الكتب الدراسية في الصيدلة

[ζ ـــږۉف الـتـ’ـمـيـــزْ]

السلام عليكم ورحمه الله وبركاتة


كيفكم اخواننا واخواتنا الرائعين


جايتكم بطلب وان شاء الله القاه عندكم

ابغى روابط للكتب المقرره عليكم دراستها .. سواء في سنه 2 او اي سنه ..

عندي كتاب للـ Pathology بما انه مشتر بين الطب والصيدله ..

بس اذا ماعليكم امر احتاج كتب في التخصص اكثر ..



وشكـــراً

[THE HILL]

اهلين ،،
والله احنا الكتب عندنا كمراجع وكل مقرر له مرجع عندنا
اغلبنا ما يرجع للكتب الا نادرا


انتي تبغي كتب مشتركه بيننا وبين الطب ؟؟

[ζ ـــږۉف الـتـ’ـمـيـــزْ]

المشاركة الأصلية كتبت بواسطة the hill اهلين ،، والله احنا الكتب عندنا كمراجع وكل مقرر له مرجع عندنا اغلبنا ما يرجع للكتب الا نادرا انتي تبغي كتب مشتركه بيننا وبين الطب ؟؟

يعطيك العافيه ...

لا ابغى كتب في تخصص الصيدله نفسه ..
لشخص ناوي يتخصص صيدلة ويبغى ياخذ فكره عنها ..

[ُزمرد]

بصراحه احنا ما نعتمد عالكتب في الدراسه نعتمد على الشيتات اللي هيا مقتبسه من رفرنس متعدده ( اكتر من كتاب )

وصعب انك تحصلي الكتب ع روابط في النت انا كنت بدور ع كتاب فارماكولوجي ومره ماحصلت اغلب الروابط معطوبه ،

الكتاب مرا complicated لو تطلعي على السلايدات اللي بندرسها يكون احسن لانها مبسطه ومنظمه =)

good luck

[ζ ـــږۉف الـتـ’ـمـيـــزْ]

المشاركة الأصلية كتبت بواسطة ُزمرد بصراحه احنا ما نعتمد عالكتب في الدراسه نعتمد على الشيتات اللي هيا مقتبسه من رفرنس متعدده ( اكتر من كتاب ) وصعب انك تحصلي الكتب ع روابط في النت انا كنت بدور ع كتاب فارماكولوجي ومره ماحصلت اغلب الروابط معطوبه ، الكتاب مرا complicated لو تطلعي على السلايدات اللي بندرسها يكون احسن لانها مبسطه ومنظمه =) good luck

شكرا ياعسل

بس لوسمحتي من وين اجيب السلايدات ؟!
اذا عندك ممكن تنزليها هنا

ويعطيك العافيه

[pharm.d .s]

المشاركة الأصلية كتبت بواسطة ُزمرد بصراحه احنا ما نعتمد عالكتب في الدراسه نعتمد على الشيتات اللي هيا مقتبسه من رفرنس متعدده ( اكتر من كتاب ) وصعب انك تحصلي الكتب ع روابط في النت انا كنت بدور ع كتاب فارماكولوجي ومره ماحصلت اغلب الروابط معطوبه ، الكتاب مرا complicated لو تطلعي على السلايدات اللي بندرسها يكون احسن لانها مبسطه ومنظمه =) good luck

صراحة كلامك صدمني مرا
وحسيت من جد اني ما ظلمت المتدربات الي كانوا عندنا
كتاب الفارما كلوجي حق لبن كوت المرجع الي اعطونا هوا دكاترتنا من اسهل الكتب اصلا انا اغلب الوقت كنت ارجع للكتاب عسان الصورة والطريقة المبسطة في شرح المكنزمات
والكتب منظمة اكثر وبروفشينال اكتر
صح انا ما كنت ازاكر من الكتب بس كنت ارجع لاشياء الي مو فاهمتها الي احتاج اعرفها من اساسهااا
الكتب حاجة لابد منها

[ُزمرد]

المشاركة الأصلية كتبت بواسطة pharm.d .s صراحة كلامك صدمني مرا وحسيت من جد اني ما ظلمت المتدربات الي كانوا عندنا كتاب الفارما كلوجي حق لبن كوت المرجع الي اعطونا هوا دكاترتنا من اسهل الكتب اصلا انا اغلب الوقت كنت ارجع للكتاب عسان الصورة والطريقة المبسطة في شرح المكنزمات والكتب منظمة اكثر وبروفشينال اكتر صح انا ما كنت ازاكر من الكتب بس كنت ارجع لاشياء الي مو فاهمتها الي احتاج اعرفها من اساسهااا الكتب حاجة لابد منها

بصراحه دا الواقع =(

انا دوبي مخلصه سنه 2 وصحباتي سنه 3 ماجابولي طاري كتب ابداً الاعتماد الاساسي في الدراسه و (الاختبارات) عالشيتات
وماحد ينكر ان الدراسه من الشيتز
اما اللي حابب يستفيد لنفسه يمكن يرجع للكتب بس احس اسلوبها حيكون بالبدايه صعب شويه لين نتعود

والله انا قريت لك كم رد وشفتك توصي بالكتب وحاولت احمل اكتر من كتاب لماده الفارماكولوجي كل الوصلات كانت معطوبه للاسف

انا قلت الكتاب معقد بالنسبه لاننا دايما بناخد المعلومات طازه ع بلاطه من الشيتات اما الكتاب يشرح باسهاب بس اكيد حيكون احسن لانه شارح بالتفصيل بس بدايه ليا لو قريت من كتاب ح استصعب الموضوع لين اتعود عليه ويسير مرا حلو انا مره اشجع اننا نرجع للرفرنس والكتب دايما


حمستيني اشتري كتب لو تعرفي كتاب مره مره مبسط للفارما ياليت تقوليلي انا مره مهتمه بالماده دي من قبل ما ادرسها .

[pharm.d .s]

المشاركة الأصلية كتبت بواسطة ُزمرد بصراحه دا الواقع =( انا دوبي مخلصه سنه 2 وصحباتي سنه 3 ماجابولي طاري كتب ابداً الاعتماد الاساسي في الدراسه و (الاختبارات) عالشيتات وماحد ينكر ان الدراسه من الشيتز اما اللي حابب يستفيد لنفسه يمكن يرجع للكتب بس احس اسلوبها حيكون بالبدايه صعب شويه لين نتعود والله انا قريت لك كم رد وشفتك توصي بالكتب وحاولت احمل اكتر من كتاب لماده الفارماكولوجي كل الوصلات كانت معطوبه للاسف حمستيني اشتري كتب لو تعرفي كتاب مره مره مبسط للفارما ياليت تقوليلي انا مره مهتمه بالماده دي من قبل ما ادرسها .

شوفي انا اقولك كنت ازاكر من الشيتات بس في اشياء ماكنت افهمها وتكون طريقتها مو رهيبة ابدااا او احتاج تفاصيل اكتر
وخاصة الفارما انا مرجعي كان pharmacoloy (lippincotts
مرا سهل في التعامل والاستخدام انا كنت ارجعلوا حتى بعد تالت فادني سنة الامتياز مرا كتير
المكنزمانت القروبات والسايد افكت مرا فية حلوة انا انصح فيه بقوة
حتى كتاب مو غالي وكمان مو كبير
في سنة تانية فاتك كتاب ترتورا تبع الفسيولوجي مرا رهيب :)
وصراحة الواحد مرا مهم يقرا من كتب توصلي لمرحلة في سنة سادس ما احد سيقل الشيتات
ولازم الانسان يكون يطور مهارتوا ما ينفع نعتمد على الاوراق
)

[ُزمرد]

المشاركة الأصلية كتبت بواسطة pharm.d .s شوفي انا اقولك كنت ازاكر من الشيتات بس في اشياء ماكنت افهمها وتكون طريقتها مو رهيبة ابدااا او احتاج تفاصيل اكتر وخاصة الفارما انا مرجعي كان pharmacoloy (lippincotts مرا سهل في التعامل والاستخدام انا كنت ارجعلوا حتى بعد تالت فادني سنة الامتياز مرا كتير المكنزمانت القروبات والسايد افكت مرا فية حلوة انا انصح فيه بقوة حتى كتاب مو غالي وكمان مو كبير في سنة تانية فاتك كتاب ترتورا تبع الفسيولوجي مرا رهيب :) وصراحة الواحد مرا مهم يقرا من كتب توصلي لمرحلة في سنة سادس ما احد سيقل الشيتات ولازم الانسان يكون يطور مهارتوا ما ينفع نعتمد على الاوراق )

انا احب الفيزيولجي ح اشتري الكتاب اساسا الماده مهمه لنا اننا نفهمها . الميكنزمات مره مهمه حتى لو مو عشان دراسه ك تخصص صحي مره مهم اني اكون فاهمه الفيزيولوجي !
مررره شكرا اسمو ترتورا ؟
ومرا شكرا ع التنبيه انو الكتب مهمه بجد لازم مانهملها

وانا بفضل الله ثم وحده من صحباتي نبهتني اني لما ما اكون فاهمه شي اقرأ له مقالات وصفحات عالنت بس تكون بالانجلش مو بالعربي بالبدايه استصعبت الموضوع لما قريت .. بعدين اتعودت عليه ومرره استفدت المعلومات فيه وافره والشرح بالتفصييل!

عكس الشيت يدي المعلومه ع الجاهز و احيانا من غير شرح ف يصعب عليا استيعابها احيانا في معلومات لان شرحها مو متوفر بالشيت تكون مبهمه اضطر احفظها صم من غير فهم وطبعا مو حلو الشي دا ف فعلا الحل اني نرجع للكتاب عشان افهم الهرجه مو احفظ باستعباط =)

[ُزمرد]

^
للاسف ماني محتفظه فيهـآ