بخصوص السجل الاكاديمي(كشف الدرجات) !!!

[أعيتني البطالة]

اهلا عزيزاتي كل عام وانتم بألف خير وهناء يا رب
و اتمنى عيدكم كان سعيد

عندي سؤال

بليز احتاج رد

السجل الاكاديمي حقي طبعا من جامعة عبدالعزيز انجليزي
من وين اروح اطلب نسخة عربي ؟
يعطون والا يسوون حركات ؟؟



تم قبولي مبدئيا ببرنامج الابتعاث الخارجي
وناقصتني هذي الورقة تكون بالعربي + التوصيات .

من الجامعة ماعرفنا منهم الا اللطع والتعقيد على خلق الله !!
بصراحة اتوقع تعقيدات زي ماعودونا !!

[طالبة السمو]

مو شرط تكون بالعربي ؛ بالعكس المطلوب انجليزي

[شذى الوورد]

نفس السؤال
الله يسعدك خبريني اذا رحتي الجامعة هما يعطون سجل اكاديمي عربي والا لا ؟؟
والتوصية النموذج من عندهم والا حنا نجيبه ..؟

[DrAsew]

اهلا اختي علينا وعليكي يااارب

بالنسبة للسجل العربي اكيد تاخذيه من العمادة يمكن اللكاعة يسووها اذا طلبتي انجليزي

اما التوصيات تاخذيها من قسمكم من سكرتيرة القسم بس ترى اللي موجودة عندهم اللي على شكل جدول كلها العربي والانجليزي
واللي اعرفه ان الجامعات الاجنبية كثير منها مايقبلوا الا اللي على شكل برقراف
واذكر واحد من المبتعثين يقول ايش فايدة ان الجامعة تتساهل معاك في القبول الا شهادتها بتكون مو ذاك الشيء او زي ماقال ^^

وطبعا البرقراف ياتطلبي من الدكتورة تكتبلك وتطلبي القسم يطبعولك هيا على ورق الجامعة او على كلام اكثر المقدمين للابتعاث تاخذي من النماذج الموجودة في النت الانجليزية وانتي وحظك الدكتورة ترضالك اولا..

وموفقة ان شاء الله

[miss lulu]

أول شي السجل الأكاديمي بالانجليزي مافي سجل بالعربي

وحتى لو في العربي مو مهم

الوثيقة تبع الجامعة بالعربي والانجليزي

أما لو كانت بس مكتوبة بالعربي لازم تترجميها وتختميها

التوصية دحين الكل يكتب برجراف خاصة مراحل كتير سبقتكم في الابتعاث

إنت لما تروحي تاخدي توصية بلغي الدكتورة إنك رايحة للبعثة ووريلها كشف الدرجات/ السجل الأكاديمي ودحين الكل يكتبها بالكمبيوتر ويطبعها

أهم شي اللي ينكتب ف التوصية

بيانتك والجدول ينكتب رمز المادة ورقمها ودرجتك

براجراف زي التوصية عنك

بيانات الدكتورة وطريقة التواصل معاها وتوقيعها ،،

وتختميها عند السكرتارية ،،

موفقه ،،

[lotus.da]

المشاركة الأصلية كتبت بواسطة miss lulu أول شي السجل الأكاديمي بالانجليزي مافي سجل بالعربي وحتى لو في العربي مو مهم الوثيقة تبع الجامعة بالعربي والانجليزي أما لو كانت بس مكتوبة بالعربي لازم تترجميها وتختميها التوصية دحين الكل يكتب برجراف خاصة مراحل كتير سبقتكم في الابتعاث إنت لما تروحي تاخدي توصية بلغي الدكتورة إنك رايحة للبعثة ووريلها كشف الدرجات/ السجل الأكاديمي ودحين الكل يكتبها بالكمبيوتر ويطبعها أهم شي اللي ينكتب ف التوصية بيانتك والجدول ينكتب رمز المادة ورقمها ودرجتك براجراف زي التوصية عنك بيانات الدكتورة وطريقة التواصل معاها وتوقيعها ،، وتختميها عند السكرتارية ،، موفقه ،،

اختي انا الصراحة ما فهمت عليكي لانو انا خريجة كلية التربية للمعلمات ودحين الكلية نقلت على كلية التربية تحت مظلة الجامعة ووثائقي كلها بالعربي لاني منخرجة قبل 5 سنوات ما ادري في احد زي في الورطة دي

[بيلف]

طيب الله يسعد اللي تعطينا نسخه من ذي التوصيه البرجرف

وانتو متاكدين مافي سجل اكاديمي عربي

بنات هذا رقم وحدة القبول والتسجيل نفس المكتب اللي سلموني وثائق التخرج هالصيفيه في كلية الفيصليه

2576755

دعواتكم اذا استفدتو من ردي

[miss lulu]

المشاركة الأصلية كتبت بواسطة lotus.da اختي انا الصراحة ما فهمت عليكي لانو انا خريجة كلية التربية للمعلمات ودحين الكلية نقلت على كلية التربية تحت مظلة الجامعة ووثائقي كلها بالعربي لاني منخرجة قبل 5 سنوات ما ادري في احد زي في الورطة دي

أهاااا حسبالي متخرجة من نفس عزوز ^_^

مدام الوثائق كلها عربي لازم تترجميها في مكتب وتختميها من نفس المكتب

أما إذا قصدك نفس الجامعة تغير وثيقتك من عربي لانجليزي ماعندي خلفية صراحه

[miss lulu]

المشاركة الأصلية كتبت بواسطة بيلف طيب الله يسعد اللي تعطينا نسخه من ذي التوصيه البرجرف وانتو متاكدين مافي سجل اكاديمي عربي بنات هذا رقم وحدة القبول والتسجيل نفس المكتب اللي سلموني وثائق التخرج هالصيفيه في كلية الفيصليه 2576755 دعواتكم اذا استفدتو من ردي

تم ياعسل إرفاق نموذج لتوصيتي ^_^

بارفقها كصورة تطلع مره كبيرة ومش عارفه كيف أصغرها فادرجتها ف ملف وورد

كل دكتورة ولها أسلوبها ف كتابة براجراف التوصية

أيون أنا متأكدة مافي سجل أكاديمي عربي لو متخرجة من جامعة الملك عبد العزيز ولا يطلبوا منكم وقت المطابقة سجل أكاديمي مكتوب بالعربي لأني كنت مقدمة على المرحلة السابقة وكملت جميع الاجراءات بس بقي أطلع الفيزا ولظروف خارجة عن إرادتي إتكنسلت البعثة

الله يوفقكم ويسهل اموركم كلها يــارب ،،

[رشة عطر]

المشاركة الأصلية كتبت بواسطة miss lulu كنت مقدمة على المرحلة السابقة وكملت جميع الاجراءات بس بقي أطلع الفيزا ولظروف خارجة عن إرادتي إتكنسلت البعثة

ميس لولو

انا سمعت ان اللي زي حالتك " ينسحب بعد مطابقة الاوراق " ما يقدر يقدم على المراحل الجاية

صحيح هذا الكلام ؟

خايفه اطابق اوراقي وبعدين ما تتيسر اموري