.:|:. سؤال عن بريزنتيشن مهارات الإتصال .:|:.

[iManayel]

.:. الســـــلآمـ عليــــكمـ .:.

مساكم بيلسان~

كل عام وانتم بخير

كيف الإجازة الطفش دي << بالنسبة ليا

حجا مبرورا للي حجوا السنة دي :)

وعقبال اللي ما حجوو << انا اولهم :(

احم عندي سؤال صغيييير بالنسبة للعرض حق مادة مهارات الإتصال

في بنت في شعبة مختلفة عن شعبتي .. قالت: انو استاذتهم قالتلهم انو خلاص ما يعملو العرض

لأنو مو مطلوب

ونحنا استاذتنا ما قالت لنا شي

فأبا اعرف هل لغوهـ ولا كيف؟؟
____________________

وفي حالة انو موجود

كيف حتكون طريقة العرض؟؟

يعني المقدمة حتحتوي على "بسم الله الرحمن الرحيم والصلاة والسلاام على رسول الله ............"؟؟ ولا كيف ؟؟؟

انا ماسكة موضوع تجميع المعلومات من البنات وعمل الباوربوينت

لكني الصراحة حايسة وماني عارفة ابدأ او كيف اعمل وارتب الموضوع

على ورق ولا كلو ع الباوربوينت

اقسم بالله اني حايسة
___________________

الله يسعدكم اي احد لو عنده اي شي ممكن يفيدني

او اساتذكم قالولكم شي يساعد

ياريت تقولولي :(

دعواتي..~

[iManayel]

up ^_~

[мαѕooяy]

مي توو يابطه والله ماني عارفه ايش اسوووي
حتى كتاب محتاره ايش اشتري ... احنا لازم نقرا كتاب ونلخصه ونسوي عرض عليييه
ياريت موضوع معين لازم كتاااب
والله اقرررف ماده شفتها بحياتي ^^

[iManayel]

هلااا~

والله من جد مادة غثيثة :(

بس نحنا معلمتنا ما حددت لنا كتاب

قالت انو المجال مفتوح لنا

صدقيني يا قلبي الكتاب احسن ^^

ع الأقل العلومات قدامك مو زيي لازم تفرفري في النت وما تلاقي شي مفيد هههههههههه

دعواتي..~

[w7đk•ẶβэЄk.ღ]

طيب وبآقي آلوآجبآت

آللي هي رسآلة للفندق وو نشوف برنآمج حوآري آيش آخبآآررهم ؟!


عندي آكررف بكل شي آلآ ذي .. *..*

[Ḏŕєα๓ṥ あ]

كتآب ! .. عرض !

هم عملين : واحد منهم جماعي والثاني فردي

الجمآعي يكون مجموعة بنآت من 3 إلى 5 طآلبآت يعلموا عرض عن اي موضوع
والفردي تقرأي عن أي كتآب وتنآقشي فيه وتقولي انو هذا الكتاب عن ايه كآن يتكلم وكذآ

كذآ الاستآذة قالت لنا

[AM00NA]

والله ان هالماده مالها دآعي ابداً في الحــيــآه ...
طيب البرزنتيشن عن أي موضوع ؟؟؟
لانو استاذتنا قالت موضوع جديد وفي دائرة اهتمام البنات ..!
ماني عارفه اش قصدها بكلمة جديد ..؟

[محمد الداود]

لالالا مرة لاحد يشيل هم العرض.<<إلا إذا كان يستحي هذا شي ثاني
عن نفسي قدمت عرضي "كان عن الخط"والحمدلله عجبهم وطبعاْ الموضوع كان مفتووووح
واحد عندنا اتكلم عن القرآن وعلى الرغم من سهولة الموضوع أبدع ما شاء الله

:::وبالنسبة لطريقة العرض:::
أولاْ: المقدمة
وتكون كالعادة بسم الله .........وعلى آله وصحبه أجمعين
ويا حبذا لو تكون المقدمة على صلة بالموضوع فتكون "تمهيد"
ثانياْ: صلب الموضوع
وطبعاْ الموضوع حيكون مجزأ مثلاْ :موضوعي عن القرآن
ج1 ثمرات حفظ القرآن ج2 كيف أحفظ القرآن؟ وهكـذا...
ثالثاْ:الخاتمة
ممكن تكون بالأشكال التالية:
*تلخيص سريع لما تم عرضه
*ربط الموضوع بالواقع (ممكن يكون في المقدمة)
*أبيات شعرية لها صلة بالموضوع
*خاتمة عادية

*وبعدين "حاولوا" تبتكروا أفكار جديدة مثلاْ لمن تكلمت عن الخط سويتلهم مسابقة أجمل خط
وتحمسوا كثير وهذا جانب مهم في التقييم " تفاعل الحضور".
وفي النهاية هي 5 دقايق فقط
*وارجعوا للكتاب وركزوا ع النقاط من صــ59 إلى 72

وبالتوووووووفيق يا مبدعين

[الأمير المدريدي]

الان مهارات الاتصال فيها اختبار برزنتيشن لللاولاد

لاني بصراحة ما اشوف غير البنات هم اللي يتكلموا عن البرزنتيشن ولا واحد من اصحابي اللي خطة ا قال لي برزنتيشن

[iManayel]

.:. w7đk•ẶβэЄk.ღ .:.

@___@"

نحنا ما قالت لنا شي عن برنامج حواري او كتاب

.:. Ḏŕєα๓ṥ あ .:.

مشكورة دريمز ع المعلومات :)

ممكن تقوليلي ايش قالت لكن عن الموضوع الفردي؟

لأنو اول مرة اسمع بالشي دا

.:. AM00NA .:.

يمكن قصدها من المواضيع الي في عصرنا الحالي

يعني مو اشياء ايام زمان :)

.:. محمد الداود .:.

مشكووووووور اخوي ع المعلومات :)

ما شاء الله كفيت ووفيت اعتقد كل الكلام اللي قلته هوا اللي احتاجه حاليا ^___^
لكن المشكلة انو الموضوع جماعي .. وشوية ملاقين صعوبة في التواصل
بنات مجموعتي كلهم مالهم في النت و البحث والباوربوينت
وعندنا صعوبة في تجميع المعلومات وتوزيعها
هل الموضوع يحتاج لتدريب؟
وتعتقد ان التقييم بيكون فردي ولا جماعي؟

يعطيك العافية..~

.:. الأمير المدريدي .:.

يمكن استاذكم بعد الحج يقولكم

نحنا كان المفروض قبل الحج نسلم البريزنتيشن

لكن اتأجل بسبب اسبوع الإختبارات

وصراحة لو مايكون عندكم بريزنتيشن احسن احمدو ربكم :)

لأنه وجع راس ع الفاضي

.:. يعطيكم العافية جميعا ما قصرتو :) .:.