نتائج اختبار قبول تخصص الانجليزي...

[سديم راشد]

ما انقبلت الحمد لله على كل حال

[سديم راشد]

جيهان ربي يوفقك وان شاء الله ينزل جدولك روحي كلميهم معليش لاتجلسين كذا

[calla lily]

الله لا يوفقهم ان شاللله ناس معقده ومعقدين العالم معاهم
ترا القسم فاااااااضي الكلاسات تبكي تبغا بنات
خشو ع قائمة الشعب تبعهم و شوفو عدد البنات في الشعب
واليوم عديت من عند. كلاس انجلش تخيلو فيلو 12 بنت بس
اصلا هم عاجبهم كدا البنات قليل مايشتغلو كتير
والا ايش مصلحتهم يدخلونا التخصص لوجه الله مثلا

سوري كترت كلام بس من القهر الي فيا حموت
دموعي مو راضيه توقف عندي اكتئاب الظاهر

افكر احول انتساب خلاص انا دحين ليا سنه في الدراسات
ع امل الانجلش او التحويل

بس ماشكله في :(

[E.A.S]

الله المستعان حسبي الله ونعم الوكيل فيهم

[jumonah]

calla lily حتئ أنا لاحظت ان العدد قليل
طيب هما ليه ماحولوكي إئش إالسبب ؟

[ندى المدينه]

بنات انا زيكم برجع انتساب فى نفس قسمى احسن مليون مره من ادخل قسم ماابغاه
قولولى كيف احول انتساب الله يخليكم بليزززز وهل اكيد يدخلونى نفس قسمى ولا كمان يسوى حيونه

[calla lily]

المشاركة الأصلية كتبت بواسطة jumonah calla lily حتئ أنا لاحظت ان العدد قليل طيب هما ليه ماحولوكي إئش إالسبب ؟

التحويل اذا قصدك الانجلش ماادري عنهم اختبرت وماقبلوني
والتحويل انا قدمت طلب تحويل للسليمانيه وماقبلوني
ولا غيري مع انه البنات معدلاتهم عاليه ماشاللله يعني في ناس فوق
الأربعه يعني الحكايه مو حكاية معدلات
يقولو دفعه 10 الي هي دفعتي ما نضرو اصلا في طلبات تحويلنا
ماادري ليش اش معنا دفعتنا يقولو الاولويه للدفعه الجديده

وطبعا عشان يسكتونا لمن كنا نروح عمادة للسليمانيه تسألهم عن التحويل يقولو
الأقسام مكتفيه قال مكتفيه قال

واصلا إحنا راضيين باي شي المهم يحولونا
وعارفين اش الي يقهر انهم سكتونا هنا بعد التحضيري مع انها ماكانت رغبتنا
ولمن رحنا نبغا نحول قالولنا أدرسو ترم فيصليه وقدمو تحويل بعد ترم ونحولكم

ترا انا بقلكم حكايتي بس في بنات كتير زيي أعرفهم صحباتي وماخفي اعظم
هذا غير انه اصلا حتا ماعندهم اسلوب كل وحده تتكلم من راس خشمها كأننا بنشحت

وهدي اقل حقوقنا لو استفسرنا عن شي
خلاص وربي قلبي وجعني افتكرت معاناتي مع التحويل

حسبي اللله ونعم الوكيل بس

[MS.Fabulous]

الله يعينكم
خيره من ربي والله يوفقكم

[دموع بلاخطايا]

معليش سؤالي خارج عن الموضوع
بس حابه اعرف وش كان الاختبار يعني وش كان موضوع التعبير ووش جامك كمان غير التعبير

[دموع بلاخطايا]

معليش سؤالي خارج عن الموضوع
بس حابه اعرف وش كان الاختبار يعني وش كان موضوع التعبير ووش جاكم غير التعبير كمان