هل التعليم عن بعد معتمد في التوظيف او الانتساب ؟؟

[الطالب الذهبي]

سؤال ضروري جداً :

هل التعليم عن بعد معتمد ومعترف به في الخدمة المدنية والدولة او غير معتمد ؟؟

وايهم معتمد اكثر من ناحية الوظيفة : التعليم عن بعد او الانتساب ؟؟

وارجوكم اللي عنده معلومة صحيحه و اكيده يجاوب واللي ما عنده لا يجاوب ويترك الاجابة للي عنده معلومة اكيده من الوزير او الملك

خلاص شبعنا حكي وفلسفه , كل من هب ودب يرمي كلام .. نبي كلام اكيد ومعتمد

انتظركم ....

[الطالب الذهبي]

معقوله اكثر من 50 مشاهدة ولا احد يرد ..

!!!!!!!!!!!!!!!!!!!!!!

[yama]

شوف يااخوي عندك منتدى جامعة الملك عبدالعزيز وحدة جابت اثبات على اعتماد تعليم عن بعد في الخدمة المدنية وبالتحديد تخصص العلوم الادارية روح لقسم الاقتصاد ةالادارة


ومااقدر احط لك رابط المنتدىيمكن يكون مخالف لقوانين المنتدى

[خريجة خدمه اجتماعيه]

الي متاكده منه ان الانتساب غير معتمد كوظيفه تعليميه يعني تصير مدرس من وزاره التربيه والتعليم ماعدا تخصص اللغه الانجليزيه لوجود نقص
اما كوظيفه اداريه في المدارس فهو معتمد الانتساب
وطبعا سلم الرواتب والبدلات تختلف بين المعلمين والادارين

بنسبه للخدمه المدنيه عندما اطلقوا جداره 3 وحاطين نوع الشهاده ومكتوب انتساب او تعليم عن بعد او انتظام فنقول ان شاء الله معتمده

وزاره الصحه مو معتمد التعليم عن بعد الا تخصص الاداره الصحيه فقط
اما الانتساب معتمد

وماتدري مع الايام الجايه وش يصير تتغير اشياء ان شاء الله للاحسن
الله يوفقك ويعطيك اكثر مما تتمنى

[FRoOoS_9]

طيب بالنسبة للقانون ؟ هل بعد التخرج اقدر افتح مكتب خاص ؟وﻻ نعلق الشهادة؟

[بحوور!]

لرفع

[مناااؤي(:]

طيب انا انتساب ؤابي احؤل تعليم عن بعد ؤتخصصي علوم اداريه له مستقبل بتعليم عن بعد ولا اقعد انتساب افضل لي امانة افيدؤني كثير متردده انا ب هالمؤضؤع شاغل لي بالي محتاره ؤش اسؤي ):

[سحر قلبي]

لا إله إلا الله
ارجوا الإجابة ع آخر سؤال

[مناااؤي(:]

تكفوووون جاوبوني معقول مافي احد عندهـ خبرة بـ هالموضؤع ><

[الابتسامه الورديه]

انا بنفسي مسجله فى موقع الخدمه المدنيه
والتعليم عن بعد مسموح له بالتقديم والتعين
وتخصص العلوم الاداريه دارج ضمن التخصصات المتاحه

شوف عيني وعلى ما اقول شهيد ..

يعني الله ماشوفناه لكن بالعقل عرفناه .... معقول تخصصات غير متاحه ونظام غير متاح .. يخضع للتدريس وينزلوه بالخدمه .. طالما مافيه توظيف ليش منزلينه بالخدمه ؟؟؟