حكايتي حلوه تعالوا لها...

[مووون22]

ع طول ع الحكايه....
بعد 3سنوات مع المرمطة تم قبولي في هالجامعه الخايسه بعد ماتعبت وصرقعت بخلق الله ومشى الحال واجتهدت وجبت معدل 4 بعد الهم عندي بيت وعيال ودوام احد يتخيل وضعي...والحين قدمت ع الاعفاء وطق رجلي لهم مشوار من الرياض وقسم الرجال رفضو يأخذون الاوراق قالوا لبد من تسليمها لقسم النساء وبعدها ارسلوا لي رساله من الجامعه لابد من الاسراع في السداد...واليوم جاتني رساله من communityنعتذر من قبولك بالاعفاء نظرا لمحدوديت العدد....الحين لحد يقول لا تنسحبين من هالجامعه الله يأخذهم ويريحني...انسحاااااااااااااااااااااااب والله انسحااااااااااااااااااااب.

[المنتسب2222]

لا لاتنسحبين إن شاء الله خير


وإن شاء الله الجاي احسن والله ييسرلك إن شاء الله ويحفظلك عيالك


وكذا كم سنه ونسمع عنك كل حاجه حلوة

[الوردة111]

كلنا يالغالية جاتنا هدي الرسالة وربي كلنا تعبنا وظروفنا زي الزفت الحمد لله على كل حال انا حاسة فيكي لااني مريت بنفس الظروف والله اني ماني قادرة ارفع راسي جاتني صدمة وصداع فضيع لما شفت المسج لو تشوفي التعب الي تعبه عشان الاوراق وكلهم قالولي هايقبلوكي بالعمادة واخرتها ماانقبل لاكن ماعلينا غير الدعاء والصبر ...

حسبي الله ونعم الوكيل اللم اجرنا في مصيبتنا واخلفلنا خيرا منها

[فهد العنزان]

المشاركة الأصلية كتبت بواسطة مووون22 ع طول ع الحكايه.... بعد 3سنوات مع المرمطة تم قبولي في هالجامعه الخايسه بعد ماتعبت وصرقعت بخلق الله ومشى الحال واجتهدت وجبت معدل 4 بعد الهم عندي بيت وعيال ودوام احد يتخيل وضعي...والحين قدمت ع الاعفاء وطق رجلي لهم مشوار من الرياض وقسم الرجال رفضو يأخذون الاوراق قالوا لبد من تسليمها لقسم النساء وبعدها ارسلوا لي رساله من الجامعه لابد من الاسراع في السداد...واليوم جاتني رساله من communityنعتذر من قبولك بالاعفاء نظرا لمحدوديت العدد....الحين لحد يقول لا تنسحبين من هالجامعه الله يأخذهم ويريحني...انسحاااااااااااااااااااااااب والله انسحااااااااااااااااااااب.

كملي أختي ما عاد على الأختبار الا شهر وأيام قليلة

وموضوع الإعفاء له حكايات كثيرة

مع الجميع منها المضحك ومنها المبكي من خلال تعامل مسؤلي العمادة مع الطلاب

حين رغبه الطالب مقابله العميد أو نائبه الدكتور العبود من خلال تعاملات الموظفين هناك

وإذا دخل الطالب عندى العميد أو نائب بيقول له انا مالي دخل العلمية تتم من خلال الحاسب الآلي

وانا ما أقدر أفيدك أخي بشيء هذا الدكتور الرحيلي جزاه الله خير

اما الدكتور العبود فا قال له انا عندي ناس أصعب منك حاله (مصاب في سرطان الدم) شفاه الله وعافه

ولم أعفيه من الرسوم انا مالي شأن بذلك أخي توكل على الله

وبادر بالسداد أو أعتذر هذا الترم وأجمع فلوس للترم الي بعده وكمل الجامعه !!!

هذا ما يدور في العمادة وما وصلني ومن الثقات أعرفهم !!!

الله المستعان

[حلاها زايد]

كيف يقولو لزوجك لازم يسلمها لقسم النساء انا اعرف وحده مقدمه اعفاء من قسم الرجال وقبلوها ولا شكلو كلو بالواسطه
ويامون اغلبنا حالتنا صعبه وكل شي بالسلف كلها اللي باقي ثلاث سنوات راح تمر بسرعه معليش لازم نتعب ونتحمل لكن بالاخير إن شاء الله لما تتخرجي بتكوني مرتاحه طول عمرك
ماشاء الله تبارك الله معدلك مررره حلو بالرغم من ظروفك حرااام تتركي دراستك نصيحه من اختك لاااتتركي الجامعه

[Frish flower]

لاتنسحبين ..يامون ..
ربي يسهلها عليكي ..وكل طالبين العلم ...

ربي يفرجها على الكل يارب ..
وكلي امرك لله عز وجل ..
وربي يوفقك وتكملين بالجامعة وترتاحين .. وتفرحين بالتخرج والكـــــــل يارب ..

[m u l a n]

لاتتسرعي وتنسحبي

وآنا بعد وصلتني نفس الرساله

بس وش نسوي .. بنصبر وآمرناا لله

آستخيري وفكري ولاتستعجلي

[أحلى زيزو]

حبيبتي يمكن خير لكي لاتنسحبين ولاشي راح الكثير وبقي القليل

ولاتنسي عسى أن تكرهو شي هو خيرا لكم

[مووون22]

لا وازيدكم من الشعر بيت خلاص بديت مع مدرسه الانجليزي والعربي وخلصت مذاكرة نصف الحاسب وكل الثقافه بس خلاص قفلت مااحد يعرف مزاجي اذا قفل مافيه امل اذاكر...

[MAASMOON]

المشاركة الأصلية كتبت بواسطة مووون22 لا وازيدكم من الشعر بيت خلاص بديت مع مدرسه الانجليزي والعربي وخلصت مذاكرة نصف الحاسب وكل الثقافه بس خلاص قفلت مااحد يعرف مزاجي اذا قفل مافيه امل اذاكر...

السلام عليكم
بعد التحية والله انتي تضحكين يا أختي الفاضلة
اولا : تشتكين للي في المنتدى ولا أحد بينفعك وما أحد بينفعك الا الله الواحد القهار سبحانه
ثانيا : انتي تقولي حفرتي الأرض الين ما إنقبلتي بالجامعة وانتي عارفة انه في سداد رسوم والاعفاء مهوب مضمون وتدفعين وتعدين ترم والان بكل بساطة تحطمتي وتبين تطلعين

لو انا من أقاربك بقول ::: عن الخراط بس وشدي حيلك لا أخلي اذاني واذانيك اربع