استفسار وش الفرق بين الانتساب والتعليم عن بعد وايهما افضل

[فوفو777]

ياليت لو توضحون لي وش الفرق بين التعلي عن بعد والانتساب من جميع الجوانب حتى مستقبلا يعني وش احسن شهادة وش الافضل وتنصحوني بشووو انتساب او تعليم عن بعد

[طموحي الامتياز]

امممم التعليم عن بعد فيه اختبارات
دوريه ودرجات حضور ودرجات مقسمه
عكسسس الانتساب
اختبار واحد وعليه 100 درجه
وانتي شوفي اللي ريحك والمستقبل الارزاق بيد الله
مااظن فيه فرق بينهم اهم شي احرصي انك
تتخرجي بمعدل حححلو
والله يوفقك ياااارب
^__^

[فوفو777]

المشاركة الأصلية كتبت بواسطة طموحي الامتياز امممم التعليم عن بعد فيه اختبارات دوريه ودرجات حضور ودرجات مقسمه عكسسس الانتساب اختبار واحد وعليه 100 درجه وانتي شوفي اللي ريحك والمستقبل الارزاق بيد الله مااظن فيه فرق بينهم اهم شي احرصي انك تتخرجي بمعدل حححلو والله يوفقك ياااارب ^__^

طيب الاسئله تجي موحدة تبع التعليم عن بعد والانتساب ؟

والحضور يكون مستمر من بدايه الترم الين ينتهي الترم او فترة محددة 3 اسابيع زي الانتساب وش تتوقعين اللي يرفع المعدل الانتساب او التعليم عن بعد

[مشعل أبوتركي]

فيه فرق كبير جداً

أولاً : ما عاد فيه أنتساب بالجامعه اللتغاء هـ النظام من جميع الجامعات اللي مسجل انتساب قبل الامر يكمل انتساب لكن ما عاد فيه تسجيل جديد.

ثانياً : الفرق بين الانتساب والتعليم عن بعد
أ. في الانتساب الاختبار من 100 درجة والحد الادناء للنجاح بالماده 60 درجه أي مطلوب منك 60% من اجمالي الدرجة أما في التعليم عن بعد يوجد مشاركة وواجبات عليها 30 درجة من أصل 100 درجة ويتبقى 70 درجة على الاختبار النهائي.
ب. التعليم عن بعد درجة المشاركة والواجبات مضمونه 100% بأذن الله عند الانتظام في تحميل المحاضرات من موقع الجامعه أي ضمنتي 30 درجة ويتبقى 30 درجة بالاختبار النهائي من 70 بمعنى أصح مطلوب 42% للنجاح بالمادة


الفرق واضح لصالح التعليم عن بعد (42%) بينما الانتساب مطلوب (60%) لنجاح بالمادة

آسف على الاطاله

[مشعل أبوتركي]

المشاركة الأصلية كتبت بواسطة فوفو777 طيب الاسئله تجي موحدة تبع التعليم عن بعد والانتساب ؟ والحضور يكون مستمر من بدايه الترم الين ينتهي الترم او فترة محددة 3 اسابيع زي الانتساب وش تتوقعين اللي يرفع المعدل الانتساب او التعليم عن بعد

لهم فترة اختبارت تختلف عن موعد اختبارات الانتساب

بالنسبة للحضور نفس الانتساب وقت الاختبارات فقط

والواجبات عن طريق الانترنت أون لاين

[طموحي الامتياز]

المشاركة الأصلية كتبت بواسطة فوفو777 طيب الاسئله تجي موحدة تبع التعليم عن بعد والانتساب ؟ لا ماتتوقع نفسها لانه النظام يختلف بسسس في النهايه نفسسس المنهج احنا الاختبار النهائي 100درجه وهما اقل شوفي بالنسبه للايت اللي يرفع المعدل دا شي يرجع لك انتي يعني فيه بعض الناس يناسهم انتساب والبعض مايرتاح الا اذا انشرح له المنهج كامل ويختبر اكثر من الاختبار افضل شي استخيري ربك وقارني بين الاثنين وشوفي ايت اللي قلبك ارتاح له ^__^ بسسس لاتتسرعي خذي قرارك وانتي متاكده منه اما اذا كنت محتاره خليكِ انتساب عشان لاتندمي وتشتتي نفسك بين الانتساب والتعليم عن بعد والحضور يكون مستمر من بدايه الترم الين ينتهي الترم او فترة محددة 3 اسابيع زي الانتساب وش تتوقعين اللي يرفع المعدل الانتساب او التعليم عن بعد انا اللي اعرف انه مستمر ودا اللي يميز التعليم عند بعد عن الانتساب بسس على حسب ممكن يكون عندك 3 ايام في الاسبوع محاضرات يعني حسب جدولك والحضور شي الزامي يعني لو ماحضرتي عدد معين من المحاضرات تاخذي حرمان في الماده وترسلي واجباتك بالوقت المححدد اما الانتساب حضرتي ماحضرتي ماتفرق اهم شي حضورك للاختبار النهائي

بالتوفيق ياحلوه ان ششاء الله اكون افدتك ولو بالقليل
والافضل انك تتعرفي على وحده تعليم عن بعد
وتجاوبك على كل تساؤلاتك
الله يكتب لكِ اللي فيه الخير ويوفقك

^___^

[طالب مجتهد 5556]

الانتساب افضل بكثير لسبب واحد فقط

الاتصالات عندنا جدا سيئة ماتنفع بريال يعني يقطع عليك اتصال او يصير لك مشكلة بالاتصال

مستقبلك يروح التعليم عن بعد ينفع للدول المتقدمة السعودية ماينفع لها الا نركب جمل ونروح الجامعة ومعنا كتب

التقنية والتقدم احنا متاخرين فيه مررررررررررررررة ويبغالنا سنوات عشان نوصل له

وبالنسبة لاعتماده من قبل وزارة التعليم العالي هذي سياسات اكبر مما نتخيل

[عضو منتسب]

أنا وصلت 60 ساعة وجاني الخيار

أبقى أنتساب او أحول تعليم عن بعد

ووصرت أهوجس ما أدري أبقى أنتساب ولا اروح تعليم عن بعد


أحد ينصحني محتاااااااااااااااااااار

[طموحي الامتياز]

مممن جججد احنا مرـآآآ ماينفع والسبب النت

طول السنه شغال وتمام سبحان الله وقت المحاضرات

بس يفصل ولا الاتصال بطئ والصوت الدكتوره يقطع

وكمان والله فيه دكتورات مو متمكنات من استخدام الكمبيوتر

ومحاضره يسجلوها ومحاضره لا

واحنا خلف الكواليسسس تنحرق اعصابنا هههههه

بسسس طبعا فيه البعض مسجل فيه ومرتاح

الله يكتب لكل الطلاب الخير

^___^

[طالب مجتهد 5556]

المشاركة الأصلية كتبت بواسطة عضو منتسب أنا وصلت 60 ساعة وجاني الخيار أبقى أنتساب او أحول تعليم عن بعد ووصرت أهوجس ما أدري أبقى أنتساب ولا اروح تعليم عن بعد أحد ينصحني محتاااااااااااااااااااار

والله وانا اخوك بالنسبة لجني الدرجات في التعليم عن بعد افضل بكثير من الانتساب

لكن هل يتم تعليق مستقبلك على اتصال وتقنة متأخرة للاسف مااعتقد فالانتساب اسلم لك

هذي وجهة نظري ممكن غيري يخالفني