أعفاء عن الرسوم الدراسيه

[الجووهره المكنوونه]

بسم الله الرحمن الرحيم
السلام عليكم ورحمة الله وبركاته
أما بعد ...
إلى متى وحنا دافنين رؤسنا في التراب ليش ما نتكلم ونقول آرائنا ..؟؟

رسوم جامعة الإمام محمد 2500 للإنتساب
رسوم جامعة الملك فيصل 2500 للإنتساب
رسوم جامعة الملك عبدالعزيز3000 للإنتساب

وليته بس كذا زيدو عليها حق الدوره التأهيليه
والألف ريال لإختبارات المدن
ومصاريف 3 أسابيع أقل شي كل فصل دراسي منها السكن والتذاكروالمواصلات والمدرسين الخصوصيين .

أعرف أكثر من صديقه تركت إنتسابها بسبب الرسوم والمحاضرات والسكن والمواصلات ووو ف إلى متى؟
هل هو أسلوب ترغيب أم ترهيب لمن يريد مواصلة دراسته في الإنتساب
أين حديثهم على التنوير في العلم [أين التيسير في العلم لذوي الدخل المحدود.. أيقنت الآن أن الشهادات العليا من الخارج أفضل بكثير حتى ولو كانت بالطرق الغير مشروعة]

أناطالبه جديده و بصوت الطلاب والطالبات نطالب بالعفوأو بمساواتنا والعدل مع غيرنا من الجامعات
فتكاليف السفر وملحقاتها عبء كبير يجعلنا في تسجيل فصل دراسي عن آخر بتردد كبير عن إمكانية دفعنا التكاليف أم لا مما يسبب لنا تأخير في الدراسة والمواظبه عليها

بصراحة انا اوجه رسالة لعميد الجامعه اطال الله عمره.
ماعندنا استطاعة دفع الرسوم والمصاريف المفروض إذا مره ملزمين على الرسوم اول ترمين فقط تؤخذ وبعد ذلك ينظر في المعدل إذا كان جيد فما فوق يعفى من الرسوم
كل شي نار حتى الرسوم الله يكون في عونا

ونتمنى اعفاءنا اسوة بباقي الزملاء بالتعليم الموازي
وكلنا امل بالله ثم بخادم الحرمين الشريفين اطال الله بعمره لاعفاءنا
(ولكن الحق يقال ان خدمة الانتساب في جامعة الملك عبدالعزيز ناجحة ومتطورة ويشكر القائمون عليها وعلى رأسهم معالي مدير الجامعة حيث قدمت الجامعة فرصة ذهبية لمن فاته قطار التعليم.جزاهم الله خيرا.بس الرسوم كثيرة شوي علينا )

و الطالب المنتسب لا يكلف الجامعة إلا مبالغ بسيطة جداً فلماذا نلزم بدفع 3000 ريال لكل فصل.

ياليت يلغون الرسوم أو يخففونها ويقللونها .

السؤال هل الجامعه بحاجه ماسه لهذه الرسوم ؟

يكفي مانعانيه من هموم غير هموم الجامعه .

مو طلاب لبنان أعز مننا !
من عامين والدوله كل سنة تتكفل ب 100 مليون دولار,
قيمة الكتب وتكاليف الدراسه لدولة لبنان!
حق على الدولة وعلى وزير التعليم العالي,,
نقل معاناتنا
وكل من له مطلب وحاجه ماليه الى طاولة مجلس الوزراء !
ووالد الجميع بو متعب الملك عبدالله الله يمد بعمره ,
قلبه مع شعب المملكه,
مو مقصر على كل ما يحقق لبناته وأبنائه كل فخر وعز!

ليش تصعبونها علينا وحنا في بلدنا ووطنا ؟؟؟؟؟

افعلها يا بو متعب.. ياملك الانسانيه قد فعلت ماهو اصعب.. فهذه بحول الله وقوته لن تصعب عليك..


ياليت يصير ونكمل الدراسة مثل اللي يبتعثونهم ويدفعون عنهم السكن والرسوم وتذاكر ومكافأة كل شهر , على الاقل هنا مافيه المصاريف كلها بس نطلب إلغاء الرسوم عشان نكمل ونتعلم ونفيد البلد والله يطول عمر والدنا أبو متعب بس الله يفكنا من البطانة الفاسدة.


الى متى..؟؟
نصف شباب وبنات السعودية لا يحمل الشهادة الجامعية..
كيف يريدوننا ان نتقدم ونتحضر..
سنبقى مع دول العلم الثالث مادام هناك جامعات سعودية بهذا التعامل مع ابناء جلدتهم...
ياعالم تقدم الدولة اهم من ملئ جيوبكم...
الهند والصين وغيرهااا من الدول الصناعية التي للاسف كنا ننظر انهم دوننا تقدموا وتحضروا بسبب التعليم...


000والدولة اعزها الله تحارب الجهل وتشجع العلم لما فيه مصلحة وطننا العزيز المعطاء 000

فعلاً نعاني ونعاني من تكاليف رسوم الدراسة في هذه الجامعة
نتنمى أن ياصل صوتنا الى الجهات المختصة للنظر قي وضعنا

خلوني أحسب كم بصرف بالفصل الواحد
رسوم الفصل الواحد3000 + أقل تكلفه للسكن فترة الإختبارات 6000 + مذكرات 500 + مواصلات 500 =يعني أقل شي راح ندفعه 10000 ريال كل فصل دراسي و20000 ألف ريال كل سنه
أتوقع لو أني بجامعة هارفرد أبرك لي

رغم انه ومن الغريب ان غيرنا يتم صرف مكافئات لهم ليكملوا دراستهم سواء بالخارج او في داخل بلدنا الغالي
وكأننا ( عيال الخدامه.. مو ابناء هذا الوطن )
فعلا غريب
ياليت يسعفنا الحظ وتقع عين الدكتور العنقري على موضوعي هنا بهالمنتدى القدير

ياليت يخلون السعوديين بلاش ترا أحنا شباب وبنات البلد وميزانية البلد كبيره

أتمنى صوتي يوصل للمسئولين صراحه الموضوع كبير ومايحس فيه الا ذوي الدخل المحدود

كل من يدخل الموضوع يلقي برأيه في هالموضوع لعل وعسى أن يُنظر في أمرنا

كل الشكر لإدارة الموقع والعاملين عليه

[*روعه*]

انا اوافقك الرأي تماااااااااااااااااماااااااااااااااااااا ..
وللعلم فقط حتى برنامج الاعفاء لا يأخذون الا القلة النادره .. وهذا شئ يقهرررررررررررررررررررررر
الله يكون في العون

[الجووهره المكنوونه]

شكراً لك أختي روعه

أناشد باقي الأعضاء بعدم السكوت عن الحق والمطالبه أقل شي بتخفيض الرسوم لـــ 50% يعني 1500 بالفصل الواحد

وللمعلوميه 20000 ألف ضرب 4 = 80 ألف ريال اللي هي رسوم شهادة البكالوريوس

يعني رسوم تقص الظهر مومعقول يقولون رسوم رمزيه

تحياتي العطره

[فتافيت سكر]

والله انك صادقه بك كلمه كتبتيها

[mooni]

انا اضم صوتي لصوتكـ ...بجد3000 مبلغ موقليل ...

لو يخفض يكون احسن ..يعني 1500 مو بطاله ...

يعني اعرف كتير داخلين انتساب دفعوو حق ترم ويجمعوو حق الترم للي بعدووو ..

بجد الله يعيننا ويعين الجميع ...

[اميرة جده*]

اه بس
الله يعين

[hathian]

وانا معاكم =(

[الجووهره المكنوونه]

الله يسعدكم ياللي رديتو ويوفقكم جميعاً
معقوله كم شاهدو الموضوع ولا أحد رد .. يعني مرتاحين على الوضع حنا رسومنا أكثر من جامعة الملك فيصل وجامعة الإمام محمد
أبي أكبر عدد من البنات أبي تعليقات صدقوني هذا لكم مو لأي أحد ثاني

الله يوفقكم يارب

[احلى هاشميه]

بصراحه اضم صوتي لصوتك اخت الجوهره شي كثير وكبير ع اللي رواتبهم محدوده احنا مانطالب بألغاء الرسوم نهائيا انما بجزء بسيط او يدفع لترمين الاولى والله يعين ويوفقكم ربي

[عايشه امل]

الله يعين