لطلاب دفعــ 12 ــه .. جدولي خلال اول سنة هندسة .. اتمنى يفيدكم

[هم وانطوى]

السلام عليكم ..
اولا .. اقول الف الف مبرووووك للمهندسين والمهندسات .. وحياكم الله في الكرف
ثانيا .. ياشباب انا بعرض لكم جدولي اللي مشيت عليه اول سنة .. والحمد لله محافظ على معدلي بيه فوق 4.5 ..

الترم الاول :

1- math202 (تفاضل وتكامل 2) / 3ساعات: تعتبر ماده دسمة وافكارها كثييرة واغلبها تتكلم على التكاملات وانواعها ( يعني تجيك مسألة تكامل عادية بس الحوسة هيا بأي طريقة تقدر تحلها او من اي شبتر ),,
أفضل الدكاترة في هاذي الماده د.عبد الله القثمي و د. اشرف زنقور ..
نظام الماده في الترم الاول اللي اخذته كان 30 ميد تيرم اول و 30 ميد تيرم ثاني و 40 نهائي .. (وسمعت انه تغير الترم الثاني اتوقع صار 25 ميد اول و25 ميد ثاني و 40 نهائي و 10 درجات كويزات وحضور وواجبات .. يعني بيد الدكتور )
اختبارات المااده غالبا ماتكون من متوسطه إلى صعبه ..بإستثناء النهائي فهوا اقرب الى الصعوووبة , طبعا الاختبارات حقها كلها اختيار من متعدد
( عموما الماده ذي تعتبر من المواد الدسمة في اول سنة هندسة )

نصيحتي لهاذي الماده / ذاكرها أول بأول وانتبببببه تقول اذاكر قبل الاختبار بأسبوع ولا حتى اسبوعين .. الماده يبغالها اجتهاد عشان تقدر تفرق بين انواع التكاملات ..

2-phys281 ( معمل فيزياء عامة) / ساعه واحده : ماده سسسهله جدا جدا وتاخذ a+ فيها بالراحه .. الماده عبارة عن 8 تجارب تتكلم عن المواضيع اللي اخذتوها في فيزيا 110 .. (قانون نيوتن - السقوط الحر - القذيفه - البندول ... الخ) .. ماده ممتعه وتغير من جو الدراسة والمحاضرات , طبعا بعد كل تجربة لازم تسوي تقرير عن التجربه (نسخ لصق من ملزمه تنباع في مكتبه خوارزم العلوم ) ..
طبعا اللي يدرسوها معيدين .. اغلبهم شباب .. وانصحكم تنزلوها عند واحد اسمه رائد المالكي .. خليك تمام معاه وتشوفه زي الحلاوة معاك .. انتبه تبزوط معاه وتسوي حركات نص كوم

نصيحتي لهاذي الماده / حاول انك ماتغيب فيها لانها عبارة عن تجربة وحده كل اسبوع واذا غبت لازم تعوض ولا تاخذ ع التجربة صفر .. خلي تقاريرك مرتبه وبخط واضح لأنه عليها تقييم ..

3 - arab101 (مهارات لغوية (1)) / 3 ساعات: ماده بسيطه تتكلم عن المبتدأ والخبر والفاعل والمفعول وحروف الجر والجزم والنصب وحالات الاعراب ومن هذا الكلام .. الحلو في هاذي الماده وماده الثقافه 101 انكم تقدروا تتقابلو مع اصحابكم اللي دخلو طب وقت الاختبار ..
بالنسبة للدكتور ماحيفرق كثير مع مين تكون .. لكن انا اخذتها مع الدكتور محمد هنادي .. الدكتور كويس ويلخص لك الدروس في السبوره ولو كتبت معاه وفهمت تكون قفلت على 90% من الكتاب ..
وحاول ماتغيب عنده لأنه يعطي بونس 5 درجات للي مايغيبو .. (وانتبه يشوفك فاتح الجوال )
نظام الماده ( 30 درجه ميد تيرم اول و30 ميد تيرم ثاني و 40 نهائي ) ,طبعا الاختبارات حقها كلها اختيار من متعدد

نصيحتي لهاذي الماده / لاتستهينوا بيها لأنها ب 3 ساعات وتفرق كثير في المعدل خصوصا انه لسى المعدل في ثاني سنة بالجامعه حساس ويرتفع وينزل بقووة .. والعيب في هاذي الماده انه لو نزلت معاها ثقافه 101 .. الاختبارات حق المادتين الثقافه والعربي يكونو ورى بعض بينهم تقريبا 15 دقيقه ..

4- isls101 ( الثقافة الإسلا مية (1) ) / ساعتين : ماده بسيطه برضو تتكلم عن (العقيده الاسلامة والعباد ودوافع العباده .... الخ) .. الماده تعتبر مليانه حشي كلام نوعا ما ..يعني ممكن تخرج من الصفحه الوحده ب 5 سطور مهمه .. نزلتها عند الدكتور عمر الانصاري الدكتور طيب وخلوق ومحترم ..
نظام الماده ( 30 درجه ميد تيرم اول و30 ميد تيرم ثاني و 40 نهائي ), طبعا الاختبارات حقها كلها اختيار من متعدد

نصيحتي لهاذي الماده / حاولوا تجمعوا درجات فيها من الاختبارات الاولى لأنه في النهائي يكون المنهج مليان مايقارب 250 صفحه .. لكن بالعموم تعتبر ماده سهله وبسيطه ..

5-ie255 ( الإقتصاد الهندسي ) / 3 ساعات : اكونومي وماأدراك ماالأكونومي .. الماده هاذي تعتبر من مواد الهندسة الصناعيه لكنها عامه يأخذها الكل شاء ام ابى .. الماده تتكلم عن المشاريع للشركات والعائد الربحي .. على سبيل المثال (يقولك انه فلان محتار بين 3 مشاريع وكل مشروع له تكاليف مبدأيه وتكلفه صيانه وعائد ربحي بنسبه محدده .... الخ الخ, فاحسب اي المشاريع افضل ! ) وانت عاد تقعد تحسب وتنقص وتضرب وتطلع جدول وتفك برشام لين تشوف اي واحد احسن ..

عموما الماده فكرتها بسيطه ودراستها سهله . لكن الاسئله اللي توضع في الاختبارات معقدة وصعبة نوعا ما وتحتاج لغة انقليزية والماده فيها مشروع عليه 10 درجات وبسيط .. والحلو انها لها ملخصات حق اشرف حراء ممتازة وتقدر تفهم منها وتتدرب عليهاا ..

انصحكم تنزلووها عند الدكتور وائل صلاح حسنين .. واذا اذا اذا مالقيتوه نزلوها عند الدكتور أبو بكر اسحاق .. هاذولي هم الافضل .. انا نزلتها عند وائل . الدكتور طيب واخلاااااق ومحترم جداا ويزود ويرمي درجاااااات ,,

نظام الماده ( 25 درجه ميجور اول و 25 درجه ميجور ثاني و 30 درجه نهائي و 10 درجات مشروع و10 درجات كويزات وواجبات ) .. > اذا عندي غلط في توزيع الدرجات ياليت احد يصحح لي ..

نصيحتي لهاذي الماده / ركزووا مع شرح الدكتوور .. واشترو ملخصات اشرف حراء مهمه وتدربوا عليهاا .. واللي حاسس انه مو ماشي وضعه تمام في الماده ياخذها عند خصوصي (اشرف حراء) ..

6 -ie200 ( مهارات الاتصال التقنيه ) / ساعتين : طبعا الماده من مواد الهندسة الصناعيه.. الماده هاذي كنا نسسمع عنها من الدفعه اللي قبلنا انها حريييقة وصار فيها رسوب كثيير .. بس والله الماده مررة ماكانت بالصعوبة اللي يتكلمو عنها .. بالعكس الماده سسهله وتقعد ترم كامل بس عشان تسوي بحث عن ظاهرة او مشكلة محدده .. تتعلم كتابه خطوات البحث خطوة بخطوة (تختار مشكله او ظاهرة للبحث ,, تكتب اهداف البحث ,, وايش الاسئله الرئيسيه للبحث ,, وتسوي استبيان ,, وتطلع تعرض بحثك ع البوربوينت )بسسيطه جداا حتى لو كانت لغتك مو قد كذا بالانقلش تقدر تكتب وتصحح مع الدكتور اخطائك قبل مايقيمك ..

اختيار الدكتور مايكون باختيارك .. هما يحطوك من عندهم ,,

نصيحتي للماده / خلييك على تواصل مع دكتورك ولا تسلم اي شيء تكتبه الا بعد ماتراجع اللي كتبته وتصححه مع دكتورك مرة ومرتين بعدين سلمه .. واختار موضوع البحث اللي بتكتبه موضوع انت مهتم فيه وعندك خلفيه عن الموضوع ..

هذا الجدول عبارة عن 14 ساعه ..

لي عوده ان شاء الله واكتب جدولي للترم الثاني ..
دعواتكم عندي اختبار الخميس ..

brb

[AlSAbEi]

روح ي شيخ ربي يوفقك باختبارك وفالك الـ a+ بإذن الله..
ما تعرف قد إيش بيفيدني موضوعكك هذا..
الله يعطيك العافية ولا يحرمك الأجر يآآررب..

وبانتظار جدول الترم الثاني

[Mudi]

السلام عليكم ورحمه الله وبركاته
اعذرني ياصاحب الموضوع بكتب جدولي هنا عشان لايسير فيه تشتيت للاعضاء
الترم الاول
IE200

اخذتها عن الدكتور سامي والمقيم اسماعيل مرثيري
صراحه الدكتور سامي قمه في الاخلاق لاكن مرثيري مسوي شديد لاكن فيه النهايه يعطيك فوق حقك
عيب هالماده انه ماتقدر تختار دكتورك ولا مقيمك يعني انت وحظك
MATH202

اخذتها عن الدكتور اشرف زنقور الدكتور مبدع مبدع مبدع الله يوفقه دنيا واخره ماكان يحسسك انه فيه كلاس ينكت وينصح من النهايه بطل
ARAB101

اخذتها عند الدكتور يوسف الحريري هذا يحضر وقروشه لاكن يعطي اللي مايغيب 5 درجات بونص

ISLS101
اخذتها عند الدكتور عمر الانصاري ولا اعطاني ولا درجه بونص لاكن بامانه الدكتور اخلاق ومحترم

PYS281
اخذتها عند واحد مالكي طبعا الماده مايحتاج سهله لاكن هذا سهلها زياده واعطانا A+

الجدول كان 11 ساعه وكان جدول تافه جدا والسبب اني حطيت الجدول ذا لاني كنت منزل رسم هندسي وحذفته في نص الترم كان نظامها معقد ومصخره لاكن الحين الحمد لله انحلت مشكلتها واخذتها الترم الثاني


جدول الترم الثاني

IE255
عند وائل صلاح حسنين وبس لاتحضير ودف على كيفك وشرح تمام يعني كل شي وفوق هذا كله ادمي محترم لابعد درجه

MENG102
مالها دكتور معين لاكن الماده سارت تافهه بعد ماخلوها بالكمبيوتر انا اخذتها الترم الاول وحذفتها واخذتها الترم الثاني يعني عرفت الفرق وصراحه فرق 100%
EE201

ماده مدري ايش تبغا سهله وكل شي لاكن دكاترتها لايفقهون شيئا وينكبوون الطلاب فوق تحت الحمد لله عديناها بسلام
ARAB201

اخذتها عند واحد اسمه ياسر السلمي هو معيد لاكن الحمد لله دكتور مبدع ودفنا درجات وكل شي
CHEM281

هاذي اخذتها عند واحد مكاوي وصراحه نكبنا وبعدين غيروا الدكتور لواحد اعتقد قرني وصراحه كان بطل دفنا شي مو طبيعي واعطانا اختبار تافه


وهذا جدول 12 ساعه وبرضو السبب انه قليل كنت منزل معاهم ie201 لاكن حسيت انه ضغط عليه فحذفتها
والحين ندمان لاني تخصصت صناعيه واحتمال اتاخر ع الخطه الدراسية
لاكن الحمد لله على كل حال
وبالتوفيق للجميع

[سندس بلخير]

الله يعطيك العافية ويوفقك في اختبار الخميس يارب
بس عندي سؤال
دحين مادة ie200
مواضيعها عامة ؟ يعني اعمل بحث عن اي شي في الحياة ولا لازم مواضيع هندسية ؟

[ططال عمري]

ي جعل التوفيق حليفكم وين مآ رحتوآ ,
يعطيككم آلف عآفيةة على هـ آلمسآعدة آلحلوة ذي =)

بآنتظآر ججدآول كممآن نستفيد منههـآ



بس آللحين آبغـآ آسأل , معدل آلدوآم تقريباً من كم لـ كم ؟
و آلكلاسسـآت كل وحدة بـ بمبنى , لاني سمعت نروح مبنى العلوم و مبنى 40 و 41 !

[M7mmd.Y]

يعطيكم العافية شباب ~

ما اعتقد يحتاج اي شروحات كمان.. الشباب ما قصروا

دحين مادة ie200 مواضيعها عامة ؟ يعني اعمل بحث عن اي شي في الحياة ولا لازم مواضيع هندسية ؟

مواضيع عامة.. لكن ما تكون مكررة كثير زي التدخين, الزحمة في جدة.... إلخ

يكون موضوع مميز وهادف.. لأن صراحة الموضوع اللي تختاريه يتحكم في درجتك

لو شيء فعلاً مفيد وجبتي بحث ومعلومات مفيدة درجتك ما رح تقل عن الـ a .. A+

لكن شي ابغا اذكره..

لما انتهينا من المادة كان فيه اجتماع مع منسق المادة, واقترحنا عليه كم اقتراح بيكون في مصلحتكم ان شاء الله

لكن قالنا وبالنص: "هدف المادة تحسين واختبار مهاراتك اللغوية وطريقة استخدامك لها بطريقة علمية"

يعني قالنا انو مو شرط يكون موضوع ممرة مميز .. ممكن يكون مكرر.. الأهم الانجليزي حقك كيف

*

ممكن - إن شاء الله - يوم السبت انزل الموضوع اللي بشرح فيه اهم المواد.. رح اشرح المادة هذي بالتفصيل

لأنها مادة غير باقي المواد .. هي والـ ie201

بالتوفيق

[ططال عمري]

المشاركة الأصلية كتبت بواسطة m7mmd.y يعطيكم العافية شباب ~ ما اعتقد يحتاج اي شروحات كمان.. الشباب ما قصروا مواضيع عامة.. لكن ما تكون مكررة كثير زي التدخين, الزحمة في جدة.... إلخ يكون موضوع مميز وهادف.. لأن صراحة الموضوع اللي تختاريه يتحكم في درجتك لو شيء فعلاً مفيد وجبتي بحث ومعلومات مفيدة درجتك ما رح تقل عن الـ a .. A+ لكن شي ابغا اذكره.. لما انتهينا من المادة كان فيه اجتماع مع منسق المادة, واقترحنا عليه كم اقتراح بيكون في مصلحتكم ان شاء الله لكن قالنا وبالنص: "هدف المادة تحسين واختبار مهاراتك اللغوية وطريقة استخدامك لها بطريقة علمية" يعني قالنا انو مو شرط يكون موضوع ممرة مميز .. ممكن يكون مكرر.. الأهم الانجليزي حقك كيف * ممكن - إن شاء الله - يوم السبت انزل الموضوع اللي بشرح فيه اهم المواد.. رح اشرح المادة هذي بالتفصيل لأنها مادة غير باقي المواد .. هي والـ ie201 بالتوفيق

يسسسعدك ربي آن ششآء آلله ,
و كمآن لو تتكرم و تنزل جدولك حق السنة كاملة , و تقول منآسب أو لأ ,
و آرتفع معدلك أو قل ( تأثيرهه يعني آلسلبي أو آلآيجآبي )

[M7mmd.Y]

أخي softy

اعتذر منك لكني ما اقدر استخدم الرسائل الخاصة بسبب عدد مشاركاتي

رح ارد على الأسئلة اللي ذكرتها في الموضوع إن شاء الله =)

بالتوفيق لك

و كمآن لو تتكرم و تنزل جدولك حق السنة كاملة , و تقول منآسب أو لأ , و آرتفع معدلك أو قل ( تأثيرهه يعني آلسلبي أو آلآيجآبي ) ( 16 )

بإذن الله... =)

[الحب يحتاج لضمير]

والله مشكورين على الموضوع الله يوفقكم يارب ويسهل أمركم وتحققو كل اللي نفسكم فيه يارب وان شاء الله ربي يكتبلكم الاجر وفي انتظار جديدكم

[Ramo3]

الله يوفق صاحب الموضوع وياآآخذ ِa+ قادر يا كريم
ويسعد ويوفق كل من شارك بتجربتو ونصايحو
صح اني بنت مو ولد بس ما أعتقد انو المواد راح تختلف عنكم
مره ارتحت خصوصا انو ما في احد يعرف شيء عننا
شكرااااااااااااا من اعماق قلبي