اتمنى الكل يدخل ويقرأ الموضوع لانو الفايده حتكون للكل ان شاء الله ..

[فنوو كيوت]

بسم الله الرحمن الرحيم

السلام عليكم ورحمة الله وبركاته ..

طبعا اغلب المواضيع في القسم عن تبادل الكتب ففكرت في حل كوويس بالنسبه للكل في كليتنا

فرع البنات الفيصليه بس مني عارفه لاي مكان اروح واطلب تصريح بدا الشي الفكره :

بدال ما كل وحده تنزل موضوع وتستنى فيه الكتاب او لا فكرت اتطوع واجيب ادرف اللي تنحط

فيها الكتب 5 او 6 كبير تترتب عليها الكتب تنحط في ركن معين في مبنى من الكليه ونسوي اعلان

بسيط اي وحده عندها كتب ماتحتاجها تروح عند دي الرفوف وتحط الكتب وتجي غيرها تشوف

اذا فيه كتاب تحتاجو تاخدو وكدا تكون الطريقه اسهل وكمان كل وحده رح تحط كتاب رح ينحسب

لها اجر انو غيرها درس فيه ..

اتمنى اذا اي وحده تعرف تقلي فين اقدر اروح واجيب تصريح اني اسوي دا الشي ؟

وليا ولكم الاجر ان شاء الله

[فنوو كيوت]

21 مشاهده ولا رد !!

بليز بس ابا اعرف كيف اخد تصريح عشان اجيب ادرف للكتب وبعدين اسوي اعلان اي وحده عندها كتب
دراسيه ماتحتاجها تحطها وغيرها يستفيد .

[أثير العالم]

مره حلوة الفكرة .. إن شاء الله يسمحو لك و يعطوك تصريح

روحي مكتب العميدة اللي في سكشن دي الدور الأرضي في نص السكشن تقريبا .. تلاقي السكرتيرة حقتها أسمها أ.كوثر ..

تقدري تعرضي فكرتك و تاخذي تصريح منها بعد موافقة الوكيلة :)

بالتوفيق يا رب

[ج’ـدآويهـ آنتيكهـ~]

والله بجد فكره لانو نجلس نتواصل بالفون وغير المستجدات لسه توهم يعرفو الكليه

يارب تصير دي الفكره وانا اشجعك وان شاء الله تروحي ويوافقو

[كيميائية العام]

فكرة اكتر من رائعة

[ReeeRooo]

فكرة حلوة وليها اجر عظيم وثواب كبير
راجعي الشوؤن د.رضية باحارث وشوفي اش تقلك
بس يستحسن تكون الكتب سليمة ونضيفة وخالية من الشخمطة !
انا بعاني من كتب تخصصي كيميا مافي ولاكتاب متواجد في المكتبة
يعطيكي العافية..

[كيميائية العام]

المشاركة الأصلية كتبت بواسطة reeerooo فكرة حلوة وليها اجر عظيم وثواب كبير راجعي الشوؤن د.رضية باحارث وشوفي اش تقلك بس يستحسن تكون الكتب سليمة ونضيفة وخالية من الشخمطة ! انا بعاني من كتب تخصصي كيميا مافي ولاكتاب متواجد في المكتبة يعطيكي العافية..

طبعا غالبا كتب الكيمياء المطلوبة مهي موجودة في خوارزم تلاقيها في جرير أو العبيكان أو المكتبات الي جنب الجامعة

[..SusHi..]

ماشاءالله فكرة رائعة نتمنى أن يتم الموافقة عليها .. جزاك الله خير

[مفتون قلبي]

ما شاء الله الفكره مرا حلوه
الله يسهل لك و يوافقوا