بين نارين....

["mo0on"]

السلام عليكم ..
كيفكم واخباركم ..... الخ
بدخل في الموضوع دووووووغري
بصراحة ياجماعة الخير
انا قدمت على السنة التحضيرية التاهيلة ونقبلت الحمدلله
وطبعا قبلها قدمت في البعثات وطلع رقمي ضمن الارقام
وبعثتي بتكون الى هولندا طب اسنان

والحين انا محتاره بين الاثنين اخاف اتسرع
واسحب شاهدتي وبالاخير اندم

غير كدا انا ماعرف ايش الاجرائات اليي راح اتكون بعد الترشيح
هل هو قبول نهائي او لا

لا تبخلو عليي بالنصيحة وعساكم على القوة

[لولوجدهـ]

اقبلي البعثه واتوكلي على الله ..


لان التلعيم هنا مرمطه في مرمطه هع هع ..


الله يوفقك ويسهل عليكي ..

واذا على الاجراءات ماعندي اي علم ..


ان شاء الله يجي اللي يفيدك ..

[ROoOFaNA]

اذا ضامنه البعثه واهلك موافقين ومعاكي محرم اتوكلي على الله و روحي واما اذا لا .............
والله يكتب لك الخير اذا رحتي او جلستي معانا

[dr.6amo0o7]

أختي الكريمة .... أنا كنت متحمممممممس للبعثة و انقبلت فيها و طلع اسمي فيها ..لكن الوالد كان جدا معارض .. و سجلت في جامعة الملك عبدالعزيز و انقبلت .. الآن يوم دخلت جامعة الملك عبدالعزيز والله شكرت ربي الف مرة اني ما خرجت برى بلدي ...( أنا اقلك ليش؟ ) لانك انتي لسا ما تعرفي الانظمة و على بال ما تتاقلمي مع البلد هناك و تدبري امورك و تخلصي اللغة و على فكرة انا سمعت ان هولندا الدراسة فيها باللغة الهولندية راح تتعبي شوية .. وانتي في غنى عن التعب هذا كلو

و من ناحية ثانية جامعة الملك عبدالعزيز قوية جدا في طب الاسنان وان شالله اذا أخذتي الباكلوريوس و تبغي تكملي كملي برا

و في النهاية هذه مجرد و جهة نظر و بيدك انت القرار

[soma al7elwa]

استخيري

صدقيني ما راح تندمي

استخيري اكتر من مره

وفكري كتير واستشيري كتير

وحاولي تدخلي مواقع المبتعثين واسألي عن العيشة في هولندا والدراسة وكدا

لا تستعجلي لانو اذا سحبتي ممنوع ترجعي تاني

الا اذا كان عندك واسطة محترمة طبعا

ولا تسحبي الا لو انتي متأكدة مليون في المية انك مقبولة

واذا تبغي رأيي الشخصي

لو كنت مكانك راح اكمل السنة التحضيرية وبعدها اقرر ابتعث برا او اكمل هنا لانو الطب هنا 150 طالبة فقط حسب ما سمعت وقريت

زي ما قلتلك استخيري وربنا يوفقك يارب

[miss hanoo]

اذا التدريس باللغه الهولنديه فلأ تروحي بتتعبي من جد :)

والله يكتبلك الي فيه الخير :)

["mo0on"]

لولو جدهـ
النور السعودي
dr.6amo0o7
soma al7elwa
miss hanoo

الف شكر على مروركم ولا خلا ولا عدم
واراكم على العين والراس

وبالنسبه الى الوالد ماعندوا مانع واخوي كمان متحمس يروح معي
احنا الاجليزي ويادوب احين بالهولندي الله يعين
والله ليشيب شعر راسي

شكلي استخير وامري الى الله

وربي يوفكم جميع

[respect]

إذا اتأكدتي مليون في الميه انك مبتعثة اتوكلي على الله

حاولي تدخلي وتستفسري زيادة في موقع " مبتعث "

بالتوفيق ,,

[Habo0oshe]

الله يوفقك يارب ... واستخيري

بس والله دراسة الطب هنا في جامعة الملك عبد العزيز جدا ممتازة .. والله الغربة مو حلوووة

الله يخترلك الصالح

[ميار]

انتي استخيري واجلسي مع مامتك وبابتك صدقيني محد يقدر يفيدك في دا الموضوع زيهم ناقشي الموضوع معاهم حتحسي براحه والله يدلك على خير الامرين