الاحصاء وكيف نجتازه بمتياز

[malk alghamdi]

الاحصاء اذا انت عند دكتور كويس مايحتاج ملخصات
الكتاب كافي ووافي
و تمارينه مرا كويسه ، تقدري تبحثي عن حلولها بالانترنت
بالاضافه تشوفي سنوات ماضيه
و تجيبي الفل مارك

ده الكلام للقسمين ، الاحصاء مادة مرا جميلة

[رفّات حُلم]

بنات
فيه أحد جرّب دعاء بوقري ؟
كيف شرحها كدا؟

[almr7r7]

أنا مرا خايفه من ريما العمودي
وشكرررررا لكل اللي تفاعلو مع الموضوع وردو

[Yasmina95]

دعاء بوقري منسقة المادة و كلهم يقولوا انها كويسة
ترا لا تخافوا كل دكاترة الإحصاء كويسين ومتعاونين و يفهموا ما شاء الله
ريما كويسة أنا حضرت لها و مرة تفهم
ودعاء صحبتي عندها تقول انها مرة كويسة وتفهم
ترا الإحصاء مادة حلوة و سهلة بس انتبهوا من الأسئلة في الاختبار و حلوا بتركيز ولا تدخلوا الاختبار الا وانتوا فاهمة الإحصاء و أساسياته وحافظين المصطلحات و درجاتها اضمنيها لأنو بنهاية الترم يزودوا لك كيرف أب 7 او 8 درجات

[رفّات حُلم]

^
شُكرًا ياسمينا
طيب بحكم خبرتك في الخطة؛ د/ ليلى الحربي عادي تنقلي لها؟ ود/ حنان الشاذلي؟
ولا تشُوفي الأحياء يعتمد على حفظي ومو لازم أفهمه؟
وفي السكشن للإحصاء بس؟ وأحسن شي سماح سندي؟

[د/ندى]

داككري من السلايدات واسئلة الكتاب اللي ورى كل باب ونمادج اسئلة قديمه

ووضعك حيكون في السبمتيك

[AoDi]

بنات هو الكرف اب للأحصاء غالبا 7 و لا لا..؟

و هما عطونا من اول ولا لسا راح ينزل ...؟

[Yasmina95]

^

شوفي هو على حسب
في بنت 5 و في بنت 8
كل وحدة تختلف
بالسليمانية من اول نزل الكيرف أب لأنو أنا نقصت و تعوضت بنقصي
اما بالشرفية ماني عارفة

[Yasmina95]

المشاركة الأصلية كتبت بواسطة رفّات حُلم ^ شُكرًا ياسمينا طيب بحكم خبرتك في الخطة؛ د/ ليلى الحربي عادي تنقلي لها؟ ود/ حنان الشاذلي؟ ولا تشُوفي الأحياء يعتمد على حفظي ومو لازم أفهمه؟ وفي السكشن للإحصاء بس؟ وأحسن شي سماح سندي؟

ايوه عادي تنقليلهم في بنات كتير نقلوا ، بس الأفضل من بدري عشان ليلى بعدين تقفل النقل
و لا تتسرعي بالنقل شوفي دكتورتك يمكن تناسبك أحسن منهم ، و احضري ل ليلى مرة و ل حنان مرة و شوفي مين أحسن
دكتوراتك ولا هما
الأحياء تلات ارباعه حفظ و يعتمد عليكي ، لكن الشباتر 6 & 7 و الوراثة تحتاج لها فهم
و بالذات اللي حابب يدخل يدخل طب او تخصص صحي دي الشباتر يحتاجوا فهم ، لأنو في النهائي جاتني سؤالين برة سلايد و جاتني سؤالين تحليه بفهمك ، يعني ضروري بالنهائي تدخلي الاختبار و انتي فاهمة
و السيكشن موجود للإحصاء بس ، المواد التانية مافيها سيكشن
الي كانوا يدوا سيكشن هما عبير و سماح و شفياء و دعاء ، ممكن سماح ما تناسبك وتشوفي شفياء افضل
بس عن نفسي سماح تفهم و كويسة ، فلا تستعجلي

[rereee al-moteri]

نزل لكم الاستاذات ب الجدول انا مانزل :(