ايش النسبة الي تدخلني الكلية عامة والتصميم الداخلي خاصة ؟؟( تعديل موضوع مخالف ) ..

[نيكييتا]

السلام عليكم ورحمة الله وبركاته

انا طالبة مستجدة بالمسار الإداري و بأمر الله رغبتي اتخصص بكلية الإقتصاد المنزلي

بالتحديد تصميم داخلي لكن كل ما اشوف الردود وحدة تقول عادي الإداري يتخصصو تصميم داخلي

ووحدة ثانية تقول لا هذا التخصص للعلمي فقط

ابغى الجواب النهائي ... و كم النسبة الي تدخلني الكلية عامة والتصميم الداخلي خاصة ؟؟

ثانيا لو في حالة لاسمح الله ماقدرت ادخل تصميم داخلي سمعت عن ادارة سكن ومؤسسات

ابغى اعرف ايش المواد الي تندرس بالقسم ؟؟؟ ممتع ولا لا ؟؟؟ وشو الوظائف الي ممكن القاها ؟؟؟

و قسم الفنون هل هو للفنون الإسلامية فقط او فنون عامة ؟؟؟

مقدما اشكر للجميع قرائتهم الموضوع ...

[متاخره واااايد]

ياعسل انا اللي اقدر ارد عليك فيلو هوا انو التصميم للاسف للعملي فقط ودي معلومه اكيده

اما بقيه الاسئله ان شااء الله الاخوات يساعدوكي

^_^

[Mis$ lolo]

ايواااا صحبتي كانت تبغاه بس قالولهاااا بس للعلمي

وحاولت معاهم بس هذا كلامهم

وان شالله يكون ف مجال لكم

لولو

[Roa'a]

انا حجاوبك عن التصميم الداخلي بس
وان شاء الله باقي البنات يفيدوكي

بالتحديد تصميم داخلي لكن كل ما اشوف الردود وحدة تقول عادي الإداري يتخصصو تصميم داخلي

ووحدة ثانية تقول لا هذا التخصص للعلمي فقط

ابغى الجواب النهائي ... و كم النسبة الي تدخلني الكلية عامة والتصميم الداخلي خاصة ؟؟

التصميم الداخلي للمسار العلمي فقط
اول كانو يقبلوا لكن من السنه اللي فاتت وقفوا قبول الأدبي
وصار القسم بس للمسار العلمي
اما النسبه اللي تدخل الكليه عامة صراحه مااعرف لكم قبلوا بالتحديد
اما التصميم من الشروط
انك تتجاوزي الاختبار دا أولا
وثانيا معدلك يكون فوق الـ3 عشان تقدري تدخلي الاختبار
وطبعا المفاضله بين المتقدمات تكون
بأعلى النسب
فحاولي ترفعي نسبتك مررره
عشان تنقبلي ان شاء الله

اما عن الفنون هيا مو بس اسلاميه يعني عن الخط العربي وكدا
لا في عندهم التجريد والاشياء دي
يعني مو كلو زخرفه اسلاميه والكلام دا
دا اللي اعرفوو

=)
موفقه ..

[jojetta]

وعليكم السلام ورحمة الله وبركاته،،

بالنسبة للنسبه اللي تدخلك الكلية عامة دي السنة:
أدنى نسبة موزونة قبلت فى كليه الاقتصاد المنزلى

75.777 السنة التحضيرية علمى

70.387 السنة التحضيرية نظرى

والله يوفقكـ و كلنا يارب،،

[shnshn halawa]

اهلين خيتووو

انا اللي اعرفو انو للعملي
بالنسبه لادارة سكن ومؤسسات تاخدي فيها اشياء كتير
تقريبا اغلب المواد في تتكلم عن المسكن وادارة المسكن
مثلن في ماده تتكلم عن اجهزة المنزل الخلاط والتلاجه وكدا وفنهايه السمسترات تاخدي
ماده اسمها الفيلا كدا هيا الماده فكلاس في غرفه وصاله وتطبخو يعني زي كدا كانو بيت
وفي 5 مواد من التصميم الداخلي احسهم حطوها تخليص ساعات
هيا استديو 1 يشبه استديو 1 فالتصميم بس مررررره مخفض
واستديو 2 مرررره مايشبه حق التصميم
تاريخ اثاث و تقنية خامات نفس حق التصميم بس ما اعرف ليش حاطنلهم هيا
بالنسبه للوظايف ما اعرف ايش بالزبط بس اللي اعرفو انو تكوني في ادارة الحفلات فالفنادق وكدا

بالنسبه للفنون فهوا فنون عامه عن كل شي مو بس اسلاميه
وازا كان قصدك تدخلي شي اقرب للتصميم فانا اشوف انو الفنون اقرب من ادارة السكن بكتير

هنا في مواد الاقسام اللي سالتي عنها ازا حابه تشوفيها
http://homeecon.kau.edu.sa/content.a...www.kau.edu.sa

والله يوفقك يـــــــــــارب

[ساكنه في بيتنا]

حاولي تتخصصي في اي مسار في الاقتصاد المنزلي و بعدين اطلبي تحويل للتصميم واختبري وربنا يوفقك و يكتبلك الخير يارب ..

[نيكييتا]

شكرا للجميع على الإجابات

جزاكم الله خير رفعتو معنوياتي

وان شاء الله ما استسلم وادخل تصميم

^ _ ^