تحويلي للكلية

[بيان عبدالعزيز]

السلام عليكم

انا طالبة انقبلت ف كلية الاداب وطبعاً الترم الاول اخذت فيه مواد عامة وارتفع معدلي بس مو مره وماانقبلت ف الكلية اللي ابغاها

فيعني هالترم كمان بضطر اخذ كمان مواد عامة بس هل يمديني احول السنه الجاية للكلية اللي ابغاها ولا بيرفضون عشان عدد الساعات؟

تكفون ردوا الله يرزقكم وطمنوني

[نايف العبدلي ^]

لا أن شاءالله يقبلونك .. أنتي بس شدي حيلك وحاولي. ترفعي المعدل قدر ما تقدري ..

في طريقة ثانية يمكن تزبط معك .. اللي هي >> تروحي عمادة القبول والتسجيل وارفعي خطاب للكلية اللي تبينها .. الخطاب يجيك جاهز .. بس اللي عليك تكتبي معلوماتك كلها يومين ثلاثة ويردون عليك وأن شاءالله تتيسر أمورك .. وأذا ما صار نصيب لا سمح الله .. شدي حيلك وقدمي عليهم وأن شاءالله تنقبلين ..

موفقة :)

[بيان عبدالعزيز]

الله يوفقك يارب ويرزقك اخوي

بس الخطاب لو ابوي يقدمه من قسمكم افضل ؟

وهالخطاب كيف يعطونه؟؟

[نايف العبدلي ^]

المشاركة الأصلية كتبت بواسطة مهدية اخت فتو الله يوفقك يارب ويرزقك اخوي بس الخطاب لو ابوي يقدمه من قسمكم افضل ؟ وهالخطاب كيف يعطونه؟؟

امين وياك ...

شوفي أنا أتكلم أنوه الخطاب من قسم الطلاب (للأولاد) أما البنات ما عندي خلفية عنكم .. وبعدين ما ينفع أبوك يقدم لك عن طريق عمادة القبول والتسجيل قسم الطلاب أنتي روحي القسم حقكم وكلميهم وحاولي (أنشبي لهم ) لين يضبط وضعك ...

بالنسبه للخطاب أنتي يوم تروحين عندهم قولي أبي خطاب ارفع للكلية .. إذا سألتك أي خطاب اشرحي لها وضعك وقولي لها أنا ابي ارفع الخطاب عشان ينظرو في وضعي ويقبلوني ..

وأن شاءالله أنتي من المقبولين ..

موفقة :)

[بيان عبدالعزيز]

اخوي ف الاخير رحت اليوم جربت حركتك وقالت لي الدكتوره مايمديك لان كلية الحقوق زي كلية الطب القبول فيها سنوي!!

قلت كيف كذا وكان ف رغبات التحويل ف الاوديس موجودة كلية الحقوق قالت والله مااعرف بس حتى البنات اللي توهم خلصوا تحضيري ماانقبلوا في الحقوق!!

وسمعت ان ف بنات انقبلوا ف هالترم ومدري والله من اصدق فيهم=_=

[نايف العبدلي ^]

هلا أختي ..

لا النظام نظام (أترام )مو سنوي ... وبعدين إذا كلام الدكتور صح ..

روحي منتدى الكلية الحقوق وشوفي مواضيع البنات اللي منزلينها قبلو على نهائية الترم الأول يعني نظام (أترام) وطالبين في موضوعهم نصائح في أختيار المواد .. فكيف تجي الدكتورة وتقول ما في. اللي نظام سنوي .. إذا تبين نصيحتي (أنشبي لهم )وصدقيني يقبلونك ..

موفقة :)

[بيان عبدالعزيز]

الله ييسر يآرب وانقبل يـآرب

المشكلة الحريم مو زي الرجال تعقيييددد=(

الله ييسرلي اموري يآرب