تجاربكم مع مادة البحث والتدريب ( كل طالبه تكتب تجربتها )

Mo0ona · 28-01-2014, 08:11 PM

السلام عليكم
بنات انا عندى استفسار اللى باقى لها 8 ساعات بس او مادتين تدفع الرسوم ولا لا ؟

sm111 · 28-01-2014, 10:10 PM

بنات انا ترم تخرج وابغى انزل مادة البحث والتدريب كيف نزلت لكم؟
رحت الحذف والاضافه وكتبت bus وسويت بحث بس نزلت المواد اللي باقيه لي بس ما لقيت البحث والتدريب
ساعدوني بليز

حنان والعقل جنان · 03-02-2014, 01:12 AM

حت انا ابغى اضيفها بس مدري كيف

طير بلا جنحان · 04-02-2014, 01:57 PM

مو راضيه تنضاف!! مين يقدر يساعدني ويضيف لي ترى أنا من برا جده وهذا ترم التخرج

7oriah_ksa · 04-02-2014, 02:43 PM

المادة لازم تضيفيها من الجامعة وأنا انصحكم اول ما تثبتوا مع أستاذة معينة على طول تتدربوا
على أساسها تقدري تكتبي البحث لأن حيكون موضوع البحث عند كل الاستاذات عن مشكلة لاحظتيها
في مكان التدريب تسوي عليه البحث أنا الحمدلله توفقت أني خلصت التدريب وكتابة البحث بدري عشان
اتفرغ لمحاضرات السنترا والمذاكرة ...
لازم تسوي جدول وتمشي عليه رتبوا وقتكم عشانكم تخرج وتجيبوا معدل حلو إن شاءالله...

الانس · 05-02-2014, 01:20 AM

الله يجزيك خير حورية ع النصيحة المفيدة نقرتين لعرض الصورة في صفحة مستقلة

من جد محتاجين أحد يوجهنا ايش نعمل
طيب مع مين تنصحينا ناخذ البحث والتدريب من خلال تجربتك ؟

7oriah_ksa · 05-02-2014, 01:54 AM

أنا اخذتها الترم الأول مع معيدة بالجامعة اول مرة تمسك البحث والتدريب
اسمها لطيفة باعشن وكانت جدا متعاونة لدرجة انها مسويتلنا قروب بالوتس
عشان نتواصل معاها وتعلمنا اذا تعثرنا في أي موضوع و اعطتني 94 مع ان احس
اني استاهل اكثر بس اكيد ما راح تظلمني ولها نظرتها في اعدادي للبحث...

orca1 · 05-02-2014, 07:56 AM

موضوع جميل

الانس · 06-02-2014, 07:27 AM

الله يجزيك خير حورية
مشكوووورة

الانس · 06-02-2014, 07:31 AM

يابنات مو ملاحظين إنه شعب البحث والتدريب
نازلة بأسماء دكاترة رجال !!

تجاربكم مع مادة البحث والتدريب ( كل طالبه تكتب تجربتها )

قسم الموارد البشرية