استفسارين للايام الجاية

[جامعي تحضيري]

الاول .. هل النسبة الخاصة للكليات اللي فيها مقاعد شاغرة انتظام وموازي ممكن تنزل يوم 23 شوال علما انو نسبتي العامة اعلى من اقل واحد انقبل في الانتظام والموازي

ثانيا .. لو ما رح تنزل متى رح نبدا نسجل جداولنا ونختار التخصصات في الكليات اللي اتسكنا فيها ؟؟

وشكرا

[Effat AlGhamdi]

حبيت اساعدك بس مافهمت السؤال الأول
اما بالنسبة لسؤالك التاني ف على حسب الكلية في كليات يكون اختيار التخصصات يدوي بداية الترم وبعضها يكون من الاودس حيفتح بدوام الموظفين والجداول بعد ما تختار تخصصك حتسوي جدولك من الاودس وقت ما يفتح الحذف والاضافة

[جامعي تحضيري]

كلية الادارة والاقتصاد متى نختار التخصص والجدول

انا ابغى اقتصاد يعني بدون سنة ونص عامة

[Effat AlGhamdi]

الاقتصاد والادارة عندنا التخصصات يدوية بس مااعرف عندكم الاولاد زينا ولا لا وتخصص الاقتصاد انت متاكد انو مافيه سنه ونص عام لانه انا اللي اعرفه بس اداره مستشفيات اللي من غير سنه ونص والجداول اول شي شوف الخطه حقت التخصص وشوف المواد اللي تبغا تنزلها بعدين ادخل ع الاودس وشوف اذا فتح الاضافه والحذف اذا فتح يصير خلاص نزل المواد اللي تبغاها وسوي جدولك واذا لسه مافتح تابع الاودس

[Effat AlGhamdi]

اول ما يداموا الموظفين هم يداوموا قبلنا باسبوع روح عندهم واسال عن التخصص ويكون التخصص من عندهم يدوي مو من الاودس

[جامعي تحضيري]

الموظفين بيداومو يوم الاحد بعد بكرة

بس انا حاليا في الدمام وما حرجع جده الى يوم 25 شوال ان شاء الله

ايش الحل

خايف يروح عليا التخصص

ياارب يخلوه من الاودس ونرتاح 😟😟

[Effat AlGhamdi]

لا مو بعد بكرة بعد بكرة داوم الادارين لكن كدوام الدكاترة وكذا الدوام الرسمي قبلنا باسبوع يعني يمديك ان شالله لمن ترجع بالسلامة تروح لهم ولا تخاف ماحيروح عليك شي لانه حتى بعد دوامنا نحن الطلاب اسبوع كامل للحذف والاضافه والتخصصات وكذا يعني تقدر تزبط وضعك بس كل ما روحت بدري كل ما كان افضل طبعا عشان تضمن لك مكان

[جامعي تحضيري]

كيف كدا ؟؟

[جامعي تحضيري]

ابغى احد يقووولي الكلام الصح.. بعد ترم وﻻ مباشر ^^

ﻻني شفت الخطة تختتلف من المستوى الثالث !!

[Effat AlGhamdi]

اسمع خذ كلامي الاكيد وعلى مسؤوليتي لا تقعد تسال ف كل مكان وتلخبط نفسك لانه كل واحد حيقلك كلام وترا اللي يشتغلو ف نفس الكلية احيانا يصرفولك هروج وهيا اصلا غلط وانا صارت معايا مرة كثير يكونو نفسهم شغالين ف نفس الكلية ومايعرفو ويتفلسفو ويطلع كلامهم غلط ونتورط انت دحين اول شي شوف ايش التخصص اللي تبغاه بينك وبين نفسك من غير تسجيل ولا شي لمن خلاص تتم ع شي ادخل شوف الخطه حقتهم ونزل المواد اهممممم شي تسجل المواد تسجيل المواد اهم من انك تتخصص لانه ممكن تقفل عليك الشعب نزل المواد بعدين لمن يدامو الموظفين اظن حيداومو اخر اسبوع ف شوال لانه نحن دوامنا اول اسبوع ف ذو القعده مني متاكده من المواعيد المهم انو الاسبوع اللي قبل ما نداوم نحن فيه روح لشؤون التعليمية حقت الكلية وقلهم انا ابغا تخصص ادارة مستشفيات وهم حيخصصوك او حيقولولك الاجراءات اللي لازم تسويها اداره مستشفيات يدرسو ترم عام بس يكونو متخصصين مو زينا نحن يكون اسمنا مستجد اعمال هم صح يدرسو عام بس اسمهم ادارة مستشفيات انا قلتلك لاتخاف لسه بدري يمديك ترجع بالسلامة ان شالله وبعدين تتابع الموضوع ومحيروح عليك شي لا تخاف انا اول ما كنت بتخصص كنت زي كذا خايفه ومتوترة بس بعدين ندمت ع كل الوقت اللي ضيعتو ف الخوف والقلق