخيّل ( دنيتي ) والله بدونك

كل ماتجرح أحس إنّك تمون
أدري إنّك خاين ، وقلبي يصونك

آنا ودي أشعل الفرقا وأخون
عطني واحد يشبه عيونك وأخونك

[ليال...]

من فرحتي في شوفتك وإنت صايم
ـــــــــــــ فكرّت طول الليل بك .. ماتسحّرت !

ماضحكت إلا على الوضع التعيس
[ الحزن ] ساعات تعبيره ضحك

من ( مهنّد ) ماخَلَصنا ولا ( لميس )
كل يوم تشوف .. [ مشهد يجرحك ]

إحشِم عيونك بلا ( ليلى و وقيس )
شوف شي إصلاحي الله يصلحك

إللي حاصل عيب بـ زوارة خميس
لا تتابع هـ المسلسل ~ ( أنصحك )


يعطيك العافيه على هالموضوع الحلوو

[د.كيــف]

[ 22 ]

ألفيـن فكـ ـــــــرررهـ



لي قلب واحد تزدحم فيه الأفكار
فكره تجي .. وتروح ألفين فكرَه

تمشي رياحي عكس ماكنت أختار
حتى [ حبيبي ] جايز بيوم يكرَه

ما يختلف هالوقت ويّاي لو دار ،
والطيّب إللي راح ياطِيب ذكرَه

خذ حكمتك ياقلب من كل ماصار
اللي يبيك اليوم ، ينساك بُكرَه

[د.كيــف]

[ 23 ]

طــوآآري الحــب ..,


كتُوم ، ولكن عيونك ، حبيب القلب تفضحنا
تسولف نظرتك عنّا .. يبيّن في العيون أحيان

كلام كْثير إذا جينا .. وكلام أكثر إذا رحنا !
تِخَيّل ، إحْنَا مانحكي ، وسيرتنا ... بكل لْسان

حبيبي بعْضهم يفرَح إذا من .. [ خيلنا طحنا ]
لأنه ، قُربنا مسبّب لهم " أزمه " من الأحزان

أنا ماأبيك لاجابوا ( طواري الحُب ) تمدحنا ،
وإذا قالوا منو تعشق عيونك ؟ لا تقول " فلان "

[صمت مسموع]

رائع

والله يديك العافيه

//

تقبل مروري المتواضع

..
سي يو

:)

[د.كيــف]

[ 24 ]

أكثـر من حبــآيب ,..


انا لاغبت حاضر وسط قلبك
وغيري لاحضر محسوب غايب !

احبك مو مثل هالناس احبك
انا وياك ( اكثر ) من ~ حبايب

[د.كيــف]

[ 25 ]

قــآرب نـجـآتــي .,


كنت أغلى إنسان عندي ،
كنت ذاتي
وكنت في وقت الغرق :
" قارب نجاتي "
وأدري إنّك ما وفيت
:
إنتْ أحلامي الجميله ، وأمنياتي
وخنتني لما ~ غفيت !
كنت نور الدنيا والبسمه بـ شفاتي
وفجأة ياعمري إنطفيت !
:
كنت لي أوضح من الشمس بـ حياتي
مدري وشلون إختفيت !!
مدري وشلون إختفيت !!
قول وشلون : إختفيت ؟

[د.كيــف]

[ 26 ]

عـيد الفطــر ..,


لاتْغيب أكثر | غِيب | بس شويّه
قلّل من غيابك ، وإرحَم ~ حالي

يرتاح بالي .. وإيدك .. بـ إيديّه
كل عام وإنتْ بخير ، ريّح بالي

فرحة ( طفل ) لما إستَلَم عيديّه
هذا شعوري بشوفتك .. يالغالي

[ عيد الفطر ] للناس ماهو ليّه
العيد يبدي عندي ، وإنتْ قبالي

[د.كيــف]

[ 27 ]
كـبريت ..,


لا تْقول أحبه وأبي يرجع وتتدلّع
بعض الأوادم فراقه ... يُعتبَر خيرة

لاتْقول وقتك مثل هالشخص ماطلّع
ضايق من الديرة ؟ غيّر هذي الديرة

عُود إنطفى .. لو تحاول فيه ماولّع
كبريت لو ما إشتَعَلّ لك يشتِعِل غيرة