.. لجميع من لديه مادة "بحث تخرج" هذا الترم ولمن سبقونا بها..

[Fatema Alshareef]

المشاركة الأصلية كتبت بواسطة حلا سمير انا اقوول في مكتبه احسن بدل دووخه الراس لان ممكن تتعبي وتسويه ومايعجبهم ويكون دا اكتر شئ طلع معاكي فالمكتبه المتخصصه احسن هما يسوو بأعلى المعايير واحنا نحفظو ونقراه وندرسوو عشان نناقشو وصح اسعارهم خياليه لدرجه ألف ريال بس انو يكون متعوب عليه وتاخدي فيه الدرجه اللي حابتها وشكرا

اهلا اختي ,, وجهة نظر ,, واقدرها ,,

كل الشكر لمرورك ,,

[Fatema Alshareef]

المشاركة الأصلية كتبت بواسطة انا غلا انا انا عندي دا الترم مادة بحث وتدريب وطبعا انا افضل البحث يكون فردي وبمجهودي الشخصي ليش اعطي مكتبة الف ريال على شيء انا ممكن اعمله وابدع فيه كمان وانمي قدرتي على البحث في المكتبه .....

+1000 ,,

موفقه يارب ,,

وكل الشكر لمشاركتك ,,

[مدادالعلم]

	تم التصويت وفي نظري اشوف البحث الجماعي له رونق خاص بالتوفيق للجميع

[dhomi]

السلام عليكم

واسعد الله اوقاتكم بكل خير ورضى
واشكرك اختي الغاليه بنت جامعتي.. على طرح الموضوع

منكم بإذن الله بعد عون الله راح استفيد ... ومن هنا بأخذ نصائحكم
بإذن الله السنه هذي عندي تخرج ...ومن الان بدأت البحث والسؤال عن الطريقة الجيده لعمل البحث

فكل مااريده ان اجد ثمرة مازرعته خلال السنين الماضيه ... وبكل تأكيد لكل شيء في الوجود سلبيات وايجابيات
ومنها العمل الفردي والجماعي

ولكني وللاسف الشديد بخصوص بحث التخرج :/ من انصار العمل الفردي ..... وفي حالات خاصه جدا وبشرووط اؤويد العمل الجماعي ...

ولكن ماعندي الى الان ادنى فكره عن كيفية عمل البحث الا خطوات نظريه سبق دراستها ..
فاادعوا الله ان ييسر لي ولكل طالب وطالبه يسعى الى الاخلاص في عمله ..

اختك ام دحوووم

[اللولو]

وعليكم السلام والرحمة
طرح جميل
رأي أنا البحث الكتابي لموضوع معين أفضل أنه يكون فردي لتسلسل الأفكار والمواضيع وتناسب طرح الكلام والأسلوب
أما إذا كان البحث يشمل جزء عملي ومخرج مثل أقسام الحاسب أفضل العمل الجماعي لتنوع الأفكار والإمكانيات المختلفة لكل بنت اللي تساعد في جودة الشغل

أنا الحمد لله خلصت مشروعي كنا 5 بنات مرره استمتعت معهم الله يسعدهم ويوفقهم وين ماكانوا لأن أهم مقومات العمل الجماعي التعاون وتبادل الأفكار وعدم الإصرار على رأي فتاة بل إختيار الأفضل وهذا ماوجدته في مجموعتي

[بيو كيميائية ^_^]

طبعًا فردي الترمـ الجاي راح أنزله ومستحيل ومستحيل ومستحيل وحدة تصير معاي حتى لو صديقتي

أنا من لما كنت في مستوى خامس جاتني الفكرة وعرفت شنو راح أعمل فمستحيل أخلي وحدة تشاركني فشيء هي عمرهـا مافكرت فيه حتى



الجماعي أبدًا ماأحبه وقد جربته وكنت ليدر وكان الشغل ثلاثة أرباعه علي والبنات اللي يشتغلون قليل والأغلبية حتى مايسأل

فمستحيل أعيد الموضوع

ومن رايي المفروض الجامعات ماتسمح بعمل بحث تخرج جماعي عشان إذا كان فردي راح تظهر المواهب

[*nar*jes*]

من وجهة نظري انا ارى ان البحث الفردي افضل لانه ينمي مهارات الطالب/هـ
ويساعدها على الاعتماد على نفسها ...
انا ابتعد دائما عن العمل الجماعي خاصة في بحوث للمواد او التخرج لانها عبارة عن اظهار وجهة نظر واحدة واعطاء حل لمشكلة من شخص واحد وليس اكثر من شخص

اما الاعمال الاخرى فتكون جماعية ....

[al_7arbi]

بالنسبه للكليات العلميه ممكن الوضع يختلف شوي

يعني أنا طالب في >>>> كليه العلوم - قسم الكيمياء

عندنا ..... 1) مشروع بحث 2 ) تدريب ميداني

بالنسبه للأول ... مشروع بحث ... يكون حسب أقسام الرئيسيه للكيمياء (عضويه ، تحليليه ، فيزيائيه)
و تكون حسب القسم إلى إنت منتهي منه و يعملون قرعه بين الطلاب و يكون كل طالب عند الدكتور المحدد له ..
طيب وش يسوي عند الدكتور ؟؟
كل دكتور في القسم له معمل خاص فيه للأبحاث الكيميائيه .. و يكون الطالب مع الدكتور يساعده في المعمل و يعطيك بعض التجارب تشتغل عليها و تعمل لها تقارير و الفايده تكون للطالب أولا ثم للدكتور ..
ملحوظه : ممكن مشروع البحث يستمر لسمستر واحد أو أكثر ..
في نهايه مشروع البحث >> تقوم بتسليم تقرير كامل عن التجارب إلى أشتغلتها و تكتب كل شيء فيها و تسلمه للدكتور ..




و بالنسبه للثانيه ... التدريب الميداني ... يكون العمل خارج أسوار الجامعه في أي شركه من الشركات ..
يعني يقوم الطالب و يجيب خطاب من أي شركه إنهم موافقين إن الطالب يتدرب عندهم .. بعدين الجامعه تعطيك أوراق توديها للشركه و تحدد مده العمل و عدد الساعات ..
بعد ما تخلص التدريب يقيمونك الشركه حسب شغلك و حسب مواضبتك في الدوام ... إلخ
و يكون تقييم الشركه من 40 درجه ... يقوم الطالب بأخذ التقييم (( بدون ما يعرف الدرجه يكون التقييم تبعك في ملف مقفل بالشمع و مختوم يعني ما تقدر تفتحه )) و يروح يعطيه الجامعه
و بعدين رئيس القيم يعمل قرعه للمناقشه عند أي دكتور من القسم و تكون المناقشه عليها 60 درجه .. يعني كمله 100 ...




هذا و صلى الله و بارك ..... و إن شاء الله إني أضفت معلومات جديده لكم

[Fatema Alshareef]

dhomi _ اللولو _ بيوكيميائيه _ nar*jes* _ al_7arbi

شكرا لمروركم الجميل وإضافاتكم التي أثرت الموضوع ,,,