حسبي الله عليهم

[طالبه940]

بسم الله الرحمن الرحيم

السلام عليكم ورحمة الله و بركاته
إنآ طآلبة إنتسآب يعني وآلله العظيم مآيصير آلظلم إللي عندنآ آنآ تعرضت لـظلم ؤ قذف ؤ تشويه سمعه و فصل ؤمستقبلي كذآ رآح بسبب كذبه من آلآمن الله لآيسامحهآ و دكتور آسآمه طيب كآتب آي ظلم ؤ آي شيء تبغوهـ ارسلولي ع الإيميل وآتكلمؤ بحريه وآنآ آرسلتلو تقريبا 3 رسأئل إيميل وآرسلتلو كمآن 4 مرات فاكس وآتصلت عليه فوق 10 مرات ؤآرسلتلو آؤرآق عن طريق البريد للمكتب ونزلت موضوعي للمنتدى ولآشفت آي رد كنت آرسل إيميل مآجآني رد آتصلت قالي السكرتير أعطيني اسمك و رقمك وأنا أبلغ الدكتورإذا جاء و ماجاني رد اتصلت زميلتي مرآ ثآنيه قالها الدكتور عنده اجتماع قالتله طيب أنا أرسلت بريد وماجاني رد عليه قالها البريد يا أختي محد يفتحه طيب ليه فاتحينه كذه بس وحاطينه في المنتدى موضوع مثبت قال تبغي شيء من المدير آرسلي فاكس يوصله و يقراهـ ع طول قالت طيب أعطيني رقم الفاكس و اعطاها و راحت و أرسلت فاكس يوم الأربعاء استنيت ل يوم الأحد ماجانا رد أتصلت أنا قلتله أنا أرسلت فاكس آبغى أعرف وصل ولا لا قالي ب اسم مين و آعطيته قالي إيؤه وصل بس ما تم الرد عليه ياريت يا أختي تعيدي ترسليه قلت طيب أرسله مره ثآنيه وكلمت زميلتي ع أساس ترسله أنا ماعندي فاكس أرسلته و ع طول اتصلت قالي الموظف دقيقه استني آشوف وقفل الخط صرت اتصل اتصل مره مشغول مره والله عيب إللي يسوه
اليوم الثاني اتصلت سألت عن الفاكس قال وصل و إحنا نحاول ندخله ع المدير و يقراه قلت طيب استنيت وجلست ع أعصابي بعد يوم اتصلت قلتلو أنا أرسلت فاكس ؤآنت أمس قلتلي الفاكس عند المدير إيش ألرد قالي بعد الظهر اتصلي ونقولك إيش صار اتصلت زميلتي بعد الظهر أنا ماقدرت كان عندي ظروف و قالها النظام عندنا عطلان اتصلي ع 2 ونص و اتصلت 2 ونص قالها النظام مؤ راضي يشتغل آقولك أختي آرسلي فاكس مره ثآنيه ليه يعني يلعبو فيا قالتله لو سمحت أنا أرسلت مرتين فاكس مايصير يعني وأنت قلتلي المدير يشوفها طيب ليه ما شافها و قال الرد قال أسف يا أختي بس آرسليهآ أرسلتها كمان ونفس الشيء ماصار أي حاجه واتصلت و قالي آرسليهآ كمان قسسم بالله مايصير ذا الكلام إحنا ناس نحس أوادم أرحمونا وربي ماياخذ منكم وقت كم ضغطه ع الجهاز وخلاص قالي شوفي يا أختي يمكن المدير مايهتم للفاكس لأنها ورقه ماراح يعطيها أي اهتمام ممكن يشوفها و يرميها وممكن يشوفها ولا يسوي فيها شيء طيب ليه يعني حطو نفسكم مكاني حسو ب المعاناه والظلم و المذله إللي صارلتلي لو إنا سويت شيء ما كان أتصلت فوق 10 مرات وارسلت لك ولا جآلسه أطالب ب حقي ما آبغى شيء بس آبغى أكمل دراسه و قال أحسن لك ترسلي أحد من أخوانك ولآ ابوك وتقابلوهـ هوا يستقبل المراجعين كل سبت بعد الظهر قلتلو إنا بنت مستحيل آجي في قسم الرجال وثاني شيء آبويآ رجال تعبان مايقدر يروح و يجي وأخويا واحد بس و مؤ موجود طيب مين أرسل قالي الله يعينك وأنا لو أقدر ع شيء ساعدتك آنآ قريت كل القصه والله يكون معآك و بصراحه أول مرهـ تمر علينا مشكله زي كذا
بعد يوم اتصل قالي شوفي ي أختي المعامله لاتتصلي مرآ ع تلفون المكتب تبغي شيء آرسلي على رقمي هنا زي يصرفوني وقالي المدير حولها للعميدهـ راجعيهم وإرسلي رقم آلمعآمله قلتلو إيش كتب عليها و كدآ قالي مكتوب مع التحيه قلت يعني آدآ قالت آلعميدهـ إوك يعني آؤك وإذآ لآ يعني لآ قال إيؤهـ قلت ليه طيب قال النظام نظام النظام آنكم تظلمو الطالبات وأستاذ آسآمه وعد الكل انو يوقف معاهم إللي آنظلمو وقال إدأ مأفاد مرآ معاهم آرسلي ذا المعروض للآمارهـ وآن شاء الله يكونو معاكم
طيب ليه يعني آلهرجه كذا هوا قال راح يساعد طلابوا فين المساعدهـ قسسم بالله ذا شيء مايرضي الله في قسم النساء ما اعطوني أي فرصه أتكلم آلعميدهـ تقول آنتي موضوعك خالص وتقول اطلعو برا إيش تبغى نسوي ليه خالص أحنا ما سوينا شيء ومافي أي شي علينا يثبت آنؤ كلامهم صحيح مؤ رآضين يصدقو 1 % آنؤ كلآمنا صح وآلآمن حسبي الله عليها جآلسه بتكذب وتتهم فينا في شيء مايرضي الله أحنا بنات ناس ومحترمين من قبل ندخل آلجآمعه وعارفين إيش يعني ذا الكلام و أنا مارجعت للمدير إلآ وأنا محتاجتو يوقف معآنآ و يساعدنا النساء مايخافو الله كيف نراجعهم و هما مؤ رآضين يدخلونا من أساسو سحبو البطايق و كل شيء مننا و سوؤلنا فصل ليه ذا كلو
وحدهـ من الطالبات نفس الحكايه صارتلها وسوؤلها مجلس تأديبي كانت قبلي قابلتها في الانتظار قلتلها إيش مشكلتك قالت زيكم و قلت ؤإيس قالولك قالت عادي اليوم الثاني اخذ البطاقه آعطوها بطاقتها ولا كانو شيء صار طيب ؤ إنا
انتو شآيفين الظلم كيف النظام انهم يرجعو طالبه وثنتين لآ قولولي فين العدل هنا والله العظيم جالسين يقولولي كلام أنا استحي أقولو و ذا من وحدة التوجيه التربوي سميرة قطان إذآ وحدة التوجيه التربوي المحترمه والله ثم والله ثم والله أنها تقول نزلي تنورتك خليني آشوف إيش تبغوا أقول وإيش تبغوا آسوي ف شيء مصيبه زي كذا الله لإيوفقني آنؤ ذا كلامها كذا ودا غير الكلام الباقي الحلو إللي سمعته طيب إذا وحدة التوجيه التربوي بتقول كذا إيش تسولها عادي صح طيب إذا الطالبه غلطت إيش تسوؤ لها تعهد مجلس تأديبي و ع حسب إذا عجبتهم البنت خلوها إذآ لآ فصل والبنت وحضها يمكن مؤقت يمكن نهآئي بس أنا مارديت عليها بنفس أسلوبها لانو آلحمدلله متربيه و ما أنزل نفسي للمستوى إللي تتعامل فيه مع الطالبات وخلوني أوقع ع أوراق مدري إيش هيا أخت وحده من زميلاتي قالتلي كذآ أثبتي ع نفسك كلامهم ماكان وقعتي طيب أنا ياناس لنا أسبوع في آلجآمعه بس أو اسبوعين إيش عرفني ب نظامهم وحركاتهم ذي و الأمن ربي حيوريها. وحيوري كل وحده ظالمه في آلجآمعه حسبي الله عليهآ و ع كل وحده ظلمتني في جامعة الملك عبدالعزيز وحرموني من دراستي وضيعو مستقبلي عشآن كذب من الأمن و خربو سمعتي قدام الأستاذات وقدام زميلاتي والله ما أسامحهم و لا أحللهم لـ يوم القيامه آحنآ آلحمدلله عندنا شهادة حسن سيره و سلوك في جميع مراحل الدراسه و كنا من الطالبات المتميزات في كل شيء و آلحمدلله السلوك 100 % ولا عمرنا كتبنا مخالفه ب شيء آخلآقي آلحمدلله وبنات نـآآآآآس محترمين ولا عمر أحد كلمنا ب الأسلوب ذا كل الأستاذات و الطالبات والكل الكل يتكلمو معآنآ ب إحترام لأنو محترمين أنفسنا قبل كل شيء في 12 آلسنه إللي درسناها يعني دحين بعد 12 سنه راح أغلط
إحنا واثقين من أنفسنا آلحمدلله وإللي واثق من نفسو مايخاف من شيء
المهم إذا جيت أتكلم معاهم في قسم النساء قالو عندنا خبرهـ مدري كم سنه نسيت بالضبط قالت كم قلت خبره و تظلمونا جلست أبكي أترجاهم باقي شويآ وابوس رجولهم حسيت ب الذل معاهم والاهانه ليه كلل ذآ ليه أحنا إيش سوينا حسيت نفسي وحده مجرمه وما أخاف الله والله ماسوينا شيء ماراح أحلف كذب
وآمن آلبوابه جآلسه تقولي قدام البنات آنتي كان عندك مجلس تأديبي قلتلها إيؤآ قالت آنتي مفصوله ترمين نهآئي ماتدخلي آلجآمعه ماقدرت اتحرك من مكاني جلست أبكي ب قهر و ظلم و ذل قدام الكل سحبتني زميلتي وجلستني في الانتظار و طحت من التعب أنا والله أحب الدراسه عندي طموح أكمل بس ذولا مايرحمو الواحد يكرهو الواحد نفسه يكفرو فيه وربي الكفار ما أتوقع يسؤو كذآ
حاولت أتواصل مع المدير بس مافي أي فائده
بعد فتره زميلتي فتحت الأودس مكتوب فصل نهائي من آلجآمعه قرار تأديبي يعني حتى كذبو علينا قالو ترمين
والله ذآ ولآ شيء من إللي صآرلي
كل وآحد يقولي لو عندك واسطه تمشي أمورك طيب وإللي ماعنده واسطة و مظلوم إيش يسوي يرضى ب الظلم وآلآهانه و الذل بعدين أنا ما أحب شغل الواسطه ذا
أنا قلتلهم ما راح أسكت عن حقي و عن الظلم إللي جالسين يسوه في قسم النساء وقلت راح آكلم دكتور آسآمه هوا يتفاهم معاكم وماراح يخيب أملي و يرجعنا نسيت مين والله بس وحده قالت ذا إذا صدقك هوا حيصدقنا إحنا
ما آبغى ولا شيء وخلاص رآضيه ب كل شيء صار نسيت كل شيء بس أهم شيء الدراسه
قسم بالله راح تفرج هم على قلبي زي الجبل مؤ قادره لا أنام لا ليل ولا نهار نفسيتي آقل شيء أقدر أقوله دمـآآآر أتعب من جوه والله اتقطع كل ما أمر من عند آلجآمعه ولا أحد يتكلم عن آلجآمعه ولا زميلاتي تخصصو و خلاص وأنا باقي مأخلصت تحظيري
طول وقتي أفكر ب إللي صار كيف الأمن قدرت تنام وهيا حرمت طالبتين من الدراسه لهم أسبوع في آلجآمعه
تخيلوا كنت لسآ أول أسبوع أو ثاني أسبوع أداؤم للجامعه

الله يفرج همكم يأرب و ينور عليكم في الدنيا والأخره و يزيد من علمكم إللي عندؤ حل في الجامعة يقولي يعطيني آي شيء

قولولي إيش آسوي إللي عندؤ خبرهـ في شيء كذآ يقولي
وآنؤ قالولي ترمين وكآتبين نهآئي في الأودس إيش يعني ممكن الترم الجاي أقدر أكمل ولا لا

و شكرا

[dr.ro0ody]

امممممممم حياتي في كلام كثير مافهمتوا
بس ممكن تقوليلي المشكله الي حصلت معاكي بالضبط مع الامن نفسهم وظلموكي في ايه بالضبط
عشان البنات يقدروا يساعدوكي

الله يعينك قلبي وراح تفرج بإزن الله

[alba3m]

لا حول ولا قوة إلا بالله

معقولة في كذا ؟؟

طيب يأختي أشرحيلنا مشكلتك أكثر أمكن ربنا يقدرنا ونقدر نساعدك

حسبي الله عليم

[معارج]

السلام عليكم

انا راح اعطيك كلامي من باب انه انتي ان شاء الله بريئة من كل التهم اللي بسببها انفصلتي انتي وزميلتك . لان كل تهمه تخص العرض والشرف والاخلاق , المتهم بريء منها حتى يحضر من اتهمه شهود (بمقدار العدد المطلوب في الاسلام ) وفي حالتك , الموظفة كلامها مردود عليها وكان المفروض تعاقب لانها وحدة وشهادتها لاتكفي , وحتى لو كانت صادقة يفترض انها تعاقب حسب ماينص عليه الشرع ( واللي اتمنى انك تسعي فيه).

يا اختي الله ينصرك على من ظلمك ويعوضك خير . ما عرف اهلك ليش ساكتين الى الان , وماتحركوا . اتمنة ان انتي صارحتيهم بكل المشكلة .

لكن المفروض ما تسكتي , اقولك ليش / هيا مو بس فصل من جامعة انتي سوولك فصل تأديبي وطعنوا في شرفك يعني الكلام دا بياثر عليك طول عمرك .

ويا اختي الشرف والعرض أهم شي , بدونه الانسان ما يستحق يعيش .

المطلوب منك : عدم السكوت نهائيا . حتى لو وصلتيها للأمارة والمحاكم . لان قضيتكي مو بس فصل لا فيها عرض وأخلاق .

أول شي أتمنى أن اسم موظفة الأمن يكون معروف عندك , لان اول شي راح تسويه هوا ترفعي عليها قضية قذف وطعن في الشرف.


ثاني شي : سميرة قطان وكل من غلط عليك بكلمة تمس عرضك وشرفك , لحقيهم بموظفة الأمن وارفعي عليهم قضية قذف وطعن في الشرف +ارفعي فيهم خطاب لوزارة التعليم العالي على انهم فصلوك بدون اي تحقق من السبب .

ثالث شي : بالنسبة لأسامة طيب , لا تقولي لي انا بنت ما بغا أروح قسم الرجال , لا ياحبيبتي أنتي كبيرة وفاهمه روحي له بنفسك الموضوع مو سهل وما انصحك تسكتي ,اعطيه فرصه يحل الموضوع ويعاقب كل اللي اعتدوا عليك وطعنوا فيك ويرجعك بسجل نظيف , ويسوي لك رد اعتبار . اذا ماتجاوب ياعزيزتي أعطيه العلم أنك راح تصعدي الموضوع والصحافة راح تعرف وترفعي قضية على كل الاطراف وهو من ضمنهم , وراح ترفعي تظلم عند الإمارة .
اذا بعد كل هذا ماتجاوب معاكي بكل الشروط اللي فوق ( لايكون هدفك بس ترجعي دراسة , خلي هدفك رد الاعتبار وتبرئة سجلك من الفصل التأديبي) , اذا ماتجاوب الله يعينك سوي اللي قلت لك عليه , اتجهي للقوة .

اتجهي الى الامارة وارفعي تظلم على كامل القضية من الفصل التعسفي لاصغر شي من طقطق للسلام عليكم .
ثم روحي الشرطة / المباحث ارفعي قضايا / قذف وطعن في الشرف . على كل من طعنك .


خذي حقك منهم بالقانون وبالقوة , لا تسكتي عن حقك , الدراسة مو اهم شي , عرضك وشرفك أهم .

ورجاء حار جدا


موظفة الأمن : لا تتراجعي عن قراراك لابد أنك ترفعي عليها قضية قذف وطعن في الشرف , في كل الاحوال حتى لو اسامة تجاوب وسوالك الي تبغيه , هذي القذرة لابد تتأدب.

والله يساعدك , طبعا انصحك قبل كل شي تقوي قلبك وتتوكلي على الله .

مهما اخذ الموضوع منك جهد ووقت ,, لا توقفي الى ماتاخذي حقك لاخر قطرة .

لا تتهاوني وتنسي الموضوع , لان وربك العرض غالي والظلم على اللي ماله حيله يقتل . اذا انتي سكتي شوفي كم بنت راح تتعرض لنفس الشي .

[o,O]

كبري خطك واختصري في المشكله

لان المنتدى يدخل فيه كثير من المسؤولين في الجامعه

وممكن يفيدك

[Beauty girl]

السلام عليكم....
أنا جدا متفاعلة لموضوعك وحزينة في نفس الوقت لأني صراحة ما أحب الظلم
وثانيا: أنا صراحة مافهمت إيش المشكلة بالضبط لكن حسيت أنو الموضوع كبير
من خلال كلام "معارج" لأنه في طعن وشرف واتفق مع أختي معارج لاتسكتي عن حقك
مهما وصل الموضوع أول شي لازم تقولي لأهلك لأنك لو ماقلتي لهم حيصعب عليك
الموضوع ودام مافي رجل عندك أنتي البسي عبايتك وروحي اطبعي الكلام اللي
لقيته في الاودس وضبطي ملفك وسوي نفس كلام معارج ....والله يكون بعونك
تذكري: أن لاملجأ من الله إلا إليه...وأنه بيده كل شئ وخلي عندك يقين... والله لايحوجك لأحد...
وأدعي عليهم ترى اللي مايخافون الله كثير...





####ضاقت فلما استحكمت حلقاتها#فرجت وكنت أنها لاتفرج####

[روووني]

لا تسكتي على حقك أبدا مو اول مره موظفات الأمن يكدبو على لسان البنات وانتي بسكوتك تعاونيهم سوي اللي قالت عليه معارج وراسلي الجرائد عشان يخافو ويحلو مشكلتك وموظفة الأمن دي قذفتك ليش تسكتيلها؟ اشتكيها من اليوم لبعد عشره سنين ان شالله في ناس لازم تتعاقب عشان تسير تخاف ربها
أتمني انك تكوني قويه في الحق وما تسمحي بالغلط انو يستمر وموظفة الامن والمسؤوله سميره لازم يوقفو عند حدهم لانو في تمادي كبير في الجامعه بالزات من سميره وجربي ترسلي إيميل للعميده هناء النعيم تراها ترد ع الايميلات وكتير يمدحوها
وأخيرا الله يقويكي وينصركي

[طالبة منحوسة]

والله مافهمت ايش المشكله عشان نساعدك لكن اذا انتي زي ماتقولي بريئه وصليها ونا اختك للحكومه روحي اقرب فرع للشرطه ولا عليك من اي مسؤل او موظف بالجامعه خليهم يرقدون باجتماعاتهم

[مينو موون]

أهم شي زي مانصحتك الأخت
أختصري دأيما
ووضحي مشكلتك في نقاط

[مينو موون]

وارفعي عدة خطابات ،، واهتمي بصياغة المشكلة
وبلورتها عشان الي يقرا السطور الأولى يفهمك
ولا تتأخري كثير ألين الناس تقفل ملفاتها وتنسى
وربنا يبرئك ويعوضك خير