مواصفات زوجة من الخيال فل كامل

[ابوخضر]

ما عليش كنت بكتب موضوع وغيرته وما عرفت كيف أغير العنوان

أبي لي مهرةٍ ما عسفت صغيره وبنت حصان ... أبوها اللي يفك المشكلة ويزّبن الجاني
وأخوها لا تعزوى بإسمها فزّو له العربان ... يحق لها الفخر بقولت آل فلان جداني

أبيها في بحر عشرين لا زودٍ ولا نقصان... أبيها ناعسات ونرجسيه سود الاعياني

ابي رمشٍ كما ريشٍ يغطي الثلج فالاوجان ... وابي جفنٍ يشيل الرمش طربان ٍ وكسلاني

ابي خدٍ كما وردٍ تنمى في طرف بستان ... وابي خشمٍ صغير ومثل حد السيف شاماني

ابي البسمه كما البرق وثناياها كما المرجان ... وشافاها جمرتين وفنها خاتم سليماني

ابي شعرٍ مثل ذيل الفرس لي طبت الميدان ... او الشلال لامن بات ليله بين الامتاني

ابيها بنت عز من رغدها ينعم الفستان ... ابي الرقه وابي الدقه لها بطرافها شاني

ابي المشيه كما اللي طالع من المعركه كسبان ... وابيها ترش مع خطواتها مسكٍ وريحاني

ابي صوتٍ الي مني سمعته كن فيه الحان ... يدغدغ مسمعي ويثير كل السحر في اشجاني

ابيها حب واخلاص وهواجيس وفرح واحزان .... ابيها مثل ما دكتور اهالي العشق وصّاني

ابيها لوحةٍ ماصورتها ريشة الفنان ... ابيها جوهره ماجابها قاصي ولا داني

ابيها تنتصر لي من زمانٍ حطني نيشان ... وتبشر بالغلى اللي ما لفا به واحدٍ ثاني

مهرها قلبٍ وشعرٍ يهز القلب والوجدان ... والبسها القصيد وتصبح اوزاني وقيفاني

ابي اللي فات واللي فات صعب ومن لقى العنوان .. يرد العلم ولا افضل اعيش وحداني

[ابو علي]

ااااااااااااااااااااالله ابو خضرررر والله روعه بس من وين ندور كل هذي المواصفات فديتك صعب صعب ..... ولكن الله يرزقك زي هالمواصفات


جدا اعجبتني ننتظر المزيد منك اخووي

تحياتي

[smile flower]

جميلة القصيدة لكن موكانه مفرده كلها او اغلبها للمواصفات الشكلية...
الكل يحب الجمال لكني اعتقد جمال الروح والقلب يدوم طويلا ....



تحية للشاعر الواعد ابو خضر....

[الشاكي]

الله وين نحصل زي كذا

[ابو علي]

جميلة القصيدة لكن موكانه مفرده كلها او اغلبها للمواصفات الشكلية... الكل يحب الجمال لكني اعتقد جمال الروح والقلب يدوم طويلا ....

احسنت وبالرد وفقت
جمال الروح والقلب يدوم طويلا واظنه يكفيك اذا كان موجودا

تحياتي

[ابوخضر]

اشكركم جميعاً دون إستثناء
على المرور

وما فيه شك جمال الروح شي أساسي غني عن التعريف
لكن أنا أتكلم عن الماليات علشان تصير فل كامل
ههههههههههههههه



تحية طيبة معطره بماء الورد وزخات المحبة

[العاشق الساهر]

المشاركة الأصلية كتبت بواسطة ابوخضر ابيها حب واخلاص وهواجيس وفرح واحزان .... ابيها مثل ما دكتور اهالي العشق وصّاني ابيها لوحةٍ ماصورتها ريشة الفنان ... ابيها جوهره ماجابها قاصي ولا داني ابيها تنتصر لي من زمانٍ حطني نيشان ... وتبشر بالغلى اللي ما لفا به واحدٍ ثاني

هكذا دوما نريد النساء

ومع هذا نكتفي بشيء قليل من هذا

قصيده جميله وغزل أجمل للشاعر ناصر القحطاني

كنت اتمنى ان تذكر انها منقوله
سلامي

[full_moon]

ياسلاااااام فل كامل؟؟؟