~ تجمع خاص فقط للجداول وتعديلهم ~

[ابوتركي@@]

وشرايكم انزال فيزياء 221 او 241 او312
وايهم اسهل ولو نزلته كلها سوا في صعوبة

[بروفيسورة]

يالفيزيائيات شوفو جدولي هذا كويس ؟؟ لاني مااحب اضغط على نفسي في المواد

انا راح اخذ ان شاء الله ماث 202 وثقافة 1 في الصيف >>> ما احبهم



بلييييز قولولي قبل يوم الربوع اخر موعد للحذف والاضافة ’’’’’’’’’’’’’’’’’’’’ة

[LeLou]

المشاركة الأصلية كتبت بواسطة بروفيسورة يالفيزيائيات شوفو جدولي هذا كويس ؟؟ لاني مااحب اضغط على نفسي في المواد انا راح اخذ ان شاء الله ماث 202 وثقافة 1 في الصيف >>> ما احبهم بلييييز قولولي قبل يوم الربوع اخر موعد للحذف والاضافة ’’’’’’’’’’’’’’’’’’’’ة

شوفي يا عسل ماث 202 أهم مادة لأنه كل مواد المستوى الرابع متطلبتها..
فلو ما أخذتيها راح تتعطلي مرررة كثير راح تضطري تاخذيها لوحدها مع مواد عامة وحرة..
بالإضافة لأنه هذي المادة عادة ما تنزل في الصيف..
الصيفي مو زي التحضيري كل المواد تلقيها..
لازم عدد كبير من البنات يطلبوا المواد عشان تنزل و أحيانًا ما ينزلوها حتى لو كل الدفعة طلبتها..
لأنهم يعطوا الأولوية للبنات إللي راح يتخرجوا،، عادة الصيفي تكون مواد المستويات الأخيرة..
كمان ممكن مافي استاذة ترضى تدي المادة في الصيف..

فلا تتوهقي و أمشي عالمضمون،، إذا ما تحبي الكرف،، رغم أني أقول لك إنتِ في التخصص لازم تكرفي مو زي التحضيري..
احذفي فيزياء 202 و خذي فيزياء 203 و ماث 202 و معمل فيزياء أو كيمياء 281..
لأنك لو ما أخذتي واحد منهم و حذفتي فيزياء 202 أو 203 حتنكرفي في المعامل كرف مو صاحي..
هذي نصيحتي لك من وجهة نظري المتواضعة،، أحذفي يا فيزياء 202 يا فيزياء 203..
و أفضل أنك تحذفي 202 لأنها أصعب،، مو من باب أنها أصعب بس دكتورتها مو قد كدا..

و إنتي استخيري..
بالتوفيق||~

[LeLou]

المشاركة الأصلية كتبت بواسطة ابوتركي@@ وشرايكم انزال فيزياء 221 او 241 او312 وايهم اسهل ولو نزلته كلها سوا في صعوبة

أنا بصراحة ما أخذت دوائر بس أسمع أنها سهلة،، و عمومًا ما ينصحوا أنه الواحد ياخذها قبل كهرو (1)،، و بصراحة ما أنصحك تاخذها حاليًا لأنه و لا مادة متطلبتها..

221 يقولوا مرة سهلة بس أنا ما أخذتها مأجلتها لأجل غير مسمى ..
241 مو صعبة بس يبغالها خيال واسع و أحد يعرف يشرحها..
أنصحك تاخذ 251 ترى هي مرررة سهلة و بالنسبة لي كانت أسهل مادة في المستوى دا،، و بأربعة ساعات ترى ترفع المعدل،، بس أسأل أول عن دكاترتها..
و 252 لأنها متطلبة لمواد ثانية و كمان هي مو بذيك الصعوبة و دايمًا أسمع أنها سهلة بس ما حبيتها و لا فهمتها بسبب دكتورتي الله يسامحها بس،، و جبت فيها درجة متدنية..

بالتوفيق||~

[picasso]

المشاركة الأصلية كتبت بواسطة بروفيسورة يالفيزيائيات شوفو جدولي هذا كويس ؟؟ لاني مااحب اضغط على نفسي في المواد انا راح اخذ ان شاء الله ماث 202 وثقافة 1 في الصيف >>> ما احبهم بلييييز قولولي قبل يوم الربوع اخر موعد للحذف والاضافة ’’’’’’’’’’’’’’’’’’’’ة

انا انصحك يآ اختي بهذآ الجدول :



math202

phys203

arab101

isls101

phys200

phys281



هذآ كلهآ 14 ساعة عندك اللغة العربيه والثقافه مواد عامه سهله لرفع المعدل اذا حصل اي نقص فيه .

امن وسلامه ومعمل الفيزياء هذي كلهآ من ساعة وحده ومره وحده بالاسبوع ومو بهذيك الصعوبة .

والفيزياء 203 هذي من اربع ساعات وماده سهله جدا جدا جدا

المآث هذا لازم تدرسيه ويبيله اهتمام كبيرررررر



مجرد رآي

[.. الظل ..]

بروفسورة ~
احذفي فيز203 و امشي على الخُطة لأسباب ..
أولها المعامل راح تكون 3 و ضغط و انا جربت هذا الشيء و كرهت نفسي مرة :(
فما اعطيت اي مادة حقها :"(
ثانيًا الخطة أغلبها تتطلب فيز 202 في المستوى الرابع و الخامس
لذلك >>
جدولك | فيز202 , ريض 202 , عربي 1 , أمن و سلامة فيز , فيز 281 = 12 ساعة
إذا جبتِ إن شاء الله a +a يرتفع معدلك بشكل كبيير .. بعدين في السمسترات المتقدمة خلي عدد ساعاتك أكثر من كذا
فالك التوفيق :)

[بروفيسورة]

الله يسعدكم يارب

طيب انا معاكم في دي النقاط رحا اضيف

ماث 202 و ثقافة 1 اوكي

بس راح احذف فيزياء 2 عادي صح ؟؟ لانو لمن صاحباتي درسوه قالو صعب ويخسف المعدل

يعني حيكون جدولي v

فيزياء 203

فيزياء( امن وسلامة ) 200

فيزياء 281

ماث 202

عربي 1

ثقافة 1

ها ايش رايكم مو كذا احسن ؟؟

ولا احذف فيزياء 281 >>> عشان احس المعامل كثيرة ولا ؟؟

[بروفيسورة]

^
^
^
هوا نفسو الجدول اللي نصحتني فيه اخويا picasso

حبيبتي LeLou انا راح احذف ان شاء الله فيزياء 2 زي ماقلتي

احذفي فيزياء 202 و خذي فيزياء 203 و ماث 202 و معمل فيزياء أو كيمياء 281..

طيب ايش اسهل واحلى فيزياء 281 ولا كيمياء 281 ؟؟ ايش تنصحيني اخذ


الله يوفقك طفشتك باسالتي وانتي دايما تردي علي كمساميداا

انا خايفة ما ابغا اول سمستر المواد صعبة علي يكفي الماث ما احبه

[.. الظل ..]

المشاركة الأصلية كتبت بواسطة بروفيسورة الله يسعدكم يارب طيب انا معاكم في دي النقاط رحا اضيف ماث 202 و ثقافة 1 اوكي بس راح احذف فيزياء 2 عادي صح ؟؟ لانو لمن صاحباتي درسوه قالو صعب ويخسف المعدل يعني حيكون جدولي v فيزياء 203 فيزياء( امن وسلامة ) 200 فيزياء 281 ماث 202 عربي 1 ثقافة 1 ها ايش رايكم مو كذا احسن ؟؟ ولا احذف فيزياء 281 >>> عشان احس المعامل كثيرة ولا ؟؟

' طيب ي قمر الترم الجاي ايش راح تضيفي في الجدول ؟!
أغلب المواد المستوى الرابع و الخامس متطلبها فيز 202 و ريض 202 !
أعرف وحده حذفت فيز 202 و راحت للمستوى اللي بعده و مش عارفه كيف تسوي جدولها ...
و صارت الساعات قليلة عندها لأنها ما تقدر تضيف .. أضافت بس 8 ساعات اعتقد ..

المادة وراكِ وراكِ .. أسئلة د / ثريا دائمًا تجي من تست بانك الكتاب فاندمنتل اوف فيزكس .. بالنص !
جبت درجة عندها أعلى من 203 ..
المادتين كلها يبغى لها مجهود و شغل ..فكري كويس .. و استخيري .. أنا بس حبيت افيدك :)

[بروفيسورة]

^
^
^

الله يوفقك ظلوووولة

يعني ما احذفها اقصد فيزياء 2 ؟؟

طيب مراا صعب فيزياء 2 وماث 2 الاثنين مع بعض احذف معمل 281 احسن صح ؟؟

انا اخاف اهتم على مادة والثانية تروووح في داهية هذا اللي خايفة منو

خصووصا انها 4 ساااااعااااات صعبببة