اسفسار عن الصيدلة ؟؟

[الدكتور المحتار]

السلام عليكم ورحمة الله وبركاته

مممممممممممممممم
انا طالب سنة تحضيريه ومعدلي الحمد لله طيب جايب ((4.00)) صح انو مو مرتفع مرره
بس الحمد لله على كول حال ....



حبايبي بدا التسكين من اليوووم وبصرااحه
انا ما ابى غيير تخصصات طبيه
طبعا الرغبة الاولى بكل تاكيد هيا طب

بس ابى ارتب رغباتي من بعد الطب طبعاابى صيدله

بس ما اعرف شي عنها ابدا ولا حااجه يعني انا ابيض في الصيدله

يعني انا ما احب شي اسمه رياضيات الا على خفيف
مممممممممممم

اولا اييش هيا مواد الصيدله ؟؟
تانيا اييش هوا الفارمة دي - والفرامة بي ؟؟
ثالثا كم عدد سنين الدراسه وهل في سنة امتياز ؟؟
رابعا تيب بعد التخرج كيف حتوظف في مستشفى ولا راح ابيع في صيدليه ؟؟
خامسا اييش هيا مميزات الصيدله وسلبياتها ؟؟
سادسا المستقبل الوظيفي كييف رااح يكووون ؟؟
سابعا كم اخر نسبة تم قبولها العااام ؟؟

وفي الاخييير معليش على اسألتي الكتيير
بس انا في حيرة ولازم ارتب اموري

[PEPO]

اممممممم الصيدله ياسيدي هيا اكثر موادها كيميا وتدرس رياضيات واحيا وباقي مواد طبيه ومواد صيدليه مستقبلك تبيع في صيدليه دكتور يعني ممكن تغير وصفه الدكتور اذا انت شايف ان فيه تفاعل بين جسم المريض والدوا امممممممم الفارم دي دكتور صيدلي يعني حاجه حلوه ومستقبلها جدن حلو وفيه حاجات كثير حلوه لو تبا تكمل وفيه مجالات كثير وكم سنه لو فارم دي ست سنوات مع التحضيري وفيها امتياز طبعا والفرق بينهم مدري والله وآخر نسبه وقفو عليها كمان مدري إن شاء الله اكون أفدتك ...

[drug]

وعليكم السلام و رحمة الله و بركاته


بالنسبه للرياضيات إنتا تحتاجه في الصيدله يعني الترم الأول في ماده كلها حسابات الإختبار يجيك عباره عن مسائل بس
لكن هذا الموضوع ما يخوف لأن المسائل من النوع البسيط مافي تعقيد
و أتوقع إن كل حسابات الصيدله تعتبر مفهومه مهي معقده زي مسائل الرياضيات

اولا اييش هيا مواد الصيدله ؟؟

بالنسبه لمواد سنه تانيه هيا:
1- مواد لجميع التخصصات الطبيه: كيمياء حيويه ، علم وظائف الأعضاء ، علم تشريح ، علم أنسجه
2- مواد خاصه بالصيدله: صيدلانيات ، كيمياء عضويه ، كيمياء تحليليه ، مقدمه للصيدله

تانيا اييش هوا الفارمة دي - والفرامة بي ؟؟

طبعاً في جامعتنا مافي إلا pharm D و هوا على حسب معلوماتي إنك تتخرج ( دكتور صيدلي )
يعني يختلف عن الصيدله العامه بإن الصيدله العامه يكون الشخص فيها ( صيدلي )
تقدر تقرا عن هدي الأشياء في المواضيع إلي في القسم

ثالثا كم عدد سنين الدراسه وهل في سنة امتياز ؟؟

عدد السنين 6 سنوات
تحضيري + 4 سنوات دراسه + سنة امتياز

رابعا تيب بعد التخرج كيف حتوظف في مستشفى ولا راح ابيع في صيدليه ؟؟

هوا يفرق على حسب المستشفى لأن في مستشفيات ماعندها النظام تبعنا
بس إلي أعرفه إنك ممكن في البدايه تبدأ في الصيدليه عشان تتعرف على الأدويه أكثر و بعد كذا تصير تشتغل مع الطاقم الطبي
طبعاً و إنتا في الصيدليه تقدر تعترض على الوصفه إلي قدامك لو فيها غلط
و كمان ممكن تشتغل في مصنع أو في مؤسسه للأدويه ... إلخ يعني المستقبل قدامك واسع إن شاء الله

خامسا اييش هيا مميزات الصيدله وسلبياتها ؟؟

من وجهة نظري
مميزاتها إنها علم رائع و مفيد و ممتع و يفيدك في حياتك اليوميه حتى لو ما اشتغلت و كمان في نقص كبيييييييييير في الصيادله السعوديين
سلبياتها إن كل الناس فاهمينها غلط و الأغلب ما يعرفوا إيش يعني صيدله و ما يعرفوا قيمة الصيدلي و كمان لسا مو كل المستشفيات تعترف بالدكتور الصيدلي

سادسا المستقبل الوظيفي كييف رااح يكووون ؟؟

جاوبتك على هذا السؤال فوق و إن شاء الله يكون مستقبل زاهر و جميل

سابعا كم اخر نسبة تم قبولها العااام ؟؟

بالنسبه للبنات 89.4
أما الأولاد 79 بوينت حاجه :)


بالتوفيق ^ــ^

[super mo6awa3]

تعقيب على ما قالته الأخت drug بالنسبة للمادة اللي أخذناها الترم الأول وهيا عبارة عن مسائل حسابية .. المادة هذي عبارة عن كيف تحسب الجرعات وكم نسبة المادة الفعالة في الدوا وكم كمية الجرعة اللي تعطيها للمريض اذا كان بالغ او غير بالغ .. يعني الحسابات جدددددددا سهلة ومالها اتصال مباشر بالرياضيات , كله عبارة عن نسبة وتناسب وكسور وجمع وضرب وقسمة وحساب كم جرعة يوميا ياخذ المريض إذا كان كمية الدوا كذا ... وزي كذا .. يعني مافي نـــــــــــهــــــــــــــــائـــــــــــيـــــــ ــــــــــــــا جا وجتا وتفاضل وتكامل والزاوية وكثيرات الحدود ومني عارف إيش .. انا شخصيا دخلت إختبار الدور الاول الترم اللي راح وماني مذاكر والله ولا حرف .. والحمدلله بالفزلكة جبت 11 من 15 بدون غش والله كله بالفزلكة

بالنسبة للمستقبل الوظيفي .. ممكن تشتغل في مصانع أدوية أو هيئة الغذاء والدواء وأماكن زي كذا , وممكن في المستشفى .. في المستشفى يا حبيبي أول ماتتخرج حتقعد تشتغل في الصيدلية فقط لمدة سنتين أو ثلاث بالكثير (طبعا عشان تقوي الفارماكولوجي حقك وتكون ملم أكثر بالأدوية وتأثيراتها ماينفع علطول تسير صيدلي إكلينيكي لأنك بتكون مازلت مبتدئ) بعدها تترقى وتصير تشتغل كصيدلي إكلينيكي يعني انك تمر على غرف المرضى وترسم الخطة العلاجية لكل مريض بحيث توصف له الأدوية اللي ياخذها وإيش ياكل وإيش ما ياكل وتتابع حالته إلين يتعافى وكمان في العناية المركزة وجودك ضروري لأنك انتا اللي تحط المحلول المغذي ونوع المغذي وكم تركيزه على حسب حالة المريض وعمره ووزنه ووو , وفيه أدوية لازم تحرص انو ما يكون بينها تعارض وفيه أدوية ماينفع تعطيها المريض كذا, لازم تنصحه ياكل شي معين معاها .. لأنو يكون تأثيرها قوي على الجسم فبالتالي تقله ياكل أو يشرب شي معين معاها عشان يخفف من هذا التأثير .. هذا كله الطبيب ماعنده إلمام فيه, الطبيب بس يعرف يشخص المرض يعني يعرف المريض هذا إيش العلة اللي عنده لكن بعد كذا تجي مهمتك انتا .. انتا اللي تتولى متابعة علاجه وكمان انتا كصيدلي إكلينيكي ما بتعرف كيف تتابع سير العلاج إلا لما تكون ملم بالمرض الي يعاني منه المريض بالتالي الصيدلي الاكلينيكي علمه أشمل وأوسع من المريض هذا غير انك بتكون كمان ملم بعلم الطب البديل (الأعشاب) لأننا احنا في كليتنا بندرس هذي المادة بينما الطب ما يدرسوها .. غير كذا الصيدلي الاكلينيكي لما يجي يسوي الخطة العلاجية يكون عارف كل دوا لما يدخل الجسم فين بالزززززبط يروح وإيش يسوي بالزبط لمكان الخلل أو الألم عشان يزول هذا الخلل , بينما الطبيب بس يعرف المرض ذا ينفع له الدوا ذا أما تفاصيل عمل الدوا داخل الجسم وفين يروح وإيش يسوي في مكان الخلل فخلفيته ضئيلة جدا في هذي الأشياء ومحد يفهم في هذي التفاصيل أكثر من الصيدلي الإكلينيكي
باختصار .. علم الصيدلية الاكلينيكة أشمل من الطب
لكن العيب زي ما قالت الأخت drug انو الناس مام عارفين قدرنا وقيمتنا يحسبونا مجرد بياعين
كما انه إلى الآن غير معترف فينا من وزارة الصحة , لكن فيه كثير من المستشفيات الراقية معتمدة النظام هذا .. زي مستشفى الملك فيصل التخصصي ومستشفى الحرس والعسكري وفتيحي قوى الأمن على ما أعتقد
لكن وزير الصحة صرح أول انه فيه تصنيف جديد بينزل للصيادلة بيكون مشابه لتصنيف الاطباء

[دعو]

المشاركة الأصلية كتبت بواسطة super mo6awa3 تعقيب على ما قالته الأخت drug بالنسبة للمادة اللي أخذناها الترم الأول وهيا عبارة عن مسائل حسابية .. المادة هذي عبارة عن كيف تحسب الجرعات وكم نسبة المادة الفعالة في الدوا وكم كمية الجرعة اللي تعطيها للمريض اذا كان بالغ او غير بالغ .. يعني الحسابات جدددددددا سهلة ومالها اتصال مباشر بالرياضيات , كله عبارة عن نسبة وتناسب وكسور وجمع وضرب وقسمة وحساب كم جرعة يوميا ياخذ المريض إذا كان كمية الدوا كذا ... وزي كذا .. يعني مافي نـــــــــــهــــــــــــــــائـــــــــــيـــــــ ــــــــــــــا جا وجتا وتفاضل وتكامل والزاوية وكثيرات الحدود ومني عارف إيش .. انا شخصيا دخلت إختبار الدور الاول الترم اللي راح وماني مذاكر والله ولا حرف .. والحمدلله بالفزلكة جبت 11 من 15 بدون غش والله كله بالفزلكة بالنسبة للمستقبل الوظيفي .. ممكن تشتغل في مصانع أدوية أو هيئة الغذاء والدواء وأماكن زي كذا , وممكن في المستشفى .. في المستشفى يا حبيبي أول ماتتخرج حتقعد تشتغل في الصيدلية فقط لمدة سنتين أو ثلاث بالكثير (طبعا عشان تقوي الفارماكولوجي حقك وتكون ملم أكثر بالأدوية وتأثيراتها ماينفع علطول تسير صيدلي إكلينيكي لأنك بتكون مازلت مبتدئ) بعدها تترقى وتصير تشتغل كصيدلي إكلينيكي يعني انك تمر على غرف المرضى وترسم الخطة العلاجية لكل مريض بحيث توصف له الأدوية اللي ياخذها وإيش ياكل وإيش ما ياكل وتتابع حالته إلين يتعافى وكمان في العناية المركزة وجودك ضروري لأنك انتا اللي تحط المحلول المغذي ونوع المغذي وكم تركيزه على حسب حالة المريض وعمره ووزنه ووو , وفيه أدوية لازم تحرص انو ما يكون بينها تعارض وفيه أدوية ماينفع تعطيها المريض كذا, لازم تنصحه ياكل شي معين معاها .. لأنو يكون تأثيرها قوي على الجسم فبالتالي تقله ياكل أو يشرب شي معين معاها عشان يخفف من هذا التأثير .. هذا كله الطبيب ماعنده إلمام فيه, الطبيب بس يعرف يشخص المرض يعني يعرف المريض هذا إيش العلة اللي عنده لكن بعد كذا تجي مهمتك انتا .. انتا اللي تتولى متابعة علاجه وكمان انتا كصيدلي إكلينيكي ما بتعرف كيف تتابع سير العلاج إلا لما تكون ملم بالمرض الي يعاني منه المريض بالتالي الصيدلي الاكلينيكي علمه أشمل وأوسع من المريض هذا غير انك بتكون كمان ملم بعلم الطب البديل (الأعشاب) لأننا احنا في كليتنا بندرس هذي المادة بينما الطب ما يدرسوها .. غير كذا الصيدلي الاكلينيكي لما يجي يسوي الخطة العلاجية يكون عارف كل دوا لما يدخل الجسم فين بالزززززبط يروح وإيش يسوي بالزبط لمكان الخلل أو الألم عشان يزول هذا الخلل , بينما الطبيب بس يعرف المرض ذا ينفع له الدوا ذا أما تفاصيل عمل الدوا داخل الجسم وفين يروح وإيش يسوي في مكان الخلل فخلفيته ضئيلة جدا في هذي الأشياء ومحد يفهم في هذي التفاصيل أكثر من الصيدلي الإكلينيكي باختصار .. علم الصيدلية الاكلينيكة أشمل من الطب لكن العيب زي ما قالت الأخت drug انو الناس مام عارفين قدرنا وقيمتنا يحسبونا مجرد بياعين كما انه إلى الآن غير معترف فينا من وزارة الصحة , لكن فيه كثير من المستشفيات الراقية معتمدة النظام هذا .. زي مستشفى الملك فيصل التخصصي ومستشفى الحرس والعسكري وفتيحي قوى الأمن على ما أعتقد لكن وزير الصحة صرح أول انه فيه تصنيف جديد بينزل للصيادلة بيكون مشابه لتصنيف الاطباء

للأسف مدري ليش الناااس ينظرون للصيدللااني بدي الطرريقه يحسبوون ألي يدخل طب يعني شااطر والي يدخل صيدله يعني كسلاان وهم أصلا ماايعرفوا الفررق بينهم !!

[SenChe CodO]

هل الصيدله صعبه ولا لا

لاني انا اللي مشغنلي انها مررررررررررره صعبه

هل هاذا الكلام صحيح

وهل في قسم لصيدله في فرع رابغ

[pharm.d .s]

اما حد قصر في الاجابات بس حبيت اقول مافي شيء سهل في الحياه كمان مافي شيء صعب بصراحة
بس كليتنا تحتاج مقدرة على الحفظ والفهم في نفس الوقت