اهداء لدفعة 09 ادخلو وقولو لو معاي حق

[a7la-bntn]

بسم الله الرحمن الرحيم
إن شالله إنو يكون الجميع بخير <<بعد الدرجات ما أعتقد
انا ماجيت اليوم احاول اتعدى حدودي علا احد أو حتى أتفلسف فوق راس احد انا بس جيت أقول وش احس فيه بذي السنه التحطيمية
نبدا من البدايه من الصف أول ثنوي بعد ماخلصنا أولى كلنا في ذيك الفتره ولحد يقول لأ
كلنا كنا متحمسين لثانيه مو عشان ندرس كنا نبى نفلها ونرتاح قبل تالث بذيك الفتره كانو لسه ما اصدرو قرار السنه التراكميه
المهم قبل ندخل لتانيه نتفاجئ بالجرايد بقرار السنه التراكميه كيييييييف !؟
لييييييييش ومن المستفيذ؟!
المشكله مو في القرار كثر ومن وجهة نظري في كيفية تنفيذ القرار
يعني أنا بس ودي أفهم القرارات الي تتخذها الوزاره أو حتى الجامعه بالله مين اللي بيطبقها مو نحنا الطلاب والطالبات !!
مو نحنا اللي بنكرف ونجد ونجتهد ونسهر ونتعب
لييش وألف ليش ما يآخذو رأينا بأنظمتهم والله ولو بالكذب بس المهم إنو يحسسونا إنو نحنا جزء من المجتمع ..
أكيد هما ما طبقو كذا من راسهم أكيد أخذو رأي خبراء وناس عارفه
بس الخبراء وذوي المنصب مو هما اللي رايحين يطبقو..
في ناس بيعجبها التراكمي وناس لأ ..
الناس اللي ما عجبها أش يسو بعمرهم
المهم ما علينا أتراكمنا واللي انخسف معدلو انخسف واللي أترفع أترفع
جينا لتالت وكالعاده محد أخذ رأينا بشي وقالو والله اللي يبى يدخل جامعه لازم يختبر قدرات وتحصيلي
فجأه كذا شي وأشياء درستها قبل 3 سنين تصير هيا اللي تحدد مستقبلك
المشكله مو بس هنا لأ
لأنو لو إننا درسناها صح كان ماتعدت المسأله مجرد إنك تذكر نفسك فيها بس المصيبه إنو نحنا مناهجنا تعتمد علا الحش بس تدخل معلومات قد الجبل في راسك وبعدين تطلعها وتدخل غيرها يعني انسى موضوع إنك تتزكرها مستحيل أحد يتزكر شي
ماعلينا أختبرنا وفحطنا بالساعتين حقت الإختبار والله إني واصلت 32 ساعه عشان ذا الإختبار معرف هما يبغو يشوفو قدراتنا في أيش ولا يقيسو ذكائنا عشان مين
أصلن أنا برأي الأفعال والحياه هيا اللي تظهر قدرات الإنسان مو سؤال بالكيميا ممكن أكون حفظت إجابتو قبل أمس وأكون أصلن مدري هوا بيتكلم عن ايش
المهم ماعلينا
الحمد لله دخلنا الجامعه بعدين هنا ودي أعلق علا نقطه في ناس قدمت علا البعثات وبنفس الوقت عالجامعه وفجأه صارت المفاجأه
يقولك أختار يا الجامعه يا البعثه
وأعرف بنات كثير أختارو الجامعه مو (حب) فيها ولكن خلينا نكون صريحين لأنها ضمنت لها مقعد بالجامعه أما البعثه فماهي مضمونه
السؤال هنا ليش يتم تخيير الطالب بهذه الطريقه يعني أش فيها لو هوا قدم بالإتين وبعدين يروح للأصلح
بالعكس كان ممكن لو راح البعثه يكون فتح المجال لغيرو يدخل جامعه ولكن للأسف في ناس معرف شلون تفكر
كمان ماعلينا دخلنا الجامعه
وكالعادة نتفاجئ بالسنه التحضيريه عفون قصدي الإنتحاريه اللي حطمت آمال وأحلام كثير طلاب
يعني بالله مو حرام إنو تضيع سنه كامله من عمر كل طالب وطالبه
بأننا ندرس أشياء درسناها سابقن يعني إذن ايش فايده الثانوية اللي كرفنا فيها
وتعبنا تقولو هذي السنة عشان نفهم نظام الجامعه صح
اصلن بيها وبدونها كنا بنقدر نفهم
((المشكله أشياء درسناها سابقن ومافي درجات ...فين الخلل))
بتقولوي انها تساعدك تعرفي في إيش تتخصصي طيب انا بأقولكم أش الفايده لو مثلن انا كان حلمي بالحياة هوا الطب ولا الحاسب =محد راح يطالع بشكل حلمي الكل يطالع الدرجات
وعلا سالفة الطموح تعال اسأل اي طالب توه متخرج من التنوي ولا بلاش اسأل اي وحده من دفعه09 ايش طموحك بتقولك شي واحد
" خلينا نشوف اول شي اش المعدل اللي حجيبو"
صارت معدلاتنا هيا اللي تحدد مستقبلنا صح انو ذا المعدل نحنا اللي جبناه يعني مو هوا اللي جا من عندو لعندو
بس بالله
مو لما يكون الإنسان يحب شي معين راح يبدع فيه
بعدين ماادري الجامعه معتبرتنا ملائكه ولا بشر
كل إنسان بتكون عندو ضروف خارجه عن إرادتو
بالسنه التحضيرية مافي مجال تعتذر عن ترم ولو أختبرت وهببت بالإختبار صار عندك ضرف لاسمح الله مافي إعادة ولا تحسين لأنك مو بشر إنتا ملائكه
وعلا فكره في شي حرق دمي السمستر الأول وهوا إنو المحاضرات كانت ورا بعض بمعنى الكلمة يعني من الساعه 8 الى 2 الظهر محاضرات ورا بعض
هما ما يعرفو شي اسمو بريك فسحة<<أيام التنوي
يعني نحنا ما نتعب مانجوع عشان كارفيننا 6 ساعات متواصله طيب بلاش نحنا ملائكه مو بشر
طيب بالله كمان ما نعبد ربنا حتى وقت مستقطع لصلاة الظهر مافي حتى الملائكه تتعبد ربنا بس شكلو بالجامعه عندهم العلم أهم من الصلاة أنا عن نفسي كنت اتأخر عن آخر محاضره ربع ساعه دايما عشان اصلي
لا واللي يقهر أكثر إنو المحاضره 50دقيقه بالضبط أوكي عندنا في استاذات يآخذوها ساعه كامله لو عليها تكمل لنهاية الدوام يعني 10 دقايق يضاربونا عليها
وآخر نقطه ودي أتكلم عنها هنا هيا آلية التسكين
عندنا بالعلمي 9 تخصصات وأنا مدري ليش ماحطولنا الإداره والإقتصاد والله إنو كان من ضمن الأشياء اللي فكرت أتخصص فيها وأتفاجأت إنو ماعندنا علا الرغم من انو بمجال تخصصنا
المهم نرجع لآلية التسكين نحنا نرتب التخصصات بعدين علا حسب الأفضليه يحطونا
مو هنا الكلام
الهرجه كلها انك لما حتنحط بالتخصص والله أعلم ممكن يكون اللي إنتا اتمنيوتو وممكن يكون اللي حطيتو آخر شي
تخيل راح تجبر علا دراستو سنــــــــــــــــــه
كامله بعدين لو ما عجبك بعد سنه ممكن تغير
والله حلوه ذي
ما صار تخصص ذا صار نشبه
يعني حتى في هذي ظالميننا
آخر حاجه ابغى أقولها انا اسفه لو طولت بالهرج بس والله انا متأكده إني ماقلت غير اشياء كثيرين ودهم يقولوها وحاسه في اشياء نسيت اتكلم عنها فاللي شايف إنو كلامي صح يوافقني عليه واللي شايف اني مسختها بكلامي يقولي ترا مافيها زعل
والله يوفقنا كلنا..>>شكلهم بيحذفوني اناوالموضوع بررره

[Habo0oshe]

ماحد يقدر يقول كلامك غلط !!!

بس اش فايدة التذكير والشكوى مادام ماحيصير شي ولاحيتغير ويا أختي تراه مانتي اول وحدة تقول داه الكلام ياما قلنا وتكلمنا انا وغيري في المنتدى وفكل مكان أحد سمع ؟؟ غيرو شي ؟؟ احد حس ؟؟ لألألأ
وتراه دفعتنا منحووووووسه من قبل الثانوي انا اسمها دفعة حرب الخليج لو تشوفي الانظمة الي صارت لنا من الابتدائي هههههههههههههه يعني لله يكون في العووون
ومافي شي في بداية الطريق سهل وواضح والنجاح مو بهاذي السهولة ...
وحسبي الله ونعم الوكيــــل

[بيو كيميائية ^_^]

حسبي الله ونعم الوكيل

الحمدلله على كل حال

[hanoodi&madridi]

معاااااااكي حق في كل شىء لانه كل قرار مفاجئ وغريب تكون على دفعتنا ليش؟ وكيف؟ محد عارف والله يعين ونتمنى من الجميع التوفيق وعدم الاستسلام

[a7la-bntn]

ايووواوالله انك صاااادقه بس منجد شكررررن علا مرورك وتأكيدك كلااامي الحمد لله مو بس انا اللي حاسه كذ

[Darkness]

كلامك مضبوط ميه ميه ..بس للاسف مامنه فايده غير انك طلعتي حرتك وحسيت انو انا كمان طلعت حرتي من خلالك :) وغير كده ماراح تستفيدي شي
:(


وموفقين ياطالبات وطلاب دفعه 009 في هالسنه التحضيريه وفي كل السنوات

[cherry]

والله اللي قلتي من القلب اصلا هادي الدفعه كل شي بحسابو يعني لمن كنت سنه اولى ثنوي قالو جيبي معدل عشان تدخلي علمي ودخلنا علمي وانت عارفه الحكايه المحزنه كل شي بمعدلك يعني جيبي معدل وعلى هاد الاساس حتدخلي تخصص طيب ياما في ناس قبلنا دخلو التخصص اللي يبغوه وما حد قلو معدلك ولاه يا خوي فين القدرات والتحصيل وطلعو ناجحين في الحياه طيب حتفقولو تطور فين التطور ونص الطلاب سحبو من الجامعه يعني نص اللي سحب ما حكون معاه شهاده جامعيه هاد هوا التطور....ارحمو من في الارض يرحمكم من في السماء

[هدوووله]

الحمد الله على كل شئ..
وربينا فوق باذن الله نااخذ حقنا..
حسبي الله ونعم الوكيل..

[نجمة بحر]

صحيح ان مانمر به شي يعد من اصعب الامور
وقد يحاول البعض الوصول لمشاعرنا
لكن في الحقيقه لن يستطيع احد الشعور بما نشعر به
لكن .. ان لم ننجح في الوصول للهدف
فهذا لايمنعنا ان نأخذ العبره من هذا الظرف الذي مر بنا
فلنرقى بطموحنا عاليا
السنه التحضيريه علمتني الكثير من الاشياء الجيده رغم السلبيات التي تطغى
ولكن علمتني ان لا اتخلى عن حلمي .. قربتني من الله
فما اجمل ان اسجد في منتصف الليل ادعو الله الذي سيفهمني وسيرحمني
يكفي حينها بأن رب الكون يسمعك وعندها قم بمناجاته بكل طموحاتك بكل احلامك بكل امالك .. وكن متأكدا بأن الله كريم فلن يردك
علمتني انني لابد ان اكون كالصخر بقوته واقوى فلا اتخلى بسهوله عما حلمت به سنوات من اجل سنه
اتمنى ان لاينظر لدفعتنا بدفعة حرب الخليج او نظره تشاؤميه
بل نحن دفعه غيرت مابعدها فبعدنا كل شي تغير .. والبقاء للطموووووح الاعلى
وليس للمعدل الاعلى ..
توكلوووووووا على الله .. ولا تيأسوا
فقد تصبح غدا .. انت من يضع القرار

[نجمة بحر]

صحيح ان مانمر به شي يعد من اصعب الامور
وقد يحاول البعض الوصول لمشاعرنا
لكن في الحقيقه لن يستطيع احد الشعور بما نشعر به
لكن .. ان لم ننجح في الوصول للهدف
فهذا لايمنعنا ان نأخذ العبره من هذا الظرف الذي مر بنا
فلنرقى بطموحنا عاليا
السنه التحضيريه علمتني الكثير من الاشياء الجيده رغم السلبيات التي تطغى
ولكن علمتني ان لا اتخلى عن حلمي .. قربتني من الله
فما اجمل ان اسجد في منتصف الليل ادعو الرب الذي سيفهمني وسيرحمني يكفي عندها بأن رب الكون يسمعك وعندها قم بمناجاته بكل طموحاتك بكل احلامك بكل امالك .. وكن متأكدا بأن الله كريم فلن يردك
علمتني انني لابد ان اكون كالصخر بقوته واقوى فلا اتخلى بسهوله عما حلمت به سنوات من اجل سنه
اتمنى ان لاينظر لدفعتنا بدفعة حرب الخليج او نظره تشاؤميه
بل نحن دفعه غيرت مابعدها فبعدنا كل شي تغير .. والبقاء للطموووووح الاعلى
وليس للمعدل الاعلى ..
توكلوووووووا على الله .. ولا تيأسوا