كيف احضر محاضراتي على برنامج Blackboard ؟؟؟

[مجنونة بيبي]

يسعد مسائكم حبايبي

لوسمحتو كيف استخدم البرنامج الجديد اللي اسمه Blackboard ؟؟؟؟

والله ماعد اعرف شششي صرت من كتر ماجالسين يعقدولنا كككل شي حسبي الله عليهم

محاضراتي تبددا اليوم الساعه 5 وماني عارفه كيف ادخل ولاعارفه كيف استخدم البرنامج !!

والسنترا مو راضي يفتح معايا

اتمنى تساعدوني الله يوفقكم

[s.m.b]

وانا وراكي وراكي
نفس المشكلة<<نفس الطوخه<<نفس الطينه<<بكل المصطلحات

[مجنونة بيبي]

هههههههههههههههههههههههههههههه ياقلبي انتي

والله حالنا يحزن الله يصيبهم بسسس بهدلووونا

ان شاءالله احد يعبرنا ويحزن علينا وقسم وضعنا محزن اقوى شي ياخي :(

[&الأشـ وردة ـراف&]

انا درست الصيفي عالبلاك بورد

شوفي فوق تلقي كلمة المقررات الدراسيه تضغطي عليها تلقي موادك كلها اضغطي عاالمادة اللي عليكي حينقلك لصفحه تلقي عاليمين قائمة فيها الفصول الافتراضيه اضغطيها حتلقي الغرفة اللي فيها المحاضرة سوي دخول لها وتحت تلقي التسجيلات اللي هي المحاضرات اللي فاتتك

ان شاء الله فهمتو عليا

[مجنونة بيبي]

سويت زي ماقلتي مجرد ماادخل عالبرنامج واضغط على المقررات الدراسيه معد يجيني اي شي

غير الصفحه دي مافيها اي شي فاضيه مافيها غير اللي بالصوره :(

ايش الحل وايش يعني الكلام دا ؟؟

[&الأشـ وردة ـراف&]

انتي انتساب ولا تعليم عن بعد

[&الأشـ وردة ـراف&]

اضغطي على اي مادة من المادتين اللي بالازرق حتفتحلك الصفحه التانيه اللي فيها الفصول الافتراضيه عاليمين

[&الأشـ وردة ـراف&]

ازا كنتي انتساب دا اللي شايفتو في معلوماتك اللي تحت اسمك محا تلقي محاضرات ولا شي لانه لسه مابدانا
نبدا بعد الحج محاضراتنا

[مجنونة بيبي]

واااااا

وانا احسسسب بدات ومرررا خايفه ومتووتره :(

ياشيخه الله يريح قلبببك ويسسسعدك يااااارب

منجد ريحتي قلببي بشكل ماينوووصف :(

والله ماانساكي من دعواتي اببببدا :(

مرا مبسسوطه الحمدلله الحمدلله