|| med13 .. حياكم الله هنا للإجابة عن كلما يراودكم ..~

[Miss Dreamer]

بُسِمَ اللهُ الرَّحْمَنِ الرَّحْمَنِ

سلامُ قَوْلَا مِنْ رُبَّ رَحِيمِ ..

*

فالبداية نرحب بكم دكاترتنا الأعزاء MED13 ونبارك لكم مانلتوه ..

ألف مليوون مبرووك القبول ..!
تستاهلوا الطب والطب يستاهلكم :d

ما وصلتوا لهنا إلا لانكم فعلاً تستحقوه هذا المكان .. فأهلاً وسهلا بكم ..

*

بعد رحلة سنة من الجهد والقلق والتفكير، وصلتوا لبوابة الطب الذي لطالما حلم به الكثير ..

ومع فرحة القبول والإنجاز العظيم يتبادر في ذهن الجميع عدة أسئلة وإستفسارات عن الكلية وأجواءها، الزي، الكتب، الدرجات وغيرها .. ونحن هنا لنجيبكم عن كلما يراودكم ولنسرد مابجعبتنا من خبرة وتجربة في الكلية ..

فحيّاكم الله وبياكم ..

ومرة أخرى نبارك لكم ..

أخوانكم وأخواتكم
MED 12

[Yousef MD]

محجوز..

[عاشقة التحدي]

يا هلاااا ويا مراااحب فيكم ،، مبرووك عليكم القبول
الله ييسر لكم ويسهلكم اموركم في مشوار الطب
وزي م قالت اختنا شذى احنا كلنا جاهزين للرد على كل استفساراتكم
وان شاء الله ما راح نقصر
ومشكوورة اختي شذى على الفكرة الأكثر من رائعة

[وعودة]

مبروك قبولكم ومن جد فخورين فيكم وبوصولكم لهنا❤ سنة جديدة حتبدوها وحياة جديدة تستناكم ولا تنسو دايما السبب اللي خلاكم تدخلو الكلية بعد توفيق ربي انه كل واحد فيكم جوته بذرة خير ويحب يساعد الناس واختار احلى مجال لذا الشي :) احنا حنكون جنبكم ومعاكم متى ماحتجتونا وياللا انطلقو واتحفونا بأسئلتكم
الطب ممتع حلو يحمس بكل جوانبه
ونبغى نشوف كيف حماسكم وشكرا شذى على الموضوع ❤❤❤

[rawan.aa]

الله يبارك فيكم 😁
عندي سؤال
دحين حيكتبوا في الشهادة أني طب موازي ولا لا؟

[أهـ منك يازمن]

لا ماراح يكتبوا بس خريجة طب :) لا موازي ولا عادي كلهم واحد فى الشهادة

[إبراهيم العدواني]

طيب انا سألت سؤال ماحد جاوب كيف أحول من موازي الى انتظام وهل الموازي ما استلم مكافأة الين التخرج بما فيها سنة الامتياز والا بس أول سنة

[رهف عبدالعزيز]

حبسببباتي انتوووو مرااا فرحاننه وسعيده شكرا ربي
انا من ميد 13 وجدن فرحانه شكرا ربي
سوالي هو مت المقابله والدوره وكيف طريقتها وهل حكون لحالي معاهم ولا البنات كلهم معايا ومتى تنزل الجداول

[أهـ منك يازمن]

أبراهيم سنة الأمتياز تاخد مكافئة حتي لو كنت موازي وباقي السنين بدون مكافئة

التحويل من الموازي للأنتظام جيب نسبة عالية غالبا 3 الأؤائل على الدفعة يحولوهم انتظام

المقابلة غالبا اول يومين فى الدوام الجداول فى اول يوم كمان عن الدورة وطريقة المقابلة الاخوان يفيدوكي لأني ما اعرف كيف وضعهم فى الفرع الرئيسي

بس غالبا الدورة راح يقولوا لكم وضعها

[طبيب القلوب]

ألف مبروك لكل فرد من med 13 قبولكم في كليتنا العريقة ،، و بإذن الله تبدؤون رحلة ممتعة لمسنقبل مشرق ،، و من اﻷشياء المهمة جدا دورة تيتش مي ميديسن اللي حنتشرف احنا med12 بتنظيمها ،، الدورة فعﻻ حتكون مفيدة جدا جدا و أتمنى من الكل يحضرها ،، و استمتعوا بأحلى إجازة في حياتمم و ربنا يوفقكم ،، و أي استفسار احنا موجودين ،، و ما أنسى أشكر د. شذى على الموضوع المفيد