مشــكلتي مع صالح الجعيد

[Asem Shaabat]

السسسسلام عليكم =)

والله اني مقهوووور انا كنت في الثنوي كوويس في الكيميا وما تنقص درجتي عن 98 =(

قولو ماشالله

بس دحييين والله ماني فاهم شي في الكيميا

الدكتور حقي اسموو صالح الجعيد << اتوقع تعرفوه ><"

كل اللي سألتهم مافي احد مدحوو

خطو ماهو واضح ولا يعرف يشرح ويجلس يهزأ في الطلاب المهم والله ماني عارف من وين اذاكر

يعني انا ابغى ملخص كوويس اذاكر منو وان شاء الله بفهم لحالي ما ابغى اسمع للدكتور ><"

[م.عبدالله]

سمعت عنو انو مرررره مايعرف يشرح ولسانو سيئه شوي

اما عن الملخصات اختر يا حسن وحيد او يوسف زويل وحسن افضل

[Eng.SouL]

المشاركة الأصلية كتبت بواسطة م.عبدالله سمعت عنو انو مرررره مايعرف يشرح ولسانو سيئه شوي اما عن الملخصات اختر يا حسن وحيد او يوسف زويل وحسن افضل

ذا ملخص ولا قلة حيا؟
قسم بالله شاريه امس فوق 200 صفحة
صار كتاب كامل .......
والله على بالي 50 صفحة بالكثير ><"

[فتاة القرآن]

........ما اعتقد تحتاج ملخصات دام انك فاهم أصلاً في الثانوي..
...الكتاب يحتاج شوية ترتيب بس.. وومرة على مرة راح تفهم الهرجة بالانجليزي...

بالتووفيق

[M!SS Lara]

أخي أنا كنت متلك السنه الي فاتت ..
الدكتوره شرحها ... نو كومنت عليه < لاتعليق ..
..
نصيحتي انو روح ع جرير واشتري كتاب ( اساسيات الكميمياء ) ولونه أزرق ..
وافهم الي فيه تمام ..
وبعدين أرجع للكتاب وحتلاقيه نفسه بس اللهم بالانجليزي ..
بس جد حتفهم الكيمياء كويييس :)
وانت عادي ابحث عن استاذ شرحه كويس واحضر له ..
وخلي احد يحضرك عند ده الدكتور الي مايفهم ..

[Asem Shaabat]

سمعت عنو انو مرررره مايعرف يشرح ولسانو سيئه شوي اما عن الملخصات اختر يا حسن وحيد او يوسف زويل وحسن افضل

طيب تسلم =)
يعني الملخص يغنيني عن الكتاب ؟؟
عشان ما ابغى اذاكر من اماكن كثير ماراح يكون فيه تركيز عرفت
يعني الكتاب احسن ولا الملخص !

[Asem Shaabat]

ذا ملخص ولا قلة حيا؟ قسم بالله شاريه امس فوق 200 صفحة صار كتاب كامل ....... والله على بالي 50 صفحة بالكثير ><"

ههههههههه
في الثانوي ماتلاقي ملخص 50 صقحه
طيب من فين حصلتووو ؟؟

[Asem Shaabat]

........ما اعتقد تحتاج ملخصات دام انك فاهم أصلاً في الثانوي.. ...الكتاب يحتاج شوية ترتيب بس.. وومرة على مرة راح تفهم الهرجة بالانجليزي... بالتووفيق

هووا دا اللي حيلخبطني انوو ماراح اعرف اش اللي معانا واش اللي مو معانا
والدكتور حقنا ما يقصر حتى العنوان يكتبو بخط مو واضح واذا سألتو يقول خلاص خلاص ويكمل الدرس =(
ترا انا داخل جامعه ماني داخل تمهيدي ><"

[Asem Shaabat]

أخي أنا كنت متلك السنه الي فاتت .. الدكتوره شرحها ... نو كومنت عليه < لاتعليق .. .. نصيحتي انو روح ع جرير واشتري كتاب ( اساسيات الكميمياء ) ولونه أزرق .. وافهم الي فيه تمام .. وبعدين أرجع للكتاب وحتلاقيه نفسه بس اللهم بالانجليزي .. بس جد حتفهم الكيمياء كويييس :) وانت عادي ابحث عن استاذ شرحه كويس واحضر له .. وخلي احد يحضرك عند ده الدكتور الي مايفهم ..

برضو نفس السؤال كيف اعرف الشي اللي معانا ؟؟
وشكررا ع النصيحه والله مره تمام

[سحر البيان]

المشاركة الأصلية كتبت بواسطة Asem Shaabat برضو نفس السؤال كيف اعرف الشي اللي معانا ؟؟ وشكررا ع النصيحه والله مره تمام

خذ جدول المحاضرات من موقع د. اكرام أو الدكتور أبو الحجاج

اللي عرفته أن المنهج بين البنين و البنات يختلف شوي

و شوف موضوعي يمكن يفيدك

http://www.skaau.com/vb/showthread.php?t=267400