تجمع med14 تمريض + ممرضات الدفع السابقه ((=

[عذاري السمروات]

المشاركة الأصلية كتبت بواسطة nr.wafaa ان شاء الله تكون سنه ممتعه ،، حتى أنا حاسه انها حتكون سنة ممتعه والكل شاد حيلو عشان التحويل شكلو نسب التحويل حتكون ناااااار عندي شوية أسئله لممرضات الدفعات اللي راحت // ـ دحين أول يوم نداوم صح؟ ونروح مبنى8 ولا ؟؟ - وكمان سؤال تاني ، ماندخل غرفة تشريح ؟؟ *مره نفسي ادخلها* - اللابكوت نلبسو من أول اسبوع ؟؟ والسكراب ضروري يتلبس؟ وايش لونو ابيض !! - اخر سؤال ايش تنصحونا عشان نقدر نجيب معدل عالي ونحول لطب ؟؟ ومعليش كترت أسئله

ج1 :
ايوه يا غلا أول يوم تداومي في مبنى 8 اللي هو تبع كلية التمريض ، تداومي عشان بعض الدكاترة يعطوا محاضرات ( على اساس انتي دحين في كلية الطب يعني مو لازم دلع التخصصات الغير طبيه انو مو من اول يوم يبدؤوا )
ج 2 :
الا عندك مادة اسمها أناتومي بس ما تشرحوا الجثث اللي حتعملو دكتورتكم انو ( تشرحلكم على الأعضاء ) ، و ازا انتي متحمسه عاد كلمي الدكتورة حقتكم انو نفسك تشرحي و ان شاء الله تخليكم ( أفتكر انا قولتلها قالتلي طيب بس كنا على نهاية السمستر فما كان فيه وقت ) .
ج 3 :
ايوه أحلى شي تلبسيه عشان تحسي ب الانتقاليه ، مو لازم تلبسي السكراب بس الافضل انك تلبسيه لراحتك ( مررره مريح ) ..
و السكراب لونو ابيض و لازم في المستسفى تلبسي ابيض ، لكن لمن تكوني في الكوليه عادي تلبسي اللون اللي يعجبك .
ج 4 :
زاكررررررررررري كووووووووووووويس و ب أمانه عشان توصلي لهدفك ..
صحيح هي المواد دسمة شويه و حتحسي بضغط مو طبيعي بس اللي يبغى يوصل لشي حيتخطى الصعاب .
و ربي يكتبلك اللي فيه الخير .
..
عادي أسألي اللي تبيه من حقك