بنات بخصوص الجداول

[Nada Zah]

السلام عليكم ورحمة الله وبركاته
كيفككم بنات ان شاءالله الكل تمام

المهم ..
انا نزلي التخصص وبما انو نزل التخصص قالولي مااختبر اليوم
قلتلهم بس الجدول مانزلي قالولي روحي للشؤون التعليميه رحت سألت قالو روحي لقسمك "تصميم داخلي " واسألي هناك رحت سألت
قالو اطلعي فوق طلعت فوق قالولي مافي احد ورررربي مررررا تعبت ونرفزوني

مين عندها نفس المشكله؟ وايش نسوي؟ ومتى نروح؟ ولمين نروح؟
والله تعبت حتبدأ الدراسه ونحنا ماسوينا شي ايش دا

[Eng_sara a7mad]

مقدر افيدك انششالله احد غيري يقدر يساعدك
تقبلي مروري عزيزتي

[قمركم]

لا تقلقي راح تنحل المشكله باذن الله اليومين الجايه .. لسه الناس متلخبطهـ ..
والاسبوع الاول للجامعه كل الناس فيه تبغا ترتب وضعها وتشوف جداولها ..
فـ تعالي بكره وانتي كلك تفاؤل واجتهاد والله بيسهل امركـ .. موفقه حبيبتي

[Nada Zah]

المشاركة الأصلية كتبت بواسطة dmoa مقدر افيدك انششالله احد غيري يقدر يساعدك تقبلي مروري عزيزتي

تسسلمي حبيبتي ان شاءالله
اسسعدني مروركـ

[Nada Zah]

المشاركة الأصلية كتبت بواسطة قمركم لا تقلقي راح تنحل المشكله باذن الله اليومين الجايه .. لسه الناس متلخبطهـ .. والاسبوع الاول للجامعه كل الناس فيه تبغا ترتب وضعها وتشوف جداولها .. فـ تعالي بكره وانتي كلك تفاؤل واجتهاد والله بيسهل امركـ .. موفقه حبيبتي

تسسلمي حبيبتي
ان شاءالله اروح اليوم واشوف ايش يقوولو ليا

ربي يوفق الججميع ..

[shosho_ana]

حتا انا نفس الشي وقالولي زيك والقسم قللي لازم الشؤون تنزلك المواد ورحت الشؤون لقيت المكتب مقفل بعدين بعد ماخلصت من المسرح واليوم الارشادي الي سووه عالساعه ١٢ كدا لقيتهم فكو المكتب ودخلت وسألت وقالو مو من عندنا بس اكتبي اسمك فورقه ومشكلتك وحنشوف كيف احنا والى الان ماسار شي إن شاء الله بكرا حروح واشوف ايش الهرجه ،،

[Nada Zah]

المشاركة الأصلية كتبت بواسطة shosho_ana حتا انا نفس الشي وقالولي زيك والقسم قللي لازم الشؤون تنزلك المواد ورحت الشؤون لقيت المكتب مقفل بعدين بعد ماخلصت من المسرح واليوم الارشادي الي سووه عالساعه ١٢ كدا لقيتهم فكو المكتب ودخلت وسألت وقالو مو من عندنا بس اكتبي اسمك فورقه ومشكلتك وحنشوف كيف احنا والى الان ماسار شي إن شاء الله بكرا حروح واشوف ايش الهرجه ،،

وانا كمان حروح ان شاءالله

[Eng_sara a7mad]

الله يسهل عليكم طمنونا

[Nada Zah]

بنات رحت للكليه اليوم وقالولي نفس الي قالو امس
كلمت الشؤوون قالو روحي لقسمك رحت للقسم قالو استني لسا

وربي تعععبت والله طريق ومشوار مررررا تعب في النهايه مانحصل منهم شي
حسبي الله ونعم الوكيل فيهم مرمطونا وررربي

ووحده من البنات تقول انو اليوم كمان في اختبار
والله مو فاهمه شي ولا عارفه ايش اعمل مع دي الكليه :(

قد ماحبيت دا القسم قد ماحسيت اني كرهتو من سببهم
ياارب صبررككك