ارجو منكم مساعدتي

[سنيورهbh]

بسم الله الرحمن الرحيم السلام عليكم ورحمة الله وبركاته اناجديده بالمنتدى وحابه اطرح مشكلتي وطالبه منكم مساعدتي انا من الطايف وسجلت في جامعة جده بس ماقبلوني الا في كلية التربيه وانا حلمي طب ورجعت الطايف خايب املي وسجلت في مكه بس اكتفوا في الطب الى النسبة الموزونه 90ورجعت وحلمي تحطم ولكن قدر الله وماشاء فعل وكان اخر املي الطايف بس المشكله انه مافي طب وقالولي انه لودخلتي كلية علوم تطبيقيه رح تقدري تحولي طب هل هذا الكلام صحيح؟والسؤال الثاني متى يبدا التقديم للترم الثاني؟واسفه اني طولت عليكم شـكــ وبارك الله فيك ـــرا لك ... لك مني أجمل تحية .

[dr.6amo0o7]

هلا و الله فيكي سنيورة في عضوة في المنتدى و ان شالله تكوني عضوة دائمة .... انا حاب اساعدك خصوصا انك من نفس مدينتي ... انت تقولي انك تبغي تسجلي علوم تطبيقية في الطائف و تبغي تحولي لكلية الطب .. بس افرضي انهم ما فتحوا كلية طب في الطائف فهنا المشكلة

أنا برأيي انك تسجلي تأهيلي يعني بفلوس في جامعة الملك عبدالعزيز أو في جامعة أم القرى و بعد كذا تدخلي طب
بس لازم تجيبي معدل عالي في السنة التاهيلية على حد علمي

[dr.6amo0o7]

صح جاتني فكرة
اذا مرررررررة نفسك تدخلي طب و ما قدرتي تدخليها في اي جامعة يعني اتصعبت مرة
في كليه اسمها كلية ابن سينا هذي الكلية تدرس الطب بس بفلوس ( طبعا اذا كان عندك استطاعة )

[M!ss Mojy]

والله صراحه ماعندي علم بهذا الموضوع

وبالنسبه لابن سينا هي حلوه وكثييييييييير طلاب يدرسوا فيها ورسومها 60 الف في السنه << مزودينها شوي

بس انتي اتأكدي اذا هي معتمده او لأ لانها كليه اهليه

[الطموحه]

ابن سينا وكذلك البترجي

بس أنا اشوف رسومها جداً عاليه ومو كل الناس تقدر تدفعها

ما أدري إلى متى الجامعات الربحيه راح تستمر هنا :(