الحالة الحرجة للتعليم العالي والدراسات العليا !

[دلوعة الإقتصاد المنزلي]

المشاركة الأصلية كتبت بواسطة محبة لغموضي يا جماااعه صلو ع النبي وقولو لا اله الا الله انا عارفه انو ردي بيقلب النار عليا ههههههه بس بجد طالعو فيها من منظور تاني معروف انو كل الطلبة السعوديين بكل مراحل دراستهم الجامعية ياخدو مكافئة كل شهر اما الاجانب ما ياخدو اي شي مجرد مقعد دراسي يعني احسبووو كووول المدة دي يعني اكتر من دبل اللي ياخدوه دحين في الدراسات العليا واصلا هادا لو بجد يعطوهم خخخخخخخ الله يديم الوطن ..~ <~ قسسسًم بتنجلد من الكل ههههههههه

مين قال ان الطلبة السعوديين بكل مراحل دراستهم الجامعية ياخدو مكافئة كل شهر ؟؟
على بالك إن الطالب بالابتدائي والمتوسط والثانوي بياخد مكافأه ههههههه كدبة سبتمبر
ادري عل بالك نفر سعودي يعني عايش مبسوط هع هع هع
انتي ايش فهمك اصلاً ؟؟؟ الله يهديكي بس !
المدارس لاتعطيك مكافأه إلا مدارس تحفيظ القران والمعاهد المهنية الثانوية ..
ويا محبة لغموظك ,,يا كثر اللي محتاجين القروض ..
وبعدين شوفي ياحرام كيف كثير قطعوا قلوبنا موقادرين حق ال 15000 ريال يجيبوها فانسحبو ؟؟؟
شوفي دليل على إيش ؟؟
وياكثر طلاب اللي ماعنده حق مواصلات ويروح مدرسته على رجله من الصباح والظهيره
وغير طلبات المدرسة وادوات مدرسية و فطور ووووو ماراح توفرها له المدرسه مجانا
وطالبات مساكين بيدفعو من دخل الديون
واللي بيجوا من قرية ويتبهلو مع السواقين فيه اللي يطلع بن حلال وفي ابن ...
ok
يبغوا يقولوا عشان ماقبلناك عام و بمكافأة
يحطوا قرار
اللي ماعنده من (طالب أو طالبة ماجستير)
سواء مطللقه او ارملة او يتيمة أو ذات احتياجات خاصة أو طالبة أبويها مطلقان
او فقير ومعدوم الدخل أو من أهل الضمان الاجتماعي حق الدفع للأقسام الخاصة (بفلوس)
معليش أنا هنا أقولها بقوووووة
يوضع شعار له في القبول والتسجيل أنت حالة خاصة ونرحب بك وأنت من ستدرس مجانا .
...
أريد العدل اللي جالسة الجامعة تنادي فيه في ندوات هنا لازم نطبقه !
وهذا حق أخواني وأخواتي الطالبات والطلاب لا أكثر ...
________
كلنا واحد ويكفي قسوة القلب من أجل المادة .

وتذكروا قول أصدق وأشرف البشر نبينا محمد عليه أفضل الصلاة والسلام
(لا فرق بين عربي وأعجمي إلا بالتقوى )

[بيو كيميائية ^_^]

محبة معليش دولتهم تتكفل فيهمـ

ماهم سعوديين ولا جوزاهمـ أخضر وفيه سيفين ونخلة

أنا ماأرضى الأجنبي ياخذ أعلى مني

طيب مو مشكلة يعطونه بس أقل مني ومايحصل على مميزات أكثر مني وأنا بنت البلد

[دلوعة الإقتصاد المنزلي]

اللي قاهرني توفير السكن ومو ناقص غير يوصلوله الأكل قدام بيته عجيب والله ؟؟؟

هل اللي وضع القوانين مواطن ؟؟؟

أشك في ذلك أنه لا

و برامج الماستر الخاصة للسعودية يدفع الطالب من 34000 و 63000 ريال و أكثر في سنتين دون بدل او مميزات
والبرامج العامة 890 ريال شهريا وخلال سنتين 21,360ريال + بدل كتب مرة او 3 مرات فقط بدون مواصلا او مزايا أخرى
والطالب الأجنبي بالماستر يأخد مكافأة لسنتين 69,600 ريال دا غير البدلات والميزات الأخرى


أكرر ماهذاااااااا ؟

[كيميائية العام]

طيب ليش مايدو الي يدررسو ماجستير مكافاءة شهرية زي الطلاب في البكلريوس

[دلوعة الإقتصاد المنزلي]

أتمنى إن توضع هالصفحة بخط أحمر عريض ومن يقدر يوصلها بالذات أو يرسلها إلى مكتب عمادة الجامعة
حتى يحققوا الأمانة التي وضعو من أجلها
ونريد أن نعرف الفلوس اللي بيدفعها الطلاب والطالبات بالجامعة بتروح فين ؟؟؟

فعدد 50 طالب وطالبة مثلا دفعوا لفصل دراسي واحد 15,750 ألف = 787,500 ريال واااااااو مبلغ كبير
وفي 4 فصول دراسية = 3 مليون و 150 ألف ريال
وغير اللي بيدفع 20 الف و غير انهم ممكن أكثر من 50

[محبة لغموضي]

دلوووعه اشبك شبيتي فيا نااار
الله يسامحك بس
قصدي المراحل الجامعية

تانيا : بنت عمي طالبة ماجستير + سعودية + معدلها ماشاء الله عالي + تدفع رسوم دراستها

بس دوبني اعرف انو في مكافئات ودا الكلام


وترا الكللل حالتو صعععب
وماقلت اي واحد سعودي يعني تحتو بير بترول <~ سمعناها كتير خخخخخخ

وبالعكس فرصهم اقل لا تحكموا حكم عام الله يسعدكم

انا بس قلت رأيي .. واختلاف الآراء لا يفسد من الود قضية

وما علينا بس ختمتي كلامك بحديث وربي احبو

{لآ فرق بين عربي وآعجمي الا بالتقوى } <~ دا يوضح كل شي

ومعليه حبيباتي لا تزعلو مني لكن كل وحده وطبعها اللي اتعلمت عليه
يعني انا ما احب اسوي حساسية بيني وبين اي احد ايش ماكان جنسيتو
وبالعكس اللي يستاهل شي الله يوفقو

بـآقة جوري لكم ..~
وبسسً ^^

[دلوعة الإقتصاد المنزلي]

محبة لغموظك ,,عادي انتي قلتي
انا عارفه انو ردي بيقلب النار عليا ههههههه
لكن أنا أقولك شكرا لمداخلاتك ومرورك الغامض ههههههه
عل المهم احنا
هنا نريد عاصفة من العدالة لا ريح وتختفي
ليعم فائدتها على الجميع لا بالعنصرية أوالتفرقة والمفاضلات الغير مبهمة ..

[دلوعة الإقتصاد المنزلي]

المشاركة الأصلية كتبت بواسطة بيو كيميائية ^_^ محبة معليش دولتهم تتكفل فيهمـ ماهم سعوديين ولا جوزاهمـ أخضر وفيه سيفين ونخلة أنا ماأرضى الأجنبي ياخذ أعلى مني طيب مو مشكلة يعطونه بس أقل مني ومايحصل على مميزات أكثر مني وأنا بنت البلد

me 2

[دلوعة الإقتصاد المنزلي]

للرفع لتأكيد استمرار القضية

[عجيبة]

من جد شي يقهر حسبي عليهم لاتنسون الاحتياط اللي مثل حالتنا ينتظر المفروض انا مكان الاجنبي وان الاجنبي هو اللي يدفع بس زمن غريب