ممكن تساعدوني يا دكاترة سني ضاع..

[HANALI]

السلام عليكم و رحمة الله و بركاته
الموضوع ع بلاطة ..
انا مركبة بريسز ((تقويم اسنان)) و في نفس الوقت عندي سن تركيبة ((سن أمامي))الثاني من اليسار
المهم انه ضاقت فتحة السن التركيبة (( المتحرك )) و فصخته و بما اني باجازة يعني محد عندي و ماخذة راحتي
بس جاتنا شغالة جديدة و اول يوم صحت و احنا نايمين و اجتهدت بالتنظيف و رمت سني التركيبة لان اصلا شكله غريب .. و الدكتور مسافر و اصلا لو كان موجود ما يمديه يسوي ثاني باقل من اسبوع !!
و بعد بكرة ماما مسوية عزيمة (( عشاء)) في بيتنا و تقول لي انزل و اقابل الناس تخيلو شكلي و الله ما اقدر خواتي قعدو ينكتون علي و يضحكون و ماخذين الموضوع ضحك و ماما تقول انزلي ولا تتكلمين بس والله تخيلو
الحريم يسلمون علي ما ارد و لا اكشر بوجيههم عشان ما ابتسم و يبان
بس ااختي الي اكبر مني بشوي شارت علي اني اخترع شي بس يملأ الفراغ
فكرت باشياء كثيرة و قلت اسألكم لأني عجزت تكفووون و الله اني بعد ما قريت الي كتبته كأني اقرا كلام وحدة تستهبل !! و انا من جد ما استهبل و جادة ..
فكرو معاي و شورو علي وش اسوي يمكن انكم تحسون فكرتكم ما تصلح بس انا اشوفها تصلح


انتظركم بفارغ الصبر