جداول الانجليزي للمستجدات مانزلت

[Icekream]

جدولي انجليزي مستجدة الين دحين ما نزل.
العمادة يقولوا منتظرين تترسل لهم الاسماء من الشئون التعليمية و الشئون يقولوا رسلوها والجدول للآن مانزل ولا اتعدلت كلمة uncleard في خانة القسم في صفحة جدول الطالب. حتى السنة مكتوب تحضيرية ما غيروها.

ايش العمل غير الانتظار؟ المحاضرات بدأت .
البنات اللي نجحوا في اختبار المفاضلة نزلت جداولكم خلاص و بدأتو تدرسو؟

[Sarah mob]

لا لسة ما نزل جدولي للحين ......

[Sarah mob]

بنات أحد فيكم نزل جدولو ؟
انا اليوم برضو مانزل ...

[Icekream]

المشاركة الأصلية كتبت بواسطة sarah mob بنات أحد فيكم نزل جدولو ؟ انا اليوم برضو مانزل ...

انا رحت لحد اليوم و رحت للعمادة و قالوا وصلتهم الجداول بس عشان عندهم حذف و اضافة لبنات كتير حتاخد الهرجة يوم أو يومين.

بنات انا تعبت من الروحة و الجية على لا شي. ما تقدر وحدة منكم تروح بكرة و تسألهم عن سبب التأخير في العمادة و ترد لي خبر ؟ كمان لو وحدة تقدر تكلمهم على مواعيد المحاضرات لا تكون للعصر ! مرة مرة صعب .

حاولوا تقولوهم اننا ما اخترنا فجدولنا ولا شي بسبب تأخير قسم الانجليزي للامتحان والتخصيص. ع الأقل من حقنا نختار مواعيد المحاضرات.

ما اقدر اجلس في الجامعة للعصر و اوصل بيتي فمكة المغرب ! متى اذاكر متى احل واجبات متى انام متى آكل ؟!

بكرة ما اقدر اروح. كل يوم اروح و اجلس ل 2 الظهر على ولا شي. يا دوب استفدت امس جددت البطاقة في العمادة .

سارة أنا ( ع )
اللي نجحت معاكم و كنت معاكي انتي و اريج يوم الثلاثاء :)
حاولت ارسل لك عشان نكون على تواصل بس المنتدى مايسمح بالرسايل للي مشاركاتهم أقل من 100

[Sarah mob]

بنات رحت عند الشؤون واخدت رقم المعاملة
بعدين رحت العمادة قسم الجداول و خلاص طلعلي الجدول
بالتوفيق للجميع ...