وظائف نسائية شاغرة بفروع وزارة الخارجية في مكة :)

[smsm797]

قل لاختك تسمي بالله وتتوكل على الله وتروح وانت هز طولك ووديها لاتحبطها ترا الوضع مره صعب لاتزيد همها هم -
المهم قلها تاخذ معها بطاقه العائله ومعها بطاقه الجامعه او اي بطاقه يكون فيها صوره لها لان هم اهم شي عندهم اثبات ان اللي جالسه تختبر هاذي هي فعلا صاحبة الاسم والصوره فهمت؟ يعني مع بطاقه العائله تاخذ اي بطاقة تثبت فيه صورتها واسمها واتوقع يكتبونها تعهد انها بعدين لو توفقت وانقبلت تجيب معها بطاقه احوال ضروري طبعا

[فهد الحربي99]

طيب هي متخرجه وما عندها البطاقه الجامعيه من وين نجيب لها بطاقه ونرز صورتها فيها

واسأل كمان هل ممكن انها تاخذ بطاقة العائلة وتاخذ لها صوره رمزيه ؟؟


<<<< مع اني اقول مالها داعي الروحه من الاساس لاني اتحدى لوجاوبت على سؤال واحد

[shada_Ak]

ضحكتوني بهرجه الخمسه بنات
إن شاء الله بس يوم اختبارنا مايطلعولنا 5 بنات احنا

آآآآآخ بس

شر البليه ما يضحك

الله يرزقنا من فضله

p.s. ترى مو زعلانه والله مادخلوني الاختبار ..-اللهم لك الحمد- ..يمكن فيها خيره *_^

معوضه خير يامتخرجه والله يرزقك بالاحسن


عذب

اتمنالك التوفيق إن شاء الله

انتي وكل اللي داخلين الاختبار اليوم سهاله يارب

ننتظركم الساعه 11 لا تنسونا


ولكل اللي دخلو وكتبو ايش جا في الاختبار وايش حصل معاهم

جزاكم الله خير والله يغنيكم ويغنينا من فضله

[smsm797]

وش هالبرود يا الاخ ؟ الساعه اربعه الا خمس وللحين ماراحت اختك؟ ولا اختبارها مو اليوم؟ المهم لو سمحت تقول لاختك تجي وتحطلنا الاسئله هنا عشان نستفيد ويستفيد الباقي اللي ما اختبر لسه
طبعا فضلا لا امرااا وشكرا

[فهد الحربي99]

لا لا اختبارها مو اليوم بكره

ع العموم مشكورين ع الرد والله يوفق الجميع

[smsm797]

البنات اللي لسه ماختبروا ياليت تسألون يوم الاختبار البنات اللي معكم عن المقابله الشخصيه اللي بتكون بعد هذا الاختبار التحريري في حالة القبول
احنا من اللي شفناه اامس نسينا حتى نسألهم هههههههههه دايما الاول يكون كبش فداء - لذلك ياليت ياليت ياليت تسألون كيف ممكن تكون وعن ايش
ناخذ فكره على الاقل ونستفيد كلنا
الله يوفق الجميع إن شاء الله

[فهد الحربي99]

طيب اختي قررت ماتروح لانه ماعندها بطاقة احوال ولا اي بطاقه فيها صورتها فهل تؤيدون قراراها

يعني وش رايكم اوديها ولا نبطل *-*

[shada_Ak]

حلوه تبطل دي

تروح وتاخد بالاسباب

[smsm797]

ياخي خلي اختك تاخذ قرارها بنفسها لاتمنعها الله يهديك
خلها تروح وتشوف نصيبها يمكن يبطلون مايبغون بطاقه احوال ويكتفون ببطاقه العائله ويكتبون تعهد
ماتدري وش يصير الله اعلم خلها تروح وتشوف بنفسها وهي في كل الحالات تجربه مفيده لها
لاتحبطها الله يهديك شجعها وودها لو سمحت <<< تقطع قلبي على البنت

[فهد الحربي99]

طيب شوركم وهداية الله

الله يعينني ع المشوار ......