لله يا محسنين ...!

[كن صديقي]

بسم الله الرحمن الرحيم

السلام عليكم ورحمة الله وبركاته



اول موضوع لى في منتدى المحبه والاخوه بدء شغل النصب من اولها لا تراني جاد ومن جد تراني محتاجكم معي المهم قصتي طويله ابختصرها حبتين يا جماعه انا متخرج من الثانويه الصناعيه سنة 1417هـ - 1418هـ المهم قدر الله على وكملت بالكليه التقنيه بس حسيت ان الكليه التقنيه مثلها مثل الثانويه الصناعيه وطلعت منها و قررت اشتغل وبعد ما اشتغلت حاولت اقدم في كذا جامعه من ضمنها جامعة الامام قابلني واحد من الشباب قالى ايه هين اذا قبلوك المهم كنسلنا جامعة الامام علما اني كنت في المنطقة الشرقيه وجامعة الامام اللى بالاحساء اللى كنتاتكلم عنها عموما عشت حياتي ونسيت الجامعات والكليات وبعد فتره رجعت الفكره مره ثانيه قبل سنتين وكل ما ادخل على الموقع حق الجامعه يا انهم منتهين ( يعني فات التسجيل ) المهم وكل سنه عن سنه تصير مشكله واخر الفلم مات البطل اسف احسبي اناظر فلم هندي يا اخوان القصه كلها ابي احد يعلمني وش اسجل فيه ومتى وعلى فكره لا احد يقولي رح ولا تعال ولا ادخل الموقع الفلاني انا يالله يالله تعملي كروكي وعلى فكره كل هذا ابيه لي مستقبلا وللعمل ثانيا وتكفون تكفون لا احد يمر على الموضوع ولا يرد .

س/كم قال الكاتب( المهم) بالموضوع كامل
الجائزه عن المشرف

ابي ردود بعقلانيه


ايه صح نسيت اقولكم شئ علشان نصير اصدقاء ابي توقيع يبلص = بالقصيمي = يلمع

[العلم والعالم]

بعد إن شاء الله ست شهور أو أكثر شوي خلك متابع لهذا المنتدى

وأبشر من يكون صديقك وزميلك كمان وتراي بجنك أقولك متى الجامعة تسجل ولا تشغل العالم هنا



إيه نسيت أقولك ترى الموافقه للأنتساب إغسل يدك منها والحمد لله اللي أنا فلت من ؟؟؟؟؟؟؟؟ المجمع في ذاك المكان


تقبل مرور يا أبو ؟؟؟؟؟؟؟؟

والجائزة أقوم فيها لكن ترى الفطور عليك باكر

[ابوفيصل 86]

اخوي مع الأسف بتجيك نفس الرساله (( منتهين )) يعني فاتك التسجيل .. بالتوفيق بداية العام القادم .

[al-3mri]

وش تخصصك في التقنية

[algala116]

انشاللة في شهر4 أو 5 /1430 اذا اللة عطاك وعطانا عمر ..وبالتوفيق

[كن صديقي]

يا جماعه الف شكر على من مر على موضوعي واقول لحبيبنا العلم والعالم مكانك بالقلب يا بعدي والبقيه بالشرايين عموما الف الف شكر مره ثانيه وأسال الله عز وجل ان يرزقنا الفردوس الاعلى من الجنه


في امان الكريم الى مواضيع ثانيه

[*بنت روحي*]

ابو عبد الملك

التسجيل of لأسف

بعدين عندي خبر مش اوكية

السنة هذا قبل الانتساب شهادة الثانوية 1418\1419 وما فوق

وانت خريج قبلها بسنة تأكد لا تنظر يفتح السنة الجاية وبعدين ما تقدر تسجل

اسأل واستفسر عن كذا جامعة حتي بجامعتنا خذ معلومات اكيدة

بالتوفيق