مطابقة السليمانية للطالبات

[hijazi]

السلام عليكم ورحمة اله وبركاته

انا امس رحت طابقت اوراقي وحبيت افيدكم بتجربتي

لو دخلتي من البوابة الشمالية تمشي طوالي الين يجيكي مبنى 3 قدامك على طول وبس تمشي يمين شوية عشان تدخليه بدرج بسيط وبعدين تمشي طوالي الين يجيكي درج تطلعي الدور الاول وراح تلقي على يمينك عمادة الدراسات العليا أدخلي هناك وبعد كم غرفة راح تلقي على يسارك قاعة فيها كراسي انتظار ادخليها راح تحصلي عند الباب على يدك اليمين الة حمرا تسحبي منها ورقة برقم الانتظار وتنتظري دورك
وفي المطابقة تاخد منك صورة الوثيقة وصورة الهوية وشهادة اللغة والبرنت وطبعا تتطابقها كلها مع الاصول حقتها وتشوف التوصيات العلمية وكشف الدرجات من غير ما تاخد صورها وتاخد وصورتين شخصية وطبعا ما يفرق المقاس
وبعدين تكتبي بياناتك (اسمك وقسمك ورقم جوالك )في سند الاستلام ( الخاص باستلام اوراقك ومطابقتها بالاصول ) راح تصور السند وتعطيكي الصورة وتحتفظ بالاصل مع اوراقك
وقالت لي الموظفة انو بعد اسبوعين راح تنزل الارقام الجامعة

بس هذه هي المطابقة وما تاخد دقيقتين لو اوراقك كاملة

وبالتوفيق للجميع

[M.S.M.G]

جزاك الله كل خير

[خريجة علوم اجتماعية]

كيف طابقتى اختي والطالبات الاسبوع الجاي

[طموحي فاق الحدود]

يعني ياخذوا الاصل؟؟؟

[جنون الطفولة]

الطالبات بدأ من دا الاسبوع يا حلوات , ىبس حسب الاقسام الكليات

[hijazi]

M.s.m.g
وإياك يا عزيزتي

خريجة علوم اجتماعية
الاثنين والثلاثاء والاربعاء من هذا الاسبوع مطابقة كلية العلوم

طموحي فاق الحدود
لا عزيزتي ما اخدوا الاصول بس الصور

[خوخة داني]

مشكوره يا قلبي جزاك الله خير

بس ايش هي شهادة اللغه و من فين أخذها ؟؟؟

[hijazi]

شهادة اللغة هي درجتك في اختبار الكفايات تطبعيها من موقع قياس

[hijazi]

انا لاني مو من جدة فما اعرف المباني حقتها كتير
بس كتبت انا كيف دخلت

وفي هذا الرابط الاخت شواطيء نزلت صورة تبين المباني والبوابات
فكل وحدة تشوف اش انسب لها المهم هو مبنى رقم 3

http://www.skaau.com/vb/showthread.php?t=558457&page=3

[همسة حراير]

اشكرك وصف أزيد الدور الثاني غرفة 327
سؤال
استلام البطاقة الجامعية بعد انتها المطابقة؟