تهكم الجامعه ونظامها الرجاء المشاركه ومساعدتي رجاء ياشباب

[كاريزما غير]

ما ابي اطول عليكم بس قهر والله انا طالب ماقد حملت ماده من سجلت ومشيت على خطتهم ماقد حذفت ولا اضفت اي ماده بس اخر ترم سددت ونزل جدولي مادتين بس وانتظرت اسبوع ونص يزيدوني مواد واخلص مازادوني انا سويت اضافه . قلت اكيد خلصت موادي باقي المواد الاختياريه زيي زي الشباب اتفاجأ اليوم انه باقي ماده اجباريه ماخلصتها فالسؤال وش السالفه يارب اني غلطان او احد عنده خلفيه عن الموضوع او رقم شؤون الطلاب او اكلم مين لاني انا فالرياض.******

واذا لازم ادرسها لازم ادفع رسوم الترم ورسوم اختبار المناطق ؟؟! ولا يمشووون


او اقدر ارفع تظلم ولا شكوى ولا اي شي لان الغلط غلطهم


وبرضو ابي استفسر عن الصيفي للحين فاتح ولا سكر******



اتمنى احد يقدر يرد على تسائلاتي والخيرة فيمما اختاره الله

******************************

[الصـامل]

بسم الله الرحمن الرحيم

اخي الكريم نسال الله لكم التوفيق وانه تحل امورك بالطريقة التي ترغبها ان شالله
انا سوفا اجاوبك حسب رويتي .. اولأ عليك الاجتهاد لاضافة المادة في الترم الصيفي اذا هي نازله تضيفها بشتى الطرق وضمان انك بالترم الصيفي حتى تتخرج بعد العيد ان شالله .
ثانياً : اثناء اضافة المادة ما يمنع انك تتطالب بحقك وتطالب وتشرح لهم خطاهم وانك ماشي على الخطة التي وضعوها وتكون مطالبتك بشكل مرتب وصحيح عسى ان يكون هناك شي يكون لك هو الحل الذي تريده .. بس الاهم هو النقطه الاولى لضمان انك تخلص الجامعة بالترم الصيفي اذا لاقدر الله وما صار شي معك بالشكوى .

مع تمنياتي لكم بدوام التوفيق ...

[ابو يااسر]

مرحبا اخوي واسال الله لك النجاح والتوفيق
صراحه انت غلطان المفروض تشاور وتسال بالمنتدي عن وضعك
ما تمشي كذا
والمواد الاختياريه والحره ما يقدرون يضفونها لك لان انت اللي تختار من بين المواد الموجوده
والا لماذا سموها اختياريه وحره
بس انا ابي اعطيك راي
انت اذهب الي جده واشرح لهم وضعك
وفيه نظام عندهم استرحام او استدراك
اما ان يختبرونك الان وينجحونك وتتخرج وتستلم الوثيقه
او يختبرونك الماده الباقيه بالترم الصيفي بدون رسوم
بس لازم تروح لجده او راسلني بالخاص اذا ما تقدر تذهب لجده

[ضييف]

ياخوي لاتشيل هم

الامر ابسط مما تظن

ارسل لعبد الرحمن الجعيد رساله

ومابيقصر معك

[فهيد العوفي]

قدر الله وما شاء فعل
الحمدلله على كل حال
بصراحه جامعتنا كثرت فلوسها والتفكير بالطالب اصبح معدوم
عموما اذا كنت كلية الاعمال برابغ وتخصصه موارد بشريه انا متأكد ان الماده hr306
0555646555 رقم عبدالرحمن الجعيد رجل محترم ومتساعد
الله يوفقك

[كاريزما غير]

فعلا هم مانزلوها لي فالجدول وهي hr 306 واذا ماده اجباريه ليش مانزلوها هم

[كاريزما غير]

كلمته واتصلت عليه مارد علي ؟؟!

[فهيد العوفي]

المشاركة الأصلية كتبت بواسطة كاريزما غير فعلا هم مانزلوها لي فالجدول وهي hr 306 واذا ماده اجباريه ليش مانزلوها هم

هى الماده الوحيدة لان لها متطلب اللى هىhr301
ما تنزل تصدق واحد من الشباب نفس سالفتك ما نزلت بالجدول بس ربك جابه لى وكلمنا الجعيد ونزلها طبعا بالترم السابق وتخرج الرجال عقبالك ان شاء الله
عموما الماده إجبارية
راسل الجعيد على الواتس
كلمه اكثر من مره لا يروح عليك الصيفى بعد
خلص أمورك
الله يوفقك والحمد لله على كل حال

[كاريزما غير]

كلمته ووعدني خير ماقصر ولا قصرتوا دايما مبيضينها ما شاء الله عليكم اخوان والله

[cry-wolf]

اخوي اسمحلي الخطا خطئك لو تتابع الاوديوس وتشوف المواد المتبقيه عندك بتعرف ان فيه ماده ناقصتك

ولازم تكون حريص وتعرف ان ساعات التخرج 128 ساعه وعليك الحساب صح في الجامعه قصور لاكن احنا ناس كبار ولازم نبحث ونستفسر ما نحتاج احد يمسك بيدنا ويقولنا ايش نسوي مثل المراحل الاعداديه


على العموم الماده الي عليك اتوقع ماهي اختياريه الماده متطلبه يعني الله يعينك تدرسها في الصيف اذا نزلوها وعليك العوض

الظلم من الجامعه انك تدفع 3 الاف ريال على ماده وكمان الف اختبار مناطق بينما على سبيل المثال جامعه الامام انتساب تدفع فلوس الكورس يعني ماده ساعاتها 3 تدفع عليها 250 واذا اقل ساعات اقل فلوس ان شاء الله تاخذ ماده وحده بس تدفعها هي

وحسبناالله ونعم الوكيل