افضل المواد الاختيارية في قسم المحاسبة

[sarab*]

السلام عليكم
لو سمحتو ابغى اسهل مادة اختيارية من المواد التالية وطبيعة المادة ومن افضل من يدرسها
1)نظرية المحاسبة
2)استثمار
3)اقتصاد دولي
4)اخلاقيات العمل
ولو احد يعرف مواد غيرها ياريت يفيدني وشكرااا

[doly]

سمعت ان اخلاقيات عمل اسهلهم
بس لسا ما اخذتها

[جامعية جادة]

السلام عليكم ..
أفضل شي أخلاقيات عمل هيا مادة نظرية كلها بس منهجها قليل وماتاخد منك وقت كتير في الحفظ اغلبها اشياء بديهية من معلوماتك العامة .. وأفضل دكتورة ابتسام حلوااني إنسانة راقية وخلووقة بس اهم شي لا تتأخري في كلاساتها وخليها تحفظ اسمك وبالراحة رح تجيبي + a والمادة لها عمل تطوعي 10 ساعات فقط في اي مؤسسة خيرية ومافي واجبات ولا بحوث .. أتمنى أكون أفدتك وبالتوفيق يارب

[نوفا عسل]

طيب بنات اخلاقيات عمل لها متطلب ولا موب لازم !!!!!!!

[جامعية جادة]

مالها اي متطلبات

[sarab*]

والمادة لها عمل تطوعي 10 ساعات فقط في اي مؤسسة خيرية ومافي واجبات ولا بحوث .. أتمنى أكون أفدتك وبالتوفيق يارب [/align][/quote]

مشكوووورة بس كيف يعني عمل تطوعي يعني لازم

[جامعية جادة]

ايوا عليه 10 درجات اساسي تروحي في اي جهة خيرية تتطوعي هيا رح تديكم اختيارات في اماكن كتير وكل وحدة تختار الانسب ليها بس مررة رح تنبسطي فيه لو اخدتي المادة ان شاءالله انصحك تروحي تطوع في مركز العون مرة رح تنبسطي كلها 10 ساعات بس !

[MaNNo]

طيب اذا ماعليكم أمر ممكن اعرف رمز اخلاقيات العمل..وهي ساعتين؟؟

لأني محتاجه ماده ساعتين بس ,, وكمان ودي اشوف الشعب تتناسب مع جدولي او لأ

[جامعية جادة]

أخلاقيات عمل بساعتين رمزها pad 201

[sarab*]

مشكووووورة يا جامعية جادة على المعلومة

طيب لو سمحتوا باقي المواد مين يعرف عنها؟؟؟