6 تساؤلات عن الصيدلة يـــــــــــا آنسة pharm.d

[super mo6awa3]

معليش طفشتك بس والله من شدة مانفسي أدخل صيدلة أبغى أعرف كل شي عنها


1/ إيش أحسن وأعلى من ناحية الدرجة العلمية وقوة المؤهل (بالإضافة إلى الوظيفة والراتب) .. اني أكمل رزدنس ولا ماجستير؟

2/ إنتي دحين قلتي إنو أمريكا ماتعترف بالنواتج الطبيعية كأدوية .. طيب لو أنا دحين حصلت على ماجستير في النواتج الطبيعية والطب البديل إيش حأتضرر أنا بما انهم مايعترفوا بالنواتج اللطبيعية كأدوية؟؟

3/ هل صحيح انو الشخص اللي معاه ماجستير نواتج الطبيعية وطب بديل مكانه المناسب مو في المستشفى؟؟
و لو انه يشتغل في مستشفى ما راح يفيده مؤهله في شغله في المستشفى وتعامله مع المرضى بالإضافة إلى إنه حيُعامل على انه صيدلي عادي؟؟؟؟

4/ هل الشخص اللي يكمل رزدنس في مستشفى راقية مؤهله يكون أقوى من يدرسها في مستشفى أي كلام؟ ولا عادي أهم شي اني أصير كلينيكل فارمسي وخلاص

5/ ذحين لو أنا متخرج وأبغى أروح أقدم لمستشفى راقية عشان أكمل الرزدنس عندهم .. هل لازم يكون معدلي عالي؟ ولا يقبلوا أي أحد حسب المقاعد الشاغرة عندهم

6/ بما أنو دراسة السنتين الرزدنس في أمريكا تعادل 4 سنوات عندنا .. هل ذلك يفرق من ناحية المسمى (صيدلي,استشاري....) ودرجتي العلمية (ماجستير , دكتوراه) ؟ ولا بس في الراتب
وإذا كان يفرق .. فإيش حيكون اسمي ودرجتي العلمية لو درست الرزدنس هنا في عزوز وإيش حيكون إسمي ودرجتي العلمية لو درست في أمريكا؟؟


أتمنى انك تجاويني على كل سؤال لحاله حتى يتسنى لي الفهم مـــــــــزبــــــــــــوطًا


وعلى فكرة .. كل ما يخطر ببالي سؤال حأسألك هوا .. إذا كان الشي ذا يزعجك قولي لي وأنا حأحترم نفسي إن شاء الله


شـــــاكــــــــر لك أتمنى اني ما أكون طفشتك

[ميعاد]

شــكرا لطــرحك الموضووع..

وانا انتظر اجاباتها ايضا..

[pharm.d .s]

المشاركة الأصلية كتبت بواسطة super mo6awa3 معليش طفشتك بس والله من شدة مانفسي أدخل صيدلة أبغى أعرف كل شي عنها 1/ إيش أحسن وأعلى من ناحية الدرجة العلمية وقوة المؤهل (بالإضافة إلى الوظيفة والراتب) .. اني أكمل رزدنس ولا ماجستير؟ انا طالبة سنة خامسة و راح افتيلك من راسي على حسب الاشياء الي شفتها امكن اكون انا صح وامكن انا اكون خطا واللة فلو اخطئت اتمنى تعذرني انا عن نفسي افضل الرزدنس لانوو الكلنيل مرا قليل ومرا تخصص حلو والطريق لوا مرا سهل انا عن نفسي ابغى اكمل رزدنسي ولو ما قدرت افكر في مجستير يا ادارة او صيدلية الستشفى 2/ إنتي دحين قلتي إنو أمريكا ماتعترف بالنواتج الطبيعية كأدوية .. طيب لو أنا دحين حصلت على ماجستير في النواتج الطبيعية والطب البديل إيش حأتضرر أنا بما انهم مايعترفوا بالنواتج اللطبيعية كأدوية؟؟ انا قلت fdaتقول انو النواتج الطبيعية مجرد سبلمنت مو ادوية و ماتعطيلها ابروفل اش حتضرر ما اعرف بس لو كملت ماجستير ودكتوراه نواتج طبيعية اتوقع مالك غير تشتغل دكتور في جامعه 3/ هل صحيح انو الشخص اللي معاه ماجستير نواتج الطبيعية وطب بديل مكانه المناسب مو في المستشفى؟؟ اتوقع كداااا يعني عمرك شفت دكتور بيصرف اعشاب للمرضى و لو انه يشتغل في مستشفى ما راح يفيده مؤهله في شغله في المستشفى وتعامله مع المرضى بالإضافة إلى إنه حيُعامل على انه صيدلي عادي؟؟؟؟ اكيد 4/ هل الشخص اللي يكمل رزدنس في مستشفى راقية مؤهله يكون أقوى من يدرسها في مستشفى أي كلام؟ ولا عادي أهم شي اني أصير كلينيكل فارمسي وخلاص الرزدنس من هيئة التخصصات الطبية على ما اضن مو متاكدة يعني مو انت تختار المستشفى هما الي يختارولك 5/ ذحين لو أنا متخرج وأبغى أروح أقدم لمستشفى راقية عشان أكمل الرزدنس عندهم .. هل لازم يكون معدلي عالي؟ ولا يقبلوا أي أحد حسب المقاعد الشاغرة عندهم جاوبتك فوق 6/ بما أنو دراسة السنتين الرزدنس في أمريكا تعادل 4 سنوات عندنا .. هل ذلك يفرق من ناحية المسمى (صيدلي,استشاري....) ودرجتي العلمية (ماجستير , دكتوراه) ؟ ولا بس في الراتب وإذا كان يفرق .. فإيش حيكون اسمي ودرجتي العلمية لو درست الرزدنس هنا في عزوز وإيش حيكون إسمي ودرجتي العلمية لو درست في أمريكا؟؟ انا قلت انو السنتين عندنا تعادل سنة يعني لازم ترجع تاخد التخصص برا مو معناتوا انو تاخد 4 سنوات الرزدنس شغل مو دراسة يعني مادخلوا في الجامعه طيب في امريكا ولا في السعودية كل الطرق تؤدي الى رومااا كلها تخليك كلنيكل الي يفرق زي ماقلت انو السنتين عندنا بسنة معادلة بسنة برا من ناحية المسمى تسير استشاري والدراجة العلمية ما اعرف بصراحة في الراتب مرا تفرق بس لا تخلي هدفك مادي ممكن تشوف السلم الوظيفي حق الرواتب وتشوف الفرق أتمنى انك تجاويني على كل سؤال لحاله حتى يتسنى لي الفهم مـــــــــزبــــــــــــوطًا وعلى فكرة .. كل ما يخطر ببالي سؤال حأسألك هوا .. إذا كان الشي ذا يزعجك قولي لي وأنا حأحترم نفسي إن شاء الله اتمنى اقدر اساعد اي شخص لو كان بيدي شـــــاكــــــــر لك أتمنى اني ما أكون طفشتك

انا بصراحة بجاوب على كل اسئلتك من خلال الاشياء الي شفتها امكن اكون غلط امكن اكون صح
ممكن تاخد سكند ابونين
في الاخير اتمنى لك التوفيق واتمنى اكون ساعدتك ولو بشيء بسيط

[super mo6awa3]

يعطيكي 10000000000000000000000000000000000000000000000000 000 عافية أختي , وبصراحة من جد أستفدت منك كثييير .
الله يوفقك ويبارك فيكي ويرزقك كل ماتتمنيه

ادعيلي بس بالله دعوة في ظهر الغيب ان الله يوفقني اني أدخل صيدلة

وجزاكي الله خير

[pharm.d .s]

لا شكر على واجب
ويارب تكون معانا صيدلة السنة الجاية

[pharm.d .s]

سمعت انووو راح يسوا في كليتنا يوم المهنة
ودا شيء اتوقع راح يفيدكم

[super mo6awa3]

وإيش هو يوم المهنة ذا ؟؟ وبإيش راح يفيدنا ؟؟ ومتى موعده؟؟

[pharm.d .s]

الموعد ما اعرف لانو الي راح يسير بكلية المؤتمرات ما يخص كليتنا
هوا عبارة عن يوم تعرفي لي للوضايف الي نقدر نشتغلهااا في المستقبل ان شاء الله
واكيد راح تستفيد مراااااااااا لانو في وضايف للصيدلة عمرك ماسمعت

[شبيه الريح87]

4/ هل الشخص اللي يكمل رزدنس في مستشفى راقية مؤهله يكون أقوى من يدرسها في مستشفى أي كلام؟ ولا عادي أهم شي اني أصير كلينيكل فارمسي وخلاص الرزدنس من هيئة التخصصات الطبية على ما اضن مو متاكدة يعني مو انت تختار المستشفى هما الي يختارولك

كيف اعرف ايش المستشفيات اللي ترسل لها الهيئة ، او كيفية التوجه للهيئة والتقديم فيها والشروط
واذا في موقع معين بيفيدني ياريت تقولولي

انا فارم دي بالعلوم والتكنولوجيا الاردنية سنة رابعة ، فمحتاج اخذ معلومات بس اتخرج وارجع حتى ما اضيع الوقت

ومشكورين والله يعطيكم العافيه

[Onster]

جزآك آلله ألف خير وجعله في ميزآن حسنآتك


عرفت معومآت كتيرة من دآه الموضوع


سبحآن آلله وبحمده سبحآن الله العظيم