ظلم وااضح في رصد الردجات !!!!!!

[مجووـود]

السلام عليكم ورحمه الله وبركاته ..

بصراحه شي يرفع الضغط نتظر ونتظر ونتظر ونتظر واخر شي نتائج ودرجات غير مقبوله ابدا

والله العظيم اختباري في الشباب وقيم المواطنه ماتنزل درجتي عن الـ 90 والله ياأخوان طالع من القاعه ومراجع ماعندي الا تقريبا 3 الى 4 اسئله خطأ فقط واتفاجأ بدرجه وكأنهم دازين فيها 68 !!!! ..

وللمعلوميه نفس الحركه صارت لي في ماده المقدمه في العلوم الطبيعيه .. ابي اعرف من المسئول عن هذا العبث بالتصحيح واذا كان مو من التصحيح من المسئول عن مدخل البيانات جامعه أي كلام ..

لن اذهب لجده ولن اراجع ورقه الاختبار .. سالجأ الى القوي العزيز سبحانه ان ينصرني وينصر جميع من ظلم بدون وجه حق في قولي ( حسبي الله ونعم الوكيل ولاحول ولاقوة الابالله ) ..

[حمووووووودي]

سبحانه وعظم شأنه
والله يا اخي حاس فيك وانا مثلك
ولكن نحسبهم والله حسيبهم

[قمررر14]

طيب يالغلا دام انك ساكت عن حقك وشو له زعلان والله لو رحت لهم ليعطونك درجتك الصحيحه

[نايف الناصر]

راجعهم وان شاءالله تتعدل درجتك
وعلى فكره مافيه شي جديد كل ترم فيه ظلم للطلاب ولا حياه لمن تنادي

[ابو تالا]

انا نفس الدرجة 68 شكل الدكتور حاط الدرجات من راسه

مستحيل كذا

[Mohammad Fahad]

اطلب اعادة تصحيح الاختبار

فيه رسوم تدفعها لاعادة التصحيح

اذا كانت فعلاً فيه مشكلة بالتصحيح .. يرجعون لك الفلوس الي دفعتها

واذا صححوها ومالقوا فيه مشكلة بالتصحيح .. تروح عليك الرسوم .. واتوقع على المادة 300 ريال لاعادة التصحيح



ما ادري هذا الكلام بجامعة الملك فيصل والا عبدالعزيز .. بس اتصل وتأكد

ومسألة الظلم من زمان نعاني منها .. انا الحين درست 6 اترام .. ما اذكر انهم صحّحوا كويّس الا ترم واحد

[abokbsh]

اخي الكريم
لاتوجد رسوم ماليه او غراميه مذكوره في لوائح الانظمه التعليميه تفرض على الطالب
في حاله طلبه مراجعه او تصحيح اجاباته

من حقك طلب اعاده التصحيح وان ثبت وجود خلل او غلط في عمليه التصحيح او الرصد فسوف تزال وترصد لك الدرجه الصحيحه
وان ثبت عكس ذلك فستبقى الدرجه مثل ماهي وان شاء الله لن يضرك شئ
ولك مني النصيحه
قبل ما تروح وتتعب وتعبي نموزج الطلب
روح او اتصل على دكتور الماده ومعاك نموزج الاسئله وخله هو شخصا"يصححها
وشوف بعدها هل هي مثل اجاباتك ولا لا
شفتها مثل اجاباتك او حتى معا الاخطاء هناك نقص في الدرجات اطلب اعاده تصحيح وعبي النموزج
لاوالله شفت فعلا" اخطائك موزونه على درجاتك الحمد لله رب العالمين تكون كذا ارتحت وابعدت التعب والمشقه عن نفسك
موفق ان شاء الله

[العاشق الولهان 03]

اخوي لاتدعي ولاتشتكي راجعهم ويكون خير
ياشباب مانزلت لي ولا ماده وش السالفه انتم مثلي

[(Hadi)]

يا اخوان من وجهة نظري ان ما فيه ظلم بدرجات الا ما ندّر البعض من الزملاء يطلع من الاختبار وهو على باله ان اجاباته صحيحه وهي غلط انا صارت لي طلعت من احد الاختبارات على بالي مافي الا سؤالين فقط ماني واثق من اجاباتها ولمن تم مراجعة الكتاب اتوقعو اكتشفت ان عندي اكثر من ثمان أسئله خطأ صراحه تأكدت وصرت ما اثق من اجاباتي الا لمن ارجع للكتاب او للمذكره ... اخي صاحب الموضوع لا تستغرب نزول الدرجه في النتيجه كل شيء جايز والجامعه او الدكاتره بشر مثل ما يصيبون فهم ايضاً يخطئون .. تحياتي لكم أيها الزملاء 😊

[طالب في التاريخ]

شباب مافيه دكتور في الجامعه يصحح الاوراق المصحح للاجابات جهاز ماسح ضوائي
لو انه دكتور يصحح كان سنه نختبر وسنه يصححون الاختبارات