الكتب × الملخصات

[pharm.d .s]

بسم الله الرحمن الرحيم
بعيد عن الاستفسارات <<<< ما افتكر كنا كدا ابداااا
عندي موضوع يخص طلاب الصيدله بس
طبعاا اتعودنا من سنة اولى على الملخصات واي دكتور ما يرضي يعطينا ملخصات تقوم الدنيا وما تقعد وحالتنا صعبة اقوى شيء
بس الصراحة والحق يقال الكتب مفيدة مرااا وخاصة لو الواحد اختار مرجع جيد من جد القراءة من الكتب ممتع اكتر والمعلومات تدخل المخ بطريقه مرتبة اكتر
الخلاصة من سنة سادس ونصيحة لكلم حاولوا تقراؤا اكتر من كتب من جد حاجة ارتب واحسن ...

[super mo6awa3]

شكرا عالنصيحة وأنا مؤيد برضه لهذا الشي .. بس أبغى أعرف كتب كويسة وتنفع لي أنا كطالب مبتدئ في الفيسيولوجي والبايوكيمستري ممكن تدليني لو عندك فكرة ^_^

[ميعاد]

انا كماان نفسي ارجع للكتب كم مره نفسي ارووح للدكتوره اسال , اخااف اشتري شي وماايكون سهل في اسلوبه او في طريقة شرحه وابغا يكون مدعم بالصور ..

اقترحي علينا ..

[drug]

و أنا كمان معاهم ^_^

و جزاكي الله خير على النصيحه

[PEPO]

إحنا في جامعتنا مافي شي اسمو ملخصات يدرسونا من الكتاب وكل مافتحنا فمنا بكلمه قالولنا أنتو دكاتره ولازم نقرا ومااحد ضربك علي يدك وقالك ادخلي صيدله
اممممممممم انا مستوا ثالث ادرس فسيولوجي من كتاب اسمو text booke of medical physiology
والاناتومي اسم الكتاب اسسنتيال اناتومي اند فسيولوجي وتقريبن الكتاب ده كلو معانا وفي كمان الجينيتكس كلو معانا الكتاب طبعا الجينيتكس ندرس من ملازم عشان الكتاب قيمته ١٠٠٠ ومو اي بنت تقدر تاخذه علما أني ماني من طلاب جامعة الملك عبدالعزيز ...
واتمني اكون أفدتكم

[super mo6awa3]

مشكورة أختي على الكتاب سجلت اسمه عندي وان شاء الله أشتريه .. بس معليش أبغى أعرف انتي في أي جامعة ؟ لأنو مادام انو كلللل دراستكم من كتب فأتوقع انو دراستكم حتكون أقوى من جامعتنا ,لما نجي نقارن طالبين مستواهم الدراسي زي بعض أكيد بنلاقي انو الطالب اللي متخرج من عندكم حتكون خبرته أوسع

[PEPO]

يب يب جامعتنا طلعو المركز الاول في مؤتمر الطلاب المعقود في جده وأخذوا المركز الثاني في شي بس مدري طبعا الطالبات طالبات مستوا سادس صيدله
والجامعه هيا جامعة الاميره نورة بنت عبدالرحمن بالرياض هي بس بنات وحكوميه ويقولو ماخذين من جامعه برا وكثير يجو يقيمو من فنزويلا وأماكن ثانيه

[super mo6awa3]

ما شاء الله تبارك الله , الله يخلف على جامعتنا كلللللللل أبو دراستنا ملخصات

[PEPO]

والله احيانا الملخصات تفيد زي دحين عندنا الاورقانيك ندرس من الكتاب بس يضيعنا مره كثير ومخربط والدكتوره ماتساعدنا مخليتنا ضايعين في الكتاب
هو اوقات حلو تدرس من الكتاب تسير تقدر تفهم الكتاب بس احيانا لا ...

[pharm.d .s]

في حاجة لازم تفهموها مرا كويس الملخصات الدكاترة جايبنها من كتب اكيد والحلو فيها تكون من اكتر من كتاب وانا سارت معايا شخصيااا كنت باعمل برزنتيشن لحاجة واشوف الشيت الي معطينا هوا الدكتور وكنت باقرا من كتاب اسمو برنسبال اف فارماكوثيرابي <<< انصح بالكتاب دا مرا ممتاز وطلع الدكتور ملخص الشابتر تماما في الشيت
وعلى فكرة دراستنا مو عشان تعتمد على شيتات بطاله بالعكس انا احس درستنا جيدة بس تحتاج شوية تزبيط في الخطة
انا اقترحت عليكم تقرؤا من كتب اولا لانو تعودا على القراءة من الكتب ومايسير شيء صعب عليكم في سادس تاني شيء لازم تتعودا على كدا
تاني شيء لانو انا من الناس الي تحب تشتري كتب بس جاتني فكرة سلبية من السنوات الي قبلنا انو الي يزاكر من كتاب ما يجيب درجات بس من جد لو الواحد اختار مرجع ممتاز مرا راح تفرق والله متعمة ما تتصورها على الاقل الواحد يتعلم يعمل ملخص بنفسوا
كمان في مواد تحتاج ملخصات زي المدسينال والناتشورال الفايتو مستحيل اقراها من كتاب بصراحة
بالنسبة للاخ سوبر الفسيولوجي انا اشتريت كتابين في كتاب Textbook of Medical Physiology: With STUDENT CONSULT Online Access (Guyton Physiology)بس مشكلتوا مافية صور وكدا ما عجبني بس على فكرة رجعت استخدمتوا في مشروع تخرجي مرا كويس اللغه سهله ومفيد
وفي كتاب حق ترتورا مرا رائع اصلا نصحتنا فية دكتورا مها حجازي (Tortora,Principles of Anatomy and Physiology)
البايو اتوقع لازم تشتروا كتاب البايوكمستري حق لبين كوت <<< رائع بمعنى الكلمة افتكر درسنا دكتور زهير مرزوقي ومستحيل يعطي شيتات من الكتاب بس حتى في سنة رابع راح ترجعوا تستخدموا الكتاب Lippincott's Illustrated Reviews: Biochemistry (Lippincott's Illustrated Reviews Series)
اولا واخيرا انصحكم ترجعوا لنفس الدكتور تسالوا عن المرجع لانو في الاخير ترحوا تزاكروا اشياء والدكتور مهتم باشياء تانية والدرجات تجي بطاله